اتالعان مەكەمەنىڭ ءباسپاسوز قىزمەتىنىڭ وكىلى كاريم امانكۋلوۆ حابارلاعانداي، ول كۋاگەر رەتىندە شاقىرىلعان.
ميليتسيا قىزمەتكەرلەرى شاقىرۋ قاعازىن المازبەك اتامباەۆ تۇراتىن كوي-تاش اۋىلىنداعى ۇيىنە اكەلىپ بەرگەن. قۇجاتتا ء"ىىم تەرگەۋ قىزمەتى 9 شىلدەدە، تاڭعى ساعات 9-دا سۇراۋ الۋعا شاقىرىلادى" دەلىنگەن.
الايدا بۇرىنعى مەملەكەت باسشىسى تەرگەۋگە بارمايتىنىن، سەبەبى زاڭسىزدىق ارەكەتكە بارىپ وتىرعان قازىرگى بيلىككە سەنبەيتىنىن مالىمدەدى. ول وزىنە قويىلاتىن بارلىق سۇراقتاردى زاڭگەرى سەرگەي سلەسارەۆقا جىبەرۋىن ۇسىندى.
قىرعىزستاننىڭ ىشكى ىستەر مينيسترلىگى 2019 جىلدىڭ باسىندا قىلمىس الەمىنىڭ بەدەلدىسى ازيز باتۋكاەۆتى زاڭسىز تۇرمەدەن بوساتۋ ءىسى بويىنشا قىلمىستىق ءىس قوزعاعان.
جوگوركۋ كەڭەش 27 ماۋسىمدا المازبەك اتامباەۆتىڭ ەكس-پرەزيدەنت جانە قول سۇعىلماۋشىلىق يممۋنيتەتىن الىپ تاستادى.
Abai.kz
