مەملەكەت باسشىسى اقوردادا وبلىستاردىڭ جانە نۇر-سۇلتان، الماتى، شىمكەنت قالالارىنىڭ اكىمدەرىمەن كەڭەس وتكىزدى.

قازاقستان پرەزيدەنتى ءوز سوزىندە وڭىرلەردىڭ الەۋمەتتىك-ەكونوميكالىق دامۋ ماسەلەلەرىن شۇعىل شەشۋ ءۇشىن اكىمدەردىڭ الدىنا بىرقاتار مىندەت قويدى.

قاسىم-جومارت توقاەۆ اكىمدەر كورپۋسىنا حالىقتىڭ تالاپتارىن جۇيەلەۋدى جانە ولاردى شەشۋ ءۇشىن جان-جاقتى جۇمىس جۇرگىزۋدى، سونداي-اق، ولاردىڭ قاجەتتىلىگى ءوڭىردىڭ الەۋمەتتىك جول كارتاسىندا كورىنىس تابۋى كەرەك ەكەنىن تاپسىردى.

مەملەكەت باسشىسىنىڭ پىكىرىنشە، وڭىرلىك بيلىك وبلىستار مەن قالالارداعى تۇراقتىلىق ءۇشىن جاۋاپكەرشىلىكتى وزدەرىنە الۋى ءتيىس.

سونىمەن قاتار، قازاقستان پرەزيدەنتى الداعى استىق جيناۋ ناۋقانىنا دايىندىق جۇمىستارىن جۇرگىزۋدى، دالا مەن ورمان ورتتەرىن ەسكەرتۋ جانە ونىڭ الدىن الۋ شارالارىن قابىلداۋدى، سونداي-اق جىلۋ بەرۋ ماۋسىمىنا ازىرلىك جۇرگىزۋدى، تۇرعىن ءۇي-كوممۋنالدىق شارۋاشىلىق نىساندارىنىڭ توقتاۋسىز جۇمىس ىستەۋىن قامتاماسىز ەتۋدى تاپسىردى.

سوڭىندا قاسىم-جومارت توقاەۆ بۇگىنگى قويىلعان بارلىق مىندەتتىڭ ىسكە اسىرىلۋىن باقىلاۋدى پرەزيدەنت اكىمشىلىگىنە جۇكتەدى.

جيىننان كەيىن مەملەكەت باسشىسى وبلىستىڭ جانە رەسپۋبليكالىق ماڭىزى بار قالالاردىڭ اكىمدەرىن قابىلدادى.

Abai.kz