جۇما, 29 ناۋرىز 2024
46 - ءسوز 4078 5 پىكىر 23 شىلدە, 2019 ساعات 10:52

توقاەۆ نەگە رەسەي ارناسىنا سۇحبات بەردى؟

پرەزيدەنتىمىزدىڭ قازاقستاننىڭ ارناسىنا ەمەس، ەلباسى سەكىلدى نەگە ەڭ ءبىرىنشى رەسەيدىڭ ارناسىنا بارىپ سۇقبات بەرگەنىن كەيبىر كىسىلەر تۇسىنبەي جاتىر ەكەن. قازاقستاننىڭ ءبىرىنشى پرەزيدەنتى بولىپ تاريحتا قالاتىن نۇرسۇلتان نازارباەۆتىڭ ورنىن باسقاننان كەيىن، توقاەۆ مىرزا ونىڭ ساياسي جولىن جالعاستىراتىن ادام سەكىلدى بولىپ كورىنگىسى كەلەدى. رەسەيدىڭ ءجۋرناليسى پيۆوۆاروۆقا بەرگەن بۇگىنگى سۇقباتىنان سونى بايقادىم.

ەلشىلىكتىڭ قىر-سىرىن بىلەتىن كىسى عوي، سوندىقتان ونى مەن ديپلوماتيالىق قۋلىق رەتىندە قابىلدادىم. قايتكەنمەن، قازىر بىزگە سىرتقى ساياساتتى – قىتاي جانە رەسەيمەن اراداعى بايلانىسىمىزدى رەتتەپ الىپ، جاڭا پرەزيدەنتتىڭ قانداي باعىت ۇستاناتىنىن كورشىلەرىمىزبەن «كەلىسىپ» الۋ كەرەك. قىرعىزستان، وزبەكستان، تاجىكستان، تۇركىمەنستان سياقتى ەمەسپىز، 7000 شاقىرىمنان اساتىن رەسەيمەن ورتاق شەكارامىز، ورتاق تاريحىمىز بار. وسىنىڭ ءبارىنىڭ قاۋىپسىزدىگىنە سىرتقى ساياساتتا گارانت بولا الاتىنداي ديپلوماتيا جۇرگىزە ءبىلۋ كەرەك. سىرتىمىزدى بۇتىندەپ الساق، ءوز ىشىمىزدەگى پروبلەمانى ءوزىمىز دە شەشە الامىز عوي.

نازارباەۆتىڭ ءوزى پرەزيدەنت قىلىپ قويىپ كەتكەنىمەن، بىراق ول ەلباسىنىڭ بۇكىل پروبلەماسىن – ونىڭ ساياسي باسەكەلەستەرىن دە بۇرىنعىداي جاۋ كورىپ تە جۇرە بەرمەيدى. بولاشاقتا ءبىراز ادامعا راقىمشىلىق جاساپ، قاماۋدا جاتقاندار بوساپ شىعۋى مۇمكىن.

ساۆەت وداعى كەزىندە «حرۋششيوۆسكايا وتتەپەل» دەگەن بولعان. بولاشاقتا بىزدە دە ساياساتتا سونداي «جىلىمىق» باستالاتىنىن سەزەمىن!

جولىمبەت ماكىشتىڭ facebook پاراقشاسىنان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2262
عيبىرات

قايسار رۋحتى عازيز جان

مۇحتار قۇل-مۇحاممەد 3553