«Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەك جۇمىس ساپارىمەن باتىس قازاقستان وبلىسىنا باردى. ساپار بارىسىندا ول ايماقتىق پارتيا اكتيۆىمەن كەزدەستى. سونداي-اق بارلىق دەڭگەيدەگى ماسليحاتتارداعى پارتيا فراكتسياسىنىڭ جۇمىسىن جانداندىرىپ، پارتيا مەن فراكتسيا اراسىنداعى ءوزارا قارىم-قاتىناستى كۇشەيتۋ كەرەكتىگىن ايتتى. ودان بولەك، پارتيا جەرگىلىكتى جەرلەردە دەپۋتاتتارمەن بىرگە ەلباسىنىڭ الەۋمەتتىك باستامالارىن، مەملەكەتتىك بعدارلامالاردى جانە بيۋدجەت قاراجاتىن جۇمساۋدىڭ اشىقتىعىن قاتاڭ باقىلاۋعا الۋى ءتيىس ەكەنىنە نازار اۋداردى.

پارتيا وبلىستىق فيليالىنىڭ كونفەرەنتسياسىندا باۋىرجان بايبەك مەملەكەت باسشىسى قاسىم-جومارت توقاەۆتىڭ سايلاۋالدى تۇعىرناماسى قوعام ءۇشىن بىرىكتىرۋشى ءرول اتقارىپ، مەملەكەتتىك اپپاراتتى ساپالى ءارى ءتيىمدى جۇمىسقا جۇمىلدىرۋ كەرەكتىگىن دە تىلگە تيەك ەتتى.

– قازىر پارتيا ءۇشىن ەڭ ماڭىزدى ماسەلە – حالىقتىڭ سەنىمىن ارتتىرۋ. سوندىقتان كۇن تارتىبىندەگى وزەكتى ماسەلەلەردى تالقىلاۋ ىسىندە دەپۋتاتتارمەن قارىم-قاتىناستى قايتا قاراپ، كۇشەيتۋ كەرەك. دەپۋتاتتىق ساۋالدار حالىقتىڭ الاڭداتقان اسا وزەكتى ماسەلەلەرمەن ۇندەسىپ جاتۋى ءتيىس. وكىنىشكە قاراي قازىر فراكتسيالاردىڭ جەرگىلىكتى جەردەگى جۇمىسى كەيبىر تالاپتارعا ساي ەمەس، – دەدى پارتيا توراعاسىنىڭ ءبىرىنشى ورىنباسارى.

سونداي-اق باۋىرجان بايبەك پارتيا توراعاسىنىڭ تاپسىرماسىنا سايكەس قوعامدىق قابىلداۋ جۇمىسىن جەتىلدىرۋگە، كەرى بايلانىستى كۇشەيتۋگە جانە حالىقتىڭ مۇڭ-مۇقتاجىنا بايلانىستى جەدەل ارەكەت ەتۋگە ەرەكشە كوڭىل ءبولۋ كەرەكتىگىن ايتتى. ول ءۇشىن پارتيالىق باقىلاۋدى كۇشەيتىپ، سول ارقىلى اتقارۋشى ورگانداردىڭ جاۋاپكەرشىلىگىن كوتەرۋ مىندەتتەلەدى.

بۇدان باسقا پارتيا حالىقتان كەلىپ-تۇسكەن ءاربىر ءوتىنىشتى ءجىتى باقىلاۋعا الىپ، تىكەلەي جۇمىس ىستەيدى. سوندىقتان پارتيا مەملەكەتتىك ورگانداردىڭ حالىقتىڭ وتىنىشتەرىنە جاۋاپ بەرىپ، ماسەلەلەردى وڭ شەشۋ جولىنداعى جۇمىستاردى مۇقيات باقىلاۋعا الۋى ءتيىس.

وسىعان بايلانىستى «Nur Otan» پارتياسى توراعاسىنىڭ ءبىرىنشى ورىنباسارى العاشقى جارتىجىلدىقتا پارتيانىڭ ورال قالالىق فيليالىندا قالا اكىمىنىڭ ورىنباسارلارى بىردە ءبىر قابىلداۋ وتكىزبەگەنىن قاتاڭ سىنعا الدى.

– ەگەر قالالار مەن ەلدىمەكەندەردىڭ اكىمدەرى، ولاردىڭ ورىنباسارلارى قوعامدىق قابىلداۋ ارقىلى حالىقپەن كەزدەسپەسە پارتيالىق ءتارتىپ ماسەلەسىن كوتەرىپ، لاۋازىمىنا قاتىستى پارتيالىقتىڭ كودەكسىنە سايكەس شارا قولدانىلادى، – دەدى ول.

سونىمەن قاتار باۋىرجان بايبەك پارتيانىڭ وبلىستىق فيليالىنا كەلىپ تۇسكەن وتىنىشتەر بويىنشا الەۋمەتتىك نىسانداردى ارالادى. قازاقستان پرەزيدەنتى قاسىم-جومارت توقاەۆ ءوزىنىڭ سايلاۋالدى تۇعىرناماسىندا 2023 جىلعا دەيىن اپاتتى جاعدايداعى جانە ءۇش اۋىسىمدا وقىتاتىن مەكتەپ ماسەلەسىن تولىعىمەن شەشۋگە ۋادە بەرگەن ەدى. سوعان بايلانىستى پارتيا بۇل ماسەلەنى قاتاڭ باقىلاۋدا ۇستايدى.

سونىڭ اياسىندا باۋىرجان بايبەك باتىس قازاقستان وبلىسىنىڭ اكىمى عالي ەسقاليەۆپەن بىرگە 58 جىل بۇرىن سالىنىپ، بۇگىندە اپاتتى جاعدايدا تۇرعان №31 مەكتەپتىڭ جاي-كۇيىمەن تانىستى. بۇگىندە اتالعان مەكتەپتى ءسۇرىپ تاستاپ، ورنىنا جاڭا ءبىلىم ورداسىن سالۋ تۋرالى شەشىم قابىلدانعان. سوعان وراي بالالار مەن مۇعالىمدەردى ۋاقىتشا جاقىن جەردەگى مەكتەپتەرگە ورنالاستىرماق.

سونىمەن بىرگە پارتيا توراعاسىنىڭ ءبىرىنشى ورىنباسارى باسپانالارى توزىعى جەتكەن اپاتتى جاعدايداعى ۇيلەردى ءسۇرۋ باعدارلاماسىنا قاتىساتىن تۇرعىندارمەن كەزدەسىپ، حالىقتىڭ مۇڭ-مۇقتاجىن تىڭدادى. اتالعان باعدارلامانى جۇزەگە اسىرۋ تەك تۇرعىن ءۇي تالاپتارىن جاقسارتىپ قانا قويماي، جۇزدەگەن وتباسىنىڭ الەۋمەتتىك احۋالىن جاقسارتۋعا، قالا ەكونوميكاسىنا قوسىمشا ينۆەستيتسيا تارتۋعا جانە جاڭا جۇمىس ورىندارىن اشۋ ارقىلى سالىقتىڭ ءتۇسىمىن قامتاماسىز ەتۋگە مول مۇمكىندىك بەرەدى.

ايتا كەتەيىك، «Nur Otan» پارتياسى باتىس قازاقستان وبلىستىق فيليالىنىڭ كەزەكتەن تىس XXV كونفەرەنتسياسىندا ايماق باسشىسى عالي ەسقاليەۆ پارتيانىڭ جەرگىلىكتى اكتيۆىنىڭ قولداۋىمەن وبلىستىق فيليالدىڭ توراعاسى بولىپ سايلاندى.

Abai.kz