ۇيىمنىڭ 9 شىلدەدە جاساعان مالىمدەمەسىندە «9 ماۋسىمدا پرەزيدەنت سايلاۋى كۇنى داۋىس بەرۋدى ءادىل ەمەس دەپ سىناعان مىڭداعان ادام بيلىكتىڭ نىساناسىنا اينالدى» دەپ جازىلعان.
«9 ماۋسىمدا قازاقستانداعى بەيبىت ميتينگىگە شىققاندار پوليتسيا تاراپىنان قىسىمعا تاپ كەلدى. پوليتسيا مىڭداعان ادامدى قاماپ، بىرنەشە ءجۋرناليستى ۇستادى» دەگەن PEN International اتقارۋشى ديرەكتورى كارلز تونەر مالىمدەمەدە.
تونەر «قازاقستان بيلىگىنىڭ بەيبىت ميتينگىگە كەلگەندەردى جاپپاي ۇستاۋى – ادامداردىڭ بوستاندىعى مەن ادام قۇقىعىن قۇرمەتتەمەۋ، بيلىكتى ۇستاپ قالعىسى كەلەتىندەردىڭ وپپوزيتسيا ءۇنىن كۇشپەن باسۋ» دەپ سانايدى.
PEN International — 1921 جىلى قۇرىلعان جازۋشىلاردىڭ حالىقارالىق قاۋىمداستىعى. ادامداردىڭ وي ەركىندىگىن قورعاۋ – ۇيىم ميسسياسىنىڭ ءبىرى.
نارازىلىق شاراسىندا پوليتسيانىڭ ادامداردى كۇشتەپ ۇستاۋىن بۇۇ ادام قۇقىعى جونىندەگى كەڭسەسى، Human Rights Watch جانە ەقىۇ دا سىناعان.
Abai.kz
