جۇما, 29 ناۋرىز 2024
2679 1 پىكىر 17 شىلدە, 2019 ساعات 11:30

سەناتورلار حالىقپەن كەزدەسۋلەردە ءوڭىر پروبلەمالارىن تالقىلاۋدا

التىنشى شاقىرىلعان قر پارلامەنتىنىڭ سەسسياسى جابىلعاننان بەرى 10 كۇن ءوتتى. سەنات دەپۋتاتتارى وسى ۋاقىت ىشىندە قالالار مەن اۋىلداردا بولدى، جۇرتشىلىقپەن جۇزدەستى، حالىقارالىق كەزدەسۋلەرگە قاتىستى.

سەناتور مۇحتار قۇل-مۇحاممەد نۇر-سۇلتان قالاسىنداعى اسكەري جانە ءورت ءسوندىرۋ بولىمدەرىندە بولدى. وندا ول ءورت سوندىرۋگە ارنالعان جاڭا تەحنيكامەن جانە ءورت ءسوندىرۋ ءبولىمىنىڭ جابدىقتالۋىمەن تانىسىپ، ءورت سوندىرۋشىلەرمەن جانە قۇتقارۋشىلارمەن كەزدەستى. اڭگىمە بارىسىندا قاۋىپسىزدىك، الەۋمەتتىك نىسانداردى ساقتاندىرۋ، حالىقتى توتەنشە جاعداي كەزىندە دۇرىس ءىس-قيمىل جاساۋعا ۇيرەتۋ بويىنشا تالاپتاردى كۇشەيتۋ تۋرالى ءسوز بولدى. ول سونداي-اق 5573 اسكەري ءبولىمىنىڭ جەكە قۇرامىمەن كەزدەستى.

سەنات دەپۋتاتى رىسقالي ابدىكەروۆ قاراعاندى وبلىسىندا بولدى. ۇلىتاۋ جانە جاڭاارقا اۋداندارىندا، ساتباەۆ، قاراجال، جەزقازعان قالالارىندا بولعان كەزدە ازاماتتاردى جەكە سۇراقتارى بويىنشا قابىلدادى. تۇرعىندار ءتۇرلى ماسەلەلەردى كوتەردى، سونىڭ ىشىندە ازاماتتىق الۋ، كەنتىنەن ساتباەۆ قالاسىنا قونىس اۋدارۋ، مۇگەدەكتىكتى رەسىمدەۋ، كوپ بالالى وتباسىلار ءۇشىن اتاۋلى الەۋمەتتىك كومەك الۋ، پاتەر، ەلدى مەكەندەردى اباتتاندىرۋ ماسەلەلەرى بولدى.

سەناتورلار جەڭىس نۇرعاليەۆ پەن سەرىك بەكتۇرعانوۆ قوستاناي وبلىستىق ءماسليحاتىنىڭ كەزەكتەن تىس سەسسياسىنا قاتىستى. دەپۋتاتتار ءوڭىردىڭ الەۋمەتتىك-ەكونوميكالىق دامۋ پەرسپەكتيۆالارى مەن تۇرعىنداردىڭ ءال-اۋقاتىن كوتەرۋ ماسەلەلەرىن تالقىلادى. ولار سونداي-اق قوستاناي وبلىسى قوعامدىق كەڭەسىنىڭ توراعاسى ازامات تۇرسىنوۆپەن دە اڭگىمەلەستى. بىرقاتار پروبلەمالىق ماسەلەلەردى باقىلاۋعا الۋ، سونداي-اق دەپۋتاتتىق ساۋالداردى دايىنداۋ كەزىندە ايتىلعان ماسەلەلەردى ەسكەرۋ تۋرالى شەشىم قابىلداندى.

سەناتور دينار نوكەتاەۆا ارىستان كەلگەن بالالار توبىن قارسى الدى. ولار الماتى قالاسىنىڭ ماڭىندا ورنالاسقان «ورنەك» جازعى ساۋىقتىرۋ لاگەرىندە دەمالادى. دينار نوكەتاەۆا جاس مەيماندارمەن اڭگىمەلەسىپ، بارىنە دەمالىستارى جاقسى وتۋىنە تىلەتەستىگىن ءبىلدىردى.

سەناتور سونداي-اق «سپۋتنيك» بالالار ساۋىقتىرۋ ورتالىعى مەن «سالەم» ساۋىقتىرۋ لاگەرىندە دە بولدى. وسىنداي ورتالىقتاردا پاتريوتتىق، تاريحي، تانىمدىق تاقىرىپتارعا ارنالعان ءىس-شارالاردى وتكىزۋدىڭ ماڭىزدىلىعىن اتاپ ءوتتى.

سەنات دەپۋتاتى ساۋىقتىرۋ ورتالىقتارىندا بالالاردىڭ جازعى دەمالىسىن ۇيىمداستىرۋ جونىندە بىرقاتار ەسكەرتۋ ايتتى، ولاردى قىسقا مەرزىمدە تۇزەتۋدى تاپسىردى.

جۇمىس ساپارى بارىسىندا سەناتور كيىم تىگەتىن جانە اياق كيىم شىعاراتىن «قازلەگپروم-الماتى» جاۋاپكەرشىلىگى شەكتەۋلى سەرىكتەستىگىندە بولدى. ول كاسىپورىن ۇجىمىنا جەڭىل ونەركاسىپتى دامىتۋعا باعىتتالعان الداعى زاڭنامالىق باستامالار تۋرالى اڭگىمەلەدى.

سەنات دەپۋتاتتارى ناريمان تورەعاليەۆ پەن ەربولات مۇقاەۆ جۇمىس ساپارىمەن باتىس قازاقستان وبلىسىنىڭ بىرنەشە اۋىلدارى مەن كەنتتەرىنە بارىپ، جەرگىلىكتى تۇرعىندارمەن كەزدەستى. سەناتورلار اۋدان ورتالىعىندا 100 ورىندىق ينتەرنات، 300 ورىندىق مەكتەپ-گيمنازيا، 3 قاباتتى كوممۋنالدىق تۇرعىن ءۇي قۇرىلىسىمەن تانىستى. دەپۋتاتتار سونداي-اق تازا سۋ كەلەتىن قۇبىردىڭ قۇرىلىسىندا دا بولدى. سەناتورلارمەن كەزدەسۋدە شارۋالار كوكتەمدە جانە كۇزدە وتىننىڭ قىمباتتايتىنىن ايتىپ، ماۋسىم كەزىندە باعانى تومەندەتۋدى نەمەسە ديزەل وتىنىن سۋبسيديالاۋمەن كومەكتەسۋدى سۇرادى.

سەناتور سارسەنباي ەڭسەگەنوۆ جۇمىس ساپارىمەن اتىراۋ وبلىسىنا بارىپ قايتتى. دەپۋتات اتىراۋ قالاسىنىڭ تۇرعىنى قاديشا جاقسىلىقوۆامەن جانە ونىڭ قىزى، II توپتاعى مۇگەدەك قالامقاس سۇندەتوۆامەن كەزدەستى. جەڭىلدىككە يە تۇرعىنداردىڭ تۇرعىن ءۇي ساتىپ الۋ، سونداي-اق حالىقتى الەۋمەتتىك قولداۋ جونىندەگى زاڭنامانى جەتىلدىرۋ ماسەلەلەرىن كوتەرگەن وتىنىشتەرىن تىڭدادى.

سەناتورلار تولەۋبەك مۇقاشەۆ، دۋلات قۇسداۋلەتوۆ، ميحايل بورتنيك، عۇمار دۇيسەمباەۆ جانە ءماجىلىس دەپۋتاتى قۇرالاي قاراكەن ەقىۇ پارلامەنتتىك اسسامبلەياسىنىڭ ليۋكسەمبۋرگتەگى جىل سايىنعى 28-ءشى سەسسياسىنا قاتىستى. بيىل وتىرىس قاۋىپسىزدىكتى نىعايتۋ مۇددەسىندە تۇراقتى دامۋعا جاردەمدەسەتىن پارلامەنتتەردىڭ رولىنە ارنالدى.

جالپى، وڭىرلەرگە ساپار كەزىندە دەپۋتاتتار 792 تۇرعىندى تىڭدادى، جەرگىلىكتى حالىقپەن 84 كەزدەسۋ وتكىزدى، 62 ءوتىنىش قابىلداندى. وڭىرلەردە كەزدەسۋلەر 2019 جىلدىڭ قىركۇيەگىنە دەيىن جالعاسادى.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3558