بەيسەنبى, 28 ناۋرىز 2024
46 - ءسوز 3473 11 پىكىر 19 شىلدە, 2019 ساعات 12:26

توقاەۆتىڭ پرەمەر-مينيستر تۇسىنداعى قابىلداعان قاۋلىسى...

ق.توقاەۆتى ماقتاپ جاتقاندار كوپ. ولارمەن جارىسقا تۇسۋدەن اۋلاقپىن. جالپى جاعىمپازدىقتى سۋحانىم سۇيمەيدى.

وسىدان ونشاقتى جىل بۇرىن ءبىر ماقالا جازدىم. توقاەۆتىڭ پرەمەر-مينيستر تۇسىنداعى قابىلداعان قاۋلىسى تۋرالى. Əلگى قاۋلىنىڭ ءمəنى - سىرتتان ءبىزدىڭ ەلگە ەنگىزىلەتىن ءəربىر تاۋاردىڭ سىرتقى يارلىكتارى مەن نۇسقاۋلىقتارى قازاق تىلىندە جازىلۋى كەرەك. ەگەر قازاقشا ءمəتىنى بولماسا ونداي زات شەكارادان وتكىزىلمەيدى جəنە ءوتىپ كەتسە ساۋدا ورىندارىندا كونترباندالىق تاۋار رەتىندە تانىلادى. قىسقاسى، وسى!

وسى قاۋلىنىڭ يگى ىقپالى كەرەمەت بولدى. كورشى رەسەي مەن قىتايدىڭ كəسىپكەرلەرى قازاقشانى قولعا الدى. قىلاياعى شادرين ءسۇت زاۋىتىنىڭ ءوزى قالبىرىنىڭ سىرتىنا ء"سۇت" دەپ ۇلكەن əرىپپەن əشەكەي جاساپ، قۇرامىن قازاقشا جازىپ كورسەتتى. ازىق-تۇلىكتەن باستاپ بارلىق تۇتىنۋ تاۋارلارى قازاقشالاندى. ول تۇستا توقاەۆتىڭ بۇل ىسىنە مəن بەرگەن، مەنىڭ سول ءبىر شاعىن ماقالاما نازار اۋدارعان جان بولا قويعان جوق.

ايتايىن دەگەنىم، ۇلت باتىرى دەپ دəرىپتەلگەن، جارناماسى جەر جارعان تالاي پرەمەر-مينيستر كەتتى عوي. بىراق، قازاق ءتىلى ءۇشىن ەڭ ءىرى قادام جاساپ، ونى ءۇنسىز عانا جۇزەگە اسىرىپ قولدانىلۋ اياسىن كەڭەيتكەن ءبىر عانا ۇكىمەتباسشى وسى قاسىم-جومارت بولاتىن. ءƏلى دە ءۇنسىز ءجۇرىپ ۇلت ءۇشىن يگى ىستەر جاساي بەرسىن، قولىنا بيلىكتى بەردىك قوي.

قۋاندىق شاماحايۇلىنىڭ facebook پاراقشاسىنان

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3505