ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعى ۇكىمەتتىڭ ارنايى قاۋلىسىن ورىنداماي، شىمكەنت قالاسى تۇلەكتەرىنىڭ جۇمىس كۇشى تاپشى وڭىرلەردىڭ ۋنيۆەرسيتەتتەرىن تاڭداۋ قۇقىقتارىنىڭ ورەسكەل تۇردە بۇزىلۋىنا نەگە جول بەردى؟

بيىلعى جىلدىڭ 13 – 20 شىلدە ارالىعىندا «باكالاۆر» دارەجەسى بەرىلەتىن جوعارى ءبىلىم الۋعا ۇمىتكەر وقۋعا تۇسۋشىلەردىڭ رەسپۋبليكالىق بيۋدجەت قاراجاتى ەسەبىنەن ءبىلىم بەرۋ گرانتتارى كونكۋرسىنا قاتىسۋ ءۇشىن وتىنىشتەرى قابىلداندى.

ەلوردامىز نۇر-سۇلتان قالاسىنداعى ءبىزدىڭ «زەرتتەۋشى» رەسپۋبليكالىق عىلىمي-ءبىلىم بەرۋ ورتالىعى» جەكە مەنشىك مەكەمەسى ۇتىپ العان قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ 2019 جىلعى ۇكىمەتتىك ەمەس ۇيىمدارعا ارنالعان مەملەكەتتىك گرانتى اياسىندا تۇركىستان وبلىسىنىڭ جەتىساي اۋدانىنا قاراستى اسىقاتا كەنتىندە «ءمىرزاشول» اقپاراتتىق-ءبىلىم بەرۋ ورتالىعىن اشىپ، جۇمىس كۇشى ارتىق وڭىرلەر ساناتىنداعى ءمىرزاشول ءوڭىرىنىڭ جاستارىنا جوعارى جانە جوعارى وقۋ ورنىنان كەيىنگى، تەحنيكالىق جانە كاسىپتىك ءبىلىم بەرۋگە جانە ولاردى جۇمىس كۇشى تاپشى وڭىرلەرگە – اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنا جۇمىسقا ورنالاستىرۋعا باعىتتالعان «ماڭگىلىك ەل جاستارى – يندۋسترياعا!» («سەرپىن») جوباسى تۋرالى جان-جاقتى اقپارات بەرۋ جۇمىستارىن جۇرگىزدىك.

بىزگە ءمىرزاشول وڭىرىنەن عانا ەمەس، ەلىمىزدىڭ تۇكپىر-تۇكپىرىنەن حابارلاسقان تالاپكەرلەر مەن اتا-انالارعا:

- «باكالاۆر» دارەجەسى بەرىلەتىن جوعارى ءبىلىم الۋعا اقى تولەۋ ءۇشىن رەسپۋبليكالىق بيۋدجەت قاراجاتى ەسەبىنەن ءبىلىم بەرۋ گرانتىن بەرۋ ءتارتىبى، اتاپ اتقاندا:

- «باكالاۆر» دارەجەسى بەرىلەتىن جوعارى ءبىلىم الۋعا اقى تولەۋ ءۇشىن رەسپۋبليكالىق بيۋدجەت قاراجاتى ەسەبىنەن ءبىلىم بەرۋ گرانتتارى (بۇدان ءارى – جوعارى ءبىلىمنىڭ ءبىلىم بەرۋ گرانتتارى) وقۋعا تۇسۋشىلەر مالىمدەگەن ءبىلىم بەرۋ باعدارلامالارى توپتارىنىڭ كەزەكتىلىگىنە سايكەس ۇلتتىق بىرىڭعاي تەستىلەۋ (بۇدان ءارى – ۇبت) سەرتيفيكاتىنىڭ بالدارىنا سايكەس ءبىلىم بەرۋ باعدارلامالارىنىڭ ناقتى توپتارى، ءتىل ءبولىمى جانە وقۋ نىسانى بويىنشا كونكۋرستىق نەگىزدە بەرىلەتىنى;

- جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن وقۋعا ءتۇسۋشى وتىنىشتە ءوزى تاڭداعان جوعارى ءبىلىمنىڭ بەرۋ باعدارلامالارىنىڭ توبىن جانە جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىراتىن قازاقستان رەسپۋبليكاسىنىڭ ءبىلىم بەرۋ ۇيىمدارىن (بۇدان ءارى – ججوكبۇ) كورسەتەتىنى;

- رەسپۋبليكالىق بيۋدجەت نەمەسە جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتىنىڭ يەگەرلەرى، سونداي-اق وقۋعا اقى تولەۋى ازاماتتاردىڭ ءوز قاراجاتى مەن باسقا دا كوزدەر ەسەبىنەن جۇزەگە اسىرىلعان وقۋعا تۇسۋشىلەر ءتيىستى ءبىلىم بەرۋ باعدارلامالارى توپتارىنان ءوزى قالاعان ءبىلىم بەرۋ باعدارلاماسىن تاڭدايتىنى;

- «باكالاۆر» دارەجەسى بەرىلەتىن جوعارى نەمەسە جوعارى وقۋ ورنىنان كەيىنگى ءبىلىم الۋعا اقى تولەۋ ءۇشىن جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتتارىن بەرۋ ءتارتىبى، تاعى دا باسقا ماسەلەلەر بويىنشا جان-جاقتى اقپارات جانە كاسىپتىك باعدار بەرۋ جۇمىستارىن جۇرگىزدىك.

وسى ورايدا، قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ 2019 جىلعى ۇكىمەتتىك ەمەس ۇيىمدارعا ارنالعان مەملەكەتتىك گرانتى اياسىنداعى «ماڭگىلىك ەل جاستارى – يندۋسترياعا!» («سەرپىن») جوباسى تۋرالى اقپاراتتىق-ءتۇسىندىرۋ جۇمىستارىن جۇزەگە اسىرۋ بارىسىندا شۇعىل تۇردە شەشىمىن تابۋى ءتيىس مىناداي وزەكتى ماسەلەلەردى انىقتادىق.

بىرىنشىدەن، قازاقستان رەسپۋبليكاسى ۇكىمەتىنىڭ 2019 جىلعى 7 اقپانداعى № 39 قاۋلىسىمەن جاڭا رەداكتسيادا جازىلعان «باكالاۆر» نەمەسە «ماگيستر» دارەجەلەرى بەرىلەتىن جوعارى نەمەسە جوعارى وقۋ ورنىنان كەيىنگى ءبىلىم الۋعا اقى تولەۋ ءۇشىن ءبىلىم بەرۋ گرانتىن بەرۋ قاعيدالارىنىڭ» 2-ءشى تاراۋىنىڭ 7-ءشى تارماعىندا جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن وقۋعا ءتۇسۋشى ءوزىنىڭ ءتيىستى قۇجاتتارىن جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قابىلداۋ كوميسسياسىنا نەمەسە اقپاراتتىق جۇيە ارقىلى تاپسىراتىنى ايقىن جازىلعان.

ياعني، قازاقستان رەسپۋبليكاسى ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعى ەلىمىزدىڭ كەز-كەلگەن ورتالىق قالالاردان شالعاي ورنالاسقان ايماقتارىندا، مىسالى، تۇركىستان وبلىسىنىڭ ءمىرزاشول وڭىرىندە، اتاپ ايتقاندا، وسى وبلىستىڭ ماقتاارال جانە جەتىساي اۋداندارىندا جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنا تۇسۋگە ارنالعان ىرىكتەۋ ەمتيحاندارىنىڭ ءبىر نىسانى بولىپ تابىلاتىن ۇلتتىق بىرىڭعاي تەستىلەۋ (ۇبت) سىناعىن تاپسىرىپ، جوعارى وقۋ ورىندارىنا تۇسكىسى كەلەتىن جانە جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسقىسى كەلەتىن تالاپكەرلەر جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ قابىلداۋ كوميسسياسىنا بارماي-اق، وزدەرىنىڭ ءتيىستى قۇجاتتارىن https://egov.kz «ەلەكتروندىق ۇكىمەت» ۆەب-پورتالىنىڭ «ءبىلىم بەرۋگە گرانتتاردى تاعايىنداۋ، سونداي-اق، جوعارى ءبىلىم بەرۋ ۇيىمدارىندا ءبىلىم الۋشىلارعا الەۋمەتتىك قولداۋ كورسەتۋ» اتتى ءبولىمى ارقىلى تاپسىرۋىنا ساقاداي-ساي دايىن تۇرۋى كەرەك ەدى.

الايدا، ەلىمىزدە بىرنەشە جىلدان بەرى «تسيفرلىق قازاقستان» مەملەكەتتىك باعدارلاماسى جۇزەگە اسىرىلىپ جاتقانىنا قاراماستان، بىزدەگى اقپاراتتىق جۇيەلەر تالاپكەرلەردىڭ ءوز قۇجاتتارىن اقپاراتتىق جۇيە ارقىلى ەلەكتروندىق تسيفرلىق قولتاڭبا كومەگىمەن ءوز بەتتەرىنشە تاپسىرۋىنا ءالى كۇنگە دەيىن دايىن بولماي شىقتى.

ءبىز وسى ماسەلە بويىنشا 2019 جىلعى 23 ماۋسىمدا قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات قاناتۇلى ايماعامبەتوۆكە «ەلەكتروندىق ۇكىمەت» ۆەب-پورتالى اقپارات بەرۋ تۋرالى سۇراۋ سالۋمەن ارنايى حات جولداعان ەدىك ء(وتىنىش ءنومىرى 555815).

بىزگە 2019 جىلعى 11 شىلدەدە رەسمي جاۋاپ جولداعان ءبىلىم جانە عىلىم ءمينيسترى ءمينيسترى اسحات قاناتۇلى ايماعامبەتوۆ:

«جوعارى ءبىلىمنىڭ ءبىلىم بەرۋ گرانتىن بەرۋگە ارنالعان كونكۋرسقا قاتىسۋ ءۇشىن وقۋعا ءتۇسۋشى جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ (بۇدان ءارى – ججوكبۇ) قابىلداۋ كوميسسياسىنىڭ حاتشىسىنا قۇجاتتار توپتاماسىن تاپسىرادى جانە وقۋعا ءتۇسۋشىنىڭ دەرەكتەرى ۆەب-پورتالعا ەنگىزىلەدى»، - دەپ جازدى.

https://dialog.egov.kz/questioncontroller/view?id=555815

ءبىزدىڭ تۇسىنگەنىمىز – ءبىلىم گرانتى كونكۋرسىنا قاتىسقىسى كەلەتىن تالاپكەرلەر – وقۋعا تۇسۋشىلەر قازىرشە ۇكىمەتتىڭ جوعارىدا اتالعان قاۋلىسىندا اتاپ كورسەتىلگەنىندەي، ءوزىنىڭ قۇجاتتارىن اقپاراتتىق جۇيە ارقىلى تاپسىرا المايدى، تەك قانا جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنا تىكەلەي بارىپ، سونداعى قابىلداۋ كوميسسيالارىنا قولما-قول تاپسىرۋى كەرەك.

سودان كەيىن عانا جوعارى جانە (نەمەسە) جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ (بۇدان ءارى – ججوكبۇ) قابىلداۋ كوميسسياسىنىڭ حاتشىسى قۇجاتتار توپتاماسىن قابىلداپ العان سوڭ، وقۋعا ءتۇسۋشىنىڭ دەرەكتەرىن ۆەب-پورتالعا ەنگىزەدى.

تاعى ءبىر وزەكتى ماسەلەنىڭ ءبىرى – قازاقستان رەسپۋبليكاسى پرەزيدەنتىنىڭ 2018 جىلعى 19 ماۋسىمداعى № 702 جارلىعىمەن رەسپۋبليكالىق ماڭىزى بار قالالاردىڭ ساناتىنا جاتقىزىلعان شىمكەنت قالاسىنىڭ مەكتەپتەرى مەن كوللەدجدەرىن بىتىرگەن تالاپكەرلەردىڭ بيىلعى 2019 جىلى «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسا الماي قالعانى بولىپ وتىر.

قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ 5.1.3-ءشى تارماعىندا:

«جۇمىس كۇشى ارتىق 6 ءوڭىردىڭ: الماتى، جامبىل، قىزىلوردا، ماڭعىستاۋ، تۇركىستان وبلىستارىنىڭ جانە شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلادى»، - دەپ جازىلعان.

ياعني ۇكىمەتىمىزدىڭ وسى قاۋلىسى بويىنشا شىمكەنت قالاسى دا، تۇركىستان وبلىسى، ونىڭ ىشىندە تۇركىستان وبلىسىنا قاراستى قالالار دا جۇمىس كۇشى ارتىق وڭىرگە جاتادى جانە تيىسىنشە شىمكەنت، ارىس، جەتىساي، سارىاعاش جانە شاردارا قالالارىنداعى مەكتەپتەر مەن كوللەدجدەردى بىتىرگەن تۇلەكتەر دە رەسپۋبليكالىق بيۋدجەت قاراجاتى ەسەبىنەن ءبىلىم بەرۋ گرانتتارىن بەرۋ كونكۋرسىنا قاتىسۋ ءۇشىن وتىنىشتەر تاپسىرۋ كەزىندە «ماڭگىلىك ەل جاستارى – يندۋسترياعا!» («سەرپىن») جوباسى شەڭبەرىندە جۇمىس كۇشى تاپشى 9 ءوڭىردىڭ: اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنىڭ ۋنيۆەرسيتەتتەرىن تاڭداي الادى.

الايدا، شىمكەنتتە جانە تۇركىستان وبلىسىندا ورنالاسقان مەملەكەتتىگى بار، جەكە مەنشىگى بار ۋنيۆەرسيتەتتەردىڭ قابىلداۋ كوميسسيالارى «ماڭگىلىك ەل جاستارى – يندۋسترياعا!» («سەرپىن») جوباسىنا تەك قانا تۇركىستان وبلىسىنىڭ اۋىلدىق ەلدى مەكەندەرىن بىتىرگەن تۇلەكتەر عانا قاتىسا الادى دەپ شىمكەنت، ارىس، جەتىساي، سارىاعاش جانە شاردارا قالالارىنداعى مەكتەپتەر مەن كوللەدجدەر تۇلەكتەرىنىڭ اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنىڭ ۋنيۆەرسيتەتتەرىن تاڭداۋلارىنا مۇمكىندىك بەرمەي قويدى.

ءتىپتى كەيبىر مەملەكەتتىك ۋنيۆەرسيتەتتەردىڭ وكىلدەرى: «بىزگە مينيسترلىكتەن وسىنداي تاپسىرما كەلگەن، سوندىقتان شىمكەنت، ارىس، جەتىساي، سارىاعاش جانە شاردارا قالالارىنداعى مەكتەپتەر مەن كوللەدجدەر تۇلەكتەرىنىڭ قۇجاتتارىن «ماڭگىلىك ەل جاستارى – يندۋسترياعا!» («سەرپىن») جوباسىنا قابىلدامايمىز!»، - دەپ تۇلەكتەر مەن اتا-انالاردى اۋرە-سارساڭعا سالىپ جاتقانى تۋرالى اقپاراتتار بىزگە كوپتەپ كەلىپ ءتۇستى.

شىمكەنتتەگى جانە تۇركىستان وبلىسىنداعى مەملەكەتتىك جانە جەكە مەنشىك ۋنيۆەرسيتەتتەردىڭ قابىلداۋ كوميسسيالارىندا وتىرعاندار شىمكەنت قالاسى بىلاي تۇرسىن، تۇركىستان وبلىسىنداعى ارىس، جەتىساي، سارىاعاش جانە شاردارا قالالارىنداعى مەكتەپتەر مەن كوللەدجدەردىڭ تۇلەكتەرى دە «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسا المايتىنىن ايتىپ، اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنىڭ جوعارى وقۋ ورىندارىن تاڭداپ كەلگەن تالاپكەرلەر مەن اتا-انالاردان باسقا جوعارى وقۋ ورىندارىن تاڭداۋدى تالاپ ەتكەنى تۋرالى مالىمەتتەر بار.

سوندا شىمكەنت قالاسىندا ورنالاسقان قازاقستان رەسپۋبليكاسىنىڭ ءبىلىم جانە عىلىم مينيسترلىگىنە قاراستى مەملەكەتتىك ۋنيۆەرسيتەتتەردىڭ وكىلدەرى قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ 5.1.3-ءشى تارماعىنداعى تۇركىستان وبلىسى مەن شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلاتىنى تۋرالى قاعيدانى شىن مانىندە بىلمەي مە، الدە ادەيى بۇرلاماپ وتىر ما دەگەن سۇراقتىڭ وزىنەن-ءوزى تۋىندايتىنى ءسوزسىز.

سويتسەك، ماسەلە مىنادا ەكەن.

ءبىزدىڭ جوعارىدا اتاپ كورسەتىلگەن قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ 5.1.3-ءشى تارماعىنداعى تۇركىستان وبلىسى مەن شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلاتىنى تۋرالى قاعيدا نەگە ءىس جۇزىندە ورىندالماي وتىرعانى تۋرالى سۇراعىمىزعا 2019 جىلدىڭ ماۋسىم ايىنان باستاپ قازاقستان رەسپۋبليكاسى ءبىلىم جانە عىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى مىندەتىن اتقارۋشى بولىپ تاعايىندالعان ديدار نۇركەنۇلى سماعۇلوۆ الەۋمەتتىك جەلى ارقىلى بىلاي دەپ جاۋاپ بەردى:

«ءبىلىم تۋرالى» قازاقستان رەسپۋبليكاسى زاڭىنىڭ 26-بابىنىڭ 8-تارماعى 6) تارماقشاسىنا سايكەس تەحنيكالىق جانە كاسىپتىك، ورتا بىلىمنەن كەيىنگى جانە جوعارى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا ءتۇسۋ كەزىندە قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارىن قابىلداۋ ءۇشىن كۆوتا كوزدەلەدى.

ءسىز سىلتەمە جاساعان ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسى قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن بەكىتىلگەن.

بۇل رەتتە «قۇقىقتىق اكتىلەر تۋرالى» قازاقستان رەسپۋبليكاسى زاڭىنىڭ 10-بابىنىڭ 3-تارماعىنا سايكەس تومەن تۇرعان دەڭگەيدەگi نورماتيۆتiك قۇقىقتىق اكتiلەردiڭ ارقايسىسى جوعارى تۇرعان دەڭگەيلەردەگi نورماتيۆتiك قۇقىقتىق اكتiلەرگە قايشى كەلمەۋگە تيiس.

«ءبىلىم تۋرالى» قازاقستان رەسپۋبليكاسى زاڭىنىڭ قازاقستان رەسپۋبليكاسى ۇكىمەتى قاۋلىسىنا قاراعاندا زاڭدىق كۇشىنىڭ جوعارى بولۋىن ەسكەرە وتىرىپ، شىمكەنت قالاسىنىڭ 11-سىنىپتارىنىڭ تۇلەكتەرى جوعارى ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلارى بولىپ تابىلمايدى».

https://www.facebook.com/mzhakyp/posts/2376244535789749

قازاقستان رەسپۋبليكاسى ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعىنىڭ ديرەكتورى مىندەتىن اتقارۋشى ديدار نۇركەنۇلى سماعۇلوۆ وسىلاي دەپ وتىر.

ءيا، راسىندا دا «ءبىلىم تۋرالى» قازاقستان رەسپۋبليكاسى زاڭىنىڭ 26-بابىنىڭ 8-تارماعى 6) تارماقشاسىندا: «6) قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارىن قابىلداۋ ءۇشىن كۆوتا كوزدەلەدى»، - دەپ جازىلعان.

الايدا، قازاقستان رەسپۋبليكاسى ءبىلىم جانە عىلىم مينيسترلىگىنە قاراستى ۇلتتىق تەستىلەۋ ورتالىعىنىڭ باسشىسى ايتىپ وتىرعان «ءبىلىم تۋرالى» قازاقستان رەسپۋبليكاسى زاڭىنىڭ 26-بابىنىڭ 8-تارماعى 6) تارماقشاسىنداعى «اۋىلدىق كۆوتا» تۋرالى قاعيدادا «ماڭگىلىك ەل جاستارى – يندۋسترياعا!» («سەرپىن») جوباسى جايىندا ناقتى ەشتەڭە ايتىلماعان.

ونىڭ ۇستىنە قازاقستان رەسپۋبليكاسى ءبىلىم جانە عىلىم مينيسترلىگى قابىلداعان «قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارىن قابىلداۋ ءۇشىن كۆوتا كوزدەلەتىنى» تۋرالى قانداي دا ءبىر ارنايى رەسمي قۇقىقتىق-نورماتيۆتىك قۇجاتتاردى ەشقايدان تابا المادىق.

بىزدىڭشە، «ءبىلىم تۋرالى» قازاقستان رەسپۋبليكاسى زاڭىنداعى «قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارىن قابىلداۋ ءۇشىن كۆوتا كوزدەلەدى»، - دەگەن قاعيدا ناقتى ەمەس.

بۇل قاعيدانى ءارتۇرلى تۇسىنۋگە بولادى.

شىندىعىندا كەلسەك، «ءبىلىم تۋرالى» قازاقستان رەسپۋبليكاسى زاڭىنىڭ 26-بابىنىڭ 8-تارماعى، 3) تارماقشاسىنداعى اۋىلدىڭ الەۋمەتتىك-ەكونوميكالىق دامۋىن ايقىندايتىن ءبىلىم بەرۋ باعدارلامالارى بويىنشا وقۋعا اۋىل جاستارى اراسىنان شىققان ازاماتتار ءۇشىن قاراستىرىلعان كۆوتا ماسەلەسىن دە جۇمىس كۇشى ارتىق 6 ءوڭىردىڭ جاستارى ءۇشىن قولدانۋعا دا بولادى.

سول سەبەپتى قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ 5.1.3-ءشى تارماعىنداعى: «جۇمىس كۇشى ارتىق 6 ءوڭىردىڭ: الماتى، جامبىل، قىزىلوردا، ماڭعىستاۋ، تۇركىستان وبلىستارىنىڭ جانە شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلادى»، - دەپ ايقىن جازىلعان قاعيدا ورەسكەل تۇردە بۇرمالانىپ، شىمكەنت قالاسىنىداعى مەكتەپتەر مەن كوللەدجدەردى بىتىرگەن تالاپكەرلەردىڭ قۇقىقتارى بۇزىلىپ وتىر دەپ ەسەپتەيمىز.

ەگەر شىنىندا دا قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ 5.1.3-ءشى تارماعىنداعى «جۇمىس كۇشى ارتىق 6 ءوڭىردىڭ: الماتى، جامبىل، قىزىلوردا، ماڭعىستاۋ، تۇركىستان وبلىستارىنىڭ جانە شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلادى»، - دەگەن قاعيدا «ءبىلىم تۋرالى» قازاقستان رەسپۋبليكاسى زاڭىنىڭ 26-بابىنىڭ 8-تارماعى 6) تارماقشاسىنداعى «6) قازاقستان رەسپۋبليكاسىنىڭ ۇكىمەتى ايقىنداعان وڭىرلەرگە قونىس اۋدارعان اۋىل جاستارى اراسىنان شىققان قازاقستان رەسپۋبليكاسىنىڭ ازاماتتارىن قابىلداۋ ءۇشىن كۆوتا كوزدەلەدى»، - دەگەن قاعيداعا قايشى كەلىپ تۇرعان بولسا، ءبىلىم جانە عىلىم مينيسترلىگى نەگە وسى ۋاقىتقا دەيىن الدىن-الا ەشقانداي شارا قابىلداماعان؟!

قورىتا ايتقاندا، قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇلتتىق تەستىلەۋ ورتالىعى جۇمىس كۇشى ارتىق 6 ءوڭىردىڭ: الماتى، جامبىل، قىزىلوردا، ماڭعىستاۋ، تۇركىستان وبلىستارىنىڭ جانە شىمكەنت قالاسىنىڭ 9, 11-سىنىپتارىنىڭ تۇلەكتەرى جوعارى، تەحنيكالىق جانە كاسىپتىك ءبىلىمى بار كادرلاردى دايارلاۋ بويىنشا «ماڭگىلىك ەل جاستارى – يندۋسترياعا!» («سەرپىن») جوباسىنا قاتىسۋشىلار بولىپ تابىلادى»، - دەپ ايقىن جازىلعان قازاقستان رەسپۋبليكاسى ۇكىمەتىنىڭ 2019 جىلعى 31 مامىرداعى № 359 قاۋلىسىمەن جاڭا رەداكتسيادا جازىلعان «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان «ەڭبەك» مەملەكەتتىك باعدارلاماسىنىڭ تالاپتارىن ساقتاعان جوق، وسىلايشا شىمكەنت قالاسى تۇلەكتەرىنىڭ جۇمىس كۇشى تاپشى وڭىرلەردىڭ ۋنيۆەرسيتەتتەرىن تاڭداۋ قۇقىقتارىنىڭ ورەسكەل تۇردە بۇزىلۋىنا جول بەردى.

ەلىمىزدىڭ ۇكىمەتى، ءبىلىم جانە عىلىم مينيسترلىگى، سونداي-اق، ءبىلىم بەرۋ گرانتتارىن بەرۋ جونىندەگى رەسپۋبليكالىق كونكۋرستىق كوميسسيا وسى ماسەلە بويىنشا شۇعىل شارا قابىلداپ، جۇمىس كۇشى كوپ شىمكەنت قالاسىنداعى، تۇركىستان وبلىسىنىڭ ارىس، جەتىساي، شاردارا جانە سارىاعاش قالالارىنداعى مەكتەپتەر مەن كوللەدجدەردى بىتىرگەن، جۇمىس كۇشى تاپشى اقمولا، اقتوبە، اتىراۋ، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنىڭ ۋنيۆەرسيتەتتەردە ءبىلىم العىسى كەلەتىن تالاپكەرلەردىڭ قۇقىقتارىن تولىق ساقتاۋ جونىندە شۇعىل شەشىم قابىلدانادى دەپ ۇمىتتەنەمىز.

مىرزانتاي قوجابايۇلى جاقىپ

ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قايىمداستىرىلعان پروفەسسورى (of Associate Professor), فيلولوگيا عىلىمدارىنىڭ كانديداتى (PhD), «زەرتتەۋشى» رەسپۋبليكالىق عىلىمي-ءبىلىم بەرۋ ورتالىعى» مەكەمەسىنىڭ جانە «Kásiptik baǵdar» مەديابىلىم عىلىمي ورتالىعى» مەكەمەسىنىڭ ديرەكتورى.

(بۇل ماقالانى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «ازاماتتىق باستامالاردى قولداۋ ورتالىعى» كوممەرتسيالىق ەمەس اكتسيونەرلىك قوعامىنىڭ مەملەكەتتىك گرانتى اياسىندا «زەرتتەۋشى» رەسپۋبليكالىق عىلىمي-ءبىلىم بەرۋ ورتالىعى» جەكە مەنشىك مەكەمەسى جاريالاپ وتىر).

Abai.kz