الماتى قالاسى مادەني وشاقتارىنىڭ گۋمانيتارلىق كومەگى ارىسقا جولعا شىقتى.

كومەك كەرۋەنى قۇرمانعازى اتىنداعى قازاق ۇلتتىق كونسەرۆاتورياسى عيماراتى الدىندا جينالىپ، سول جەردەن اتتاندى.

ء“بىز ارىستىقتاردىڭ باسىنا تۇسكەن قايعىعا ورتاقتاسىپ وتىرمىز. قر مادەنيەت جانە سپورت ءمينيسترى اقتوتى رايىمقۇلوۆانىڭ باستاماسىمەن قالاداعى بۇكىل مادەني جانە سپورت وشاقتارى بىرىگىپ قولۇشىمىزدى بەرىپ جاتىرمىز. مۇنداي قيىن جاعدايدا تىس قالۋعا بولمايدى. “بىرلىك بار جەردە - تىرلىك بار”، دەيدى. سوندىقتان قۇرمانعازى اتىنداعى كونسەرۆاتوريا، قۇرمانعازى اتىنداعى حالىق اسپاپتار وركەستورى، اۋەزوۆ اتىنداعى دراما تەاتر، ارحيۆ مەكەمەسى سياقتى قالاداعى بارلىق مادەني وشاقتار كومەك جيناپ، جولعا شىعىپ بارامىز. حالىقتىڭ جاعدايىن ءوز كوزىمىزبەن كورىپ، ولارعا ماتەريالدىق، رۋحاني قولداۋ كورسەتكىمىز كەلەدى. نەگىزى ەكى شتاب قۇرىلعان، بىرەۋى ءبىز بولساق، ەكىنشىسى جۇرگەنوۆ اتىنداعى ونەر اكادەمياسىندا. ولار جولعا ەرتەڭ شىعادى”، - دەيدى كونسەرۆاتوريانىڭ رەكتورى ارمان جۇدەۆاەۆ.

قۇرمانعازى اتىنداعى مەملەكەتتىك حالىق اسپاپتارى وركەستورى ديرەكتورىنىڭ ورىنباسارى مۇحامبەد اشحاتۇلى ارىستىقتارعا قازىر مورالدىق قولداۋ كورسەتۋ وتە ماڭىزدى دەگەن ويىن ءبىلدىردى.

ء“دۇيىم ەل-جۇرت بولىپ كومەكتەسىپ جاتقاندا بىزگە قول قۋسىرىپ وتىرعان جارامايدى. شامامىز كەلگەنشە ماتەريالدىق جانە مورالدىق قولداۋ كورسەتۋ ماقساتىندا جولعا شىعىپ بارامىز”، - دەيدى ول.

ءبىر ميكرواۆتوبۋسقا گۋمانيتارلىق كومەك تيەلسە، ەندى بىرىنە ونەر ادامدارى تيەلگەن كەرۋەن ارىس قالاسىنا اتتانىپ كەتتى.

Abai.kz