جۇما, 29 ناۋرىز 2024
2480 0 پىكىر 9 شىلدە, 2019 ساعات 13:07

داۋرەن اباەۆ «زەرەن-2019» رەسپۋبليكالىق لاگەرىنىڭ جاس كاسىپكەرلەرىمەن كەزدەستى

7 شىلدەدە قر اقپارات جانە قوعامدىق دامۋ ءمينيسترى داۋرەن اباەۆ «زەرەن-2019» رەسپۋبليكالىق تانىمدىق جاستار جازعى لاگەرىنە باردى. مينيستر ءبىرىنشى اۋىسىمنىڭ قاتىسۋشىلارىمەن سويلەسىپ، جاس كاسىپكەرلەردىڭ بيزنەس-يدەيالارىمەن تانىستى.

«قازىر وسى الاڭ ەلىمىزدىڭ ءار وڭىرىنەن جانە جاقىن شەتەلدەن كەلگەن ەڭ دارىندى، ءارى باستاماشىل جاستاردىڭ باسىن قوسىپ وتىر. ارقايسىڭىز ءوز جوبالارىڭىزدى تانىستىرىپ، ونىڭ مۇمكىندىكتەرى مەن الەۋەتتەرى تۋرالى ايتىپ قانا قويماي، سونىمەن قاتار تاجىريبە جيناپ، ۇزدىك بيزنەس-تالىمگەرلەردەن، كوۋچتار مەن ساراپشىلاردان ءبىلىم الا الاسىزدار. لاگەردەگى قارقىندى ءبىلىم الۋ كۇندەرى ءوز جولدارىڭىزدى تابۋعا جانە ءوز-وزدەرىڭىزگە دەگەن سەنىمدەرىڭىزدى ارتتىرۋعا كومەكتەسەدى. «زەرەن-2019» ويلارىڭىزدان شىعىپ، جاڭا جوبالار مەن باستامالارىڭىزدى جۇزەگە اسىرۋعا مۇمكىندىك بەرەتىنىنە سەنىمدىمىن»، - دەپ داۋرەن اباەۆ جاستارمەن كەزدەسۋ كەزىندە پىكىر ءبىلدىردى.

لاگەرگە 50-دەن استام قازاقستاندىق جانە حالىقارالىق ساراپشى جينالدى. ولاردىڭ قاتارىندا ءوز ءبىلىمى مەن تاجىريبەسىن جاستارمەن بولىسۋگە دايىن بيزنەس، اكادەميالىق قاۋىمداستىقتاردىڭ، ۇەۇ-نىڭ، ستارتاپتاردىڭ، جەتەكشىلەرى مەن وكىلدەرى، قوعامدىق پىكىر كوشباسشىلارى بار.

 

​لاگەر قاتىسۋشىلارى ءبىلىم ۇدەرىسىنە جانە مەنتورلارمەن بىرگە ىستەلەتىن جۇمىستارعا تولىق جۇمىلدىرىلعان، ولاردىڭ ءار كۇنى، ساعاتتارىنا دەيىن جوسپارلانعان. جاستاردىڭ ءبىلىم الاتىن نەگىزگى باعىتتارى: ازاماتتىق قوعامدى دامىتۋ، كاسىپكەرلىك داعدىلارى، جاسىل ەكونوميكا، كرەاتيۆتى ەكونوميكا جانە جاڭا مەديا سالالارى.

قازىر لاگەردىڭ ءبىرىنشى اۋىسىمى ءوتىپ جاتقانىن ەستەرىڭىزگە سالامىز. لاگەر ءوز جۇمىسىن 3 شىلدەدە باستادى. قاتىسۋشىلار كوماندالارعا جىكتەلدى. ونىڭ ماقساتى – قاتىسۋشىلاردى ءبىر بىرىمەن تانىستىرۋ، پسيحولوگيالىق كەدەرگىلەردى جويۋ، جايلى جاعداي قالىپتاستىرىپ، ورتاق قاتىناس كەڭىستىگىن قۇرۋ بولدى.

12 مەنتور جوبالىق 36 كوماندانىڭ ستارتاپ-جوبالارىن ازىرلەپ، باستاۋ الۋىنا كومەكتەسەدى. قازىر كوماندالار نارىقتى الدىن الا زەرتتەپ، ناقتى بيزنەس ۇلگىلەردى قۇرۋدا. نارىقتاعى قاجەتتىلىكتەردى ەسكەرە وتىرىپ، تاۋارلار مەن قىزمەتتەردىڭ سيپاتتاماسى جاسالىپ جاتىر. ودان بولەك، كوۋچتەر مەن مەنتورلار شىعارماشىلىق، ويلاۋ ديزاينى داعدىلارىن جەتىلدىرىپ، جوبالاردى باسقاردى جانە كاسىپكەرلىك نەگىزدەرىن ۇيرەتۋدە.

​قاتىسۋشىلاردىڭ يدەيالارىنىڭ اراسىندا قازىرگى جۇمىس كەزەڭىندە اعىلشىن جانە قازاق تىلدەرىن ءتيىمدى ونلاين ۇيرەنۋ; مۇگەدەكتەرگە ارنالعان كيىم تىگۋ; ۇلتتىق تاعام – قۇرتتى دايىنداۋدىڭ جاڭا ۇلگىسى جانە تاعى باسقالارى بار.

​قارقىندى ءبىلىم ۇدەرىسىنە قوسا، سالاۋاتتى ءومىر سالتىن قالىپتاستىرۋ سالاسىنداعى جەتكەشى جاتتىقتىرۋشىلار قاتىسۋشىلارمەن جۇمىس ىستەۋدە، ولار كۇندەلىكتى ورمان ىشىندە جۇگىرىپ، جالپى دامىتۋ جاتتىعۋلارىن جاسايدى، قۋات ارتتىرۋ جاتتىعۋلارىن جاساپ، يوگامەن جانە زۋمبامەن اينالىسادى.

لاگەر جۇمىسى شىلدەنىڭ سوڭىنا دەيىن جالعاسادى. «زەرەن-2019» جازعى لاگەرىنىڭ ءۇش اۋىسىمىندا 18 - 29 جاس ارالىعىنداعى 600 قاتىسۋشى ءبىلىم الاتىن بولادى. لاگەردىڭ ءۇش اۋىسىمىنا ىرىكتەۋ 27  مامىر جانە 30 ماۋسىم  ارالىعىندا www.zerencamp.kz سايتىندا ءوتتى. لاگەرگە قاتىسۋعا 1000-نان استام ءوتىنىش كەلىپ ءتۇستى.

لاگەردەگى ءۇش اۋىسىمنىڭ قورىتىندىسى بويىنشا ۇزدىك 30 جوبا قارجىلاندىرىلادى. جالپى جۇلدە قورى 15 ميلليون تەڭگە.

جوبانى قر اقپارات  جانە قوعامدىق دامۋ مينيسترلىگىنىڭ تاپسىرىسىمەن قازاقستاندا جاستار جىلىن وتكىزۋگە قاتىستى جول كارتاسى شەڭبەرىندە قازاقستان ازاماتتىق اليانسى جۇزەگە اسىرۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3584