سۇيگەن ادامىڭمەن ۇزاق ۋاقىت سويلەسپەي قويۋعا بولمايدى. جالعىز ءوزىڭ تىنىشتىققا كەتىپ قالا بەرمە. ارينە، ءار ادامنىڭ ءومىرى سان الۋان وقيعاعا تولى، بىتپەيتىن ىسكە، تاۋسىلمايتىن شارۋاعا اينالاسىڭ. اشىلىپ سويلەسۋگە مۇرشا جوق دەپ ءوزىڭدى الدارقاتاسىڭ. الدا تالاي ۋاقىت بار دەپ سەنەسىڭ. ءالى تالاي اڭگىمە سوعارمىز، جان دۇنيەدەگى جينالىپ قالعان سىردى اقتارارمىز دەپ ءبارىن كەيىنگە قالدىرامىز. ءبىر-ءبىرىمىزدىڭ كوزىمىزگە قاراپ، ىستىق شايدى سوراپتاپ، بار جاڭالىقتى ايتىپ، ءوزىمىز جايلى سىرعا قانىعامىز دەپ ويلايمىز.

دەپ جۇرگەندە ۋاقىت سىرعىپ ءوتىپ، ءبىر-ءبىرىمىزدى وڭاشا كورگەندە ايتار اڭگىمە قالماعانىن سەزەمىز. قۇددى بىرەۋ اراعا وقشاۋلايتىن قابىرعا تۇرعىزعانداي. ول قابىرعادان اتتاۋ قيىننىڭ قيىنى بوپ قالادى. نە بولدى ءوزى؟ تۇك تە بولمادى. سەن وزگەردىڭ. ادامدار ىلعي سويتەدى. جاڭا تانىس، جاڭا ورتا، ءتۇرلى وقيعالار بىرىگىپ كەپ ادامنىڭ پورترەتىن وزگەرتتى. ءبىر-بىرىڭە بۇرىنعىداي قاراعانمەن، تانىماي قالا بەرەسىڭدەر. اڭگىمە تاۋسىلعان.

بىرگە ءجۇرىپ بوتەن بوپ كەتكەنىڭدى سەزبەگەنسىڭ. جات بوپ كەتكەنسىڭدەر. سول باياعى ادام عوي دەپ قارايسىڭ. جوق. ساعان باستان-اياق تەسىلىپ قاراعان ادام بوتەن بوپ شىعادى. ساعان تۇسىنىكسىز بوتەن تىلدە سويلەيدى. ەكەۋىڭنىڭ اراڭدا باستى نارسە جوعالعان. ءتۇسىنىسۋ جويىلعان...

(الينا ەرموللاەۆادان اۋدارعان شىنار ءابىلدا)

شىنار ءابىلدانىڭ facebook پاراقشاسىنان

Abai.kz