الماتى Disney كومپانياسىنىڭ ليتسەنزياسىمەن رەسمي كينوكونتسەرتتەر وتەتىن الەمدىك استانالار تىزىمىنە ەندى.

العاش رەت وتاندىق ارتىستەر Disney-ءدىڭ كوپشىلىك ىقىلاسىنا بولەنگەن انيماتسيالىق فيلمدەرىندەگى تانىمال سانۋندترەكتەردى قازاق تىلىندە شىرقادى. دانيار وتەگەن، نۇرمۇحاممەد جاقىپ، ادام، كەنتال، دانەليا تۋلەشوۆا، ەردەن جاقسىبەكوۆ، يندي ەدىلباەۆا، جارقىناي شالقار، بالجان بيداش سيمفونيالىق وركەستىردىڭ سۇيەمەلدەۋىمەن جاندى داۋىستا ءان سالىپ، كورەرمەنگە ونەرلەرىن پاش ەتتى.

قازاقستان ءۇشىن ارنايى جاسالعان باعدارلاما ديسنەيلىك كينوكونتسەرتتىڭ رەسمي باعدارلاماسىنا "مۇزدى جۇرەك" ("حولودنوە سەردتسە"), "اڭ پاتشاسى ارىستان"("كورول لەۆ"), "سۋ پەرىسى" ("رۋسالوچكا"), "ارۋ مەن قۇبىجىق", (كراساۆيتسا ي چۋدوۆيششە") "مۋلان", "الاددين", "پوكاحونتاس" سياقتى بارلىعى 22 ءمۋلتفيلمنىڭ كومپازيتسيا ەندى.

"بۇگىن ءبىز Disney-ءدىڭ ەڭ ۇزدىك اندەرىن العاش رەت قازاق تىلىندە ءوز ارتىستەرىمىزدىڭ ورىنداۋىندا تىڭداپ وتىرمىز. بۇل ءبىزدىڭ استانا كۇنى مەرەكەسىنە وراي بالالارعا جاساعان سىيىمىز. مەن تمد-داعى Walt Disney كومانياسىنا جانە بۇگىن ءبىزدىڭ ارامىزعا وتباسىمەن بىرگە كەلگەن كومپانيا وكىلى يگور ماكاروۆقا راقمەت ايتامىن. مۋزىكا بالالاردىڭ بويىندا مەيىرىم مەن ءپاتريوتيزمدى، ادامگەرشىلىك قاسيەتتەر مەن كىشىپەيىلدىلىكتى قالىپتاستىرادى" - دەدى "بولاشاق" كق قامقورشىلىق كەڭەسىنىڭ قۇرمەتتى مۇشەسى باۋىرجان بايبەك.

"جۇلدىزدار شەرۋى" قايىرىمدىلىق كينوكونتسەرتىنىڭ اياسىندا 7 ملن تەڭگەدەن استام قارجى جينالدى. جينالعان قاراجات تولىقتاي "بولاشاق" كورپوراتيۆتىك قورىنىڭ الەۋمەتتىك جوبالارىنا جۇمسالادى. ء"ار بالا مەكتەپكە بارۋى ءتيىس" جوباسىنىڭ اياسىندا نۇر-سۇلتان، شىمكەنت، ورال، اقتاۋ، اتىراۋ، قىزىلوردا، پاۆلودار، پەتروپاۆل جانە الماتىدا ينكليۋزيانى قولداۋ ءۇشىن 20 كابينەت اشىلدى.

اۋتيزم جانە باسقا دا مەنتالدىق سىرقاتى بار 248 بالا مەكتەپكە بارۋعا مۇمكىندىك الدى. 2019 جىلى اقمولا، اقتوبە، شىعىس قازاقستان، جامبىل، قاراعاندى، پاۆلودار، سولتۇستىك قازاقستان جانە تۇركىستان وبلىستارىندا تاعى دا 20 كابينەت اشۋ جوسپارلانعان.

قازاقستانداعى ينكليۋزيۆتى ءبىلىم بەرۋدى جەتىلدىرۋگە جاردەمدەسۋ ماقساتىندا "بولاشاق" كق باستاماسى "Nur Otan" پارتياسىنىڭ تاراپىنان "كەدەرگىسىز كەلەشەك" رەسپۋبليكالىق جوباسىنىڭ اياسىندا قولداۋ تاپتى.

Abai.kz