جۇما, 29 ناۋرىز 2024
2616 2 پىكىر 17 شىلدە, 2019 ساعات 11:14

گافۋر راحيموۆ AIBA پرەزيدەنتى قىزمەتىن بوساتتى

وزبەكستاندىق كاسىپكەر گافۋر راحيموۆ حالىقارالىق بوكس قاۋىمداستىعى پرەزيدەنتى قىزمەتىن بوساتتى. AIBA ءباسپاسوز قىزمەتى 15 شىلدەدە راحيموۆتىڭ وتستاۆكاسى تۋرالى مالىمدەمە تاراتتى.

راحيموۆ بۇل حاتتا وزىنە تاعىلعان "جالعان ايىپتاۋلارعا" قاتىستى سوت پروتسەستەرىنە قاتىسۋعا ءماجبۇر بولعانىن، ابىرويىن اقتاپ الۋ ءۇشىن قىزمەتتەن كەتەتىنىن جازعان.

گافۋر راحيموۆ AIBA پرەزيدەنتتىگىنە 2018 جىلى قاراشادا سايلاندى.

2012 جىلى كاسىپكەر ەسىمىنىڭ اقش-تىڭ قىلمىس الەمىنىڭ دوكەيلەرىنە قاتىستى سانكتسيا تىزىمىنە ەنۋى الەمدىك قاۋىمداستىقتى الاڭداتتى. بيىل ناۋرىز ايىندا راحيموۆ ۇيىم باسشىلىعىنان شەتتەتىلگەنىن حابارلادى. دەگەنمەن، AIBA جارعىسى بويىنشا، ول ءبىر جىل ىشىندە بۇل قىزمەتكە سايلاۋسىز قايتا ورالا الاتىن ەدى. 27 ماۋسىمدا ۇيىمنىڭ اتقارۋشى كوميتەتى بۇل ەرەجەنى الىپ تاستادى. وسىلايشا، راحيموۆ پرەزيدەنت قىزمەتىنە قايتا ورالۋ مۇمكىندىگىنەن ايرىلدى.

بۇنىڭ الدىندا AIBA ۇيىمىن توكيوداعى وليمپيادادان شەتتەتتى. مۇنداي شەشىم لوزاننادا 24-26 ماۋسىمدا وتكەن سەسسيادا قابىلداندى. وسىدان كەيىن عانا ۇيىم راحيموۆتى پرەزيدەنت قىزمەتىنە قايتا ورالۋ مۇمكىندىگىنەن ايىردى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3580