جۇما, 29 ناۋرىز 2024
2762 0 پىكىر 10 شىلدە, 2019 ساعات 11:52

الماتىدا باشقۇرت اقىنىنا كوشە بەرىلدى

9 شىلدە كۇنى وتكەن سالتاناتتى شاراعا قر رەسەي فەدەراتسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆ، الماتى قالاسىنىڭ اكىمى باقىتجان ساعىنتاەۆ، قر مادەنيەت جانە سپورت ءمينيسترى اقتوتى رايىمقۇلوۆا جانە باشقۇرت دەلەگاتسياسىن باستاعان مۇستاي كارىم اتىنداعى قوردىڭ قۇرىلتايشىسى، اقىننىڭ نەمەرەسى تەمىربولات كارىم قاتىستى.

سونىمەن قاتار، «مامىر-1» شاعىناۋدانىندا ورنالاسقان كوشەنىڭ اشىلۋ سالتاناتىنا قالا تۇرعىندارى، قازاقستاندىق جانە رەسەيلىك اقىن-جازۋشىلار، ەتنومادەني بىرلەستىكتەر، جاستار ۇيىمدارى جانە مۇستاي كارىمنىڭ تۋىستارى جينالدى.

- بۇكىل تۇرىك دۇنيەسىنىڭ ۇلى شايىرى، باۋىرلاس باشقۇرت حالقىنىڭ اقىنى، جازۋشى-دراماتۋرگ مۇستاي ءسافيۇلى كارىمنىڭ ەسىمى قالامىزداعى ەڭ ءبىر كورنەكتى كوشەگە بەرىلىپ وتىر، - دەپ ءسوز باستادى الماتى اكىمى، - تورتكۇل دۇنيەگە ەسىمى كەڭىنەن تانىمال مۇستاي كارىمدى ءبىزدىڭ قازاق وقىرمانى ءوز اقىنىم، ءتول پەرزەنتىم دەپ بىلەدى. اقىننىڭ «ءۇش تاعان»، «ءتالتۇس» اتتى كىتاپتارى قازاق تىلىنە اۋدارىلعان. ەلىمىزدىڭ قالىڭ وقىرمانى مۇستاي كارىمدى ءتول اقىنىنداي قۇرمەتتەپ، ونىڭ جالىندى جىرلارىن جاتقا وقيدى.

مادەنيەت ءمينيسترى اقتوتى رايىمقۇلوۆا ايتقانداي، «سۇم سوعىستى دا باستان كەشكەن مۇستاي كارىم قولىنان اق قاعاز بەن قالامدى ءبىر تاستاعان ەمەس».

- ول اۋىر جاراقات الىپ، گوسپيتالدان ساۋىعىپ شىققان سوڭ، مايداننىڭ العى شەبىنە ورالىپ، ءوز شىعارمالارى ارقىلى جاۋىنگەرلەرگە رۋح بەرىپ وتىردى. ءبىز ءۇشىن مۇستاي كارىم وسىنداي ىزگى دە قاستەرلى قاسيەتتەرىمەن ەستە قالادى. ونىڭ ۇمىتىلماس تىلسىم تۋىندىلارىن جىر سۇيەر قاۋىم عاسىرلار بويى جادىندا قالاتىنى ءسوزسىز، - دەدى مينيستر.

ايتا كەتەلىك، رەسەيدىڭ ك.س. ستانيسلاۆسكي اتىنداعى مەملەكەتتىك سىيلىعىنىڭ، باشقۇرتستان مەملەكەتتىك سىيلىعىنىڭ، كسرو مەملەكەتتىك سىيلىعىنىڭ لاۋرەاتى، سوتسياليستىك ەڭبەك ەرى مۇستاي كارىمنىڭ بيىل 100-جىلدىعى كەڭىنەن تويلانۋدا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544