باياعىدا ءبىر رەجيسسەردىڭ كينو ءتۇسىرىلىم الاڭىنا بارعام. كينوعا ءتۇسىپ جاتقان اكتەرلەردىڭ əجەپتəۋىر تانىمالدىلىعى بار. "حايۋان، حايۋان" دەپ ايقايلاپ، اكتەرلەردى قۇل سەكىلدى كورەدى. ءبىر اكتەر ءسوز قايتارا المايدى. ولار قورعانسىز. ولار سول رەجيسسەردىڭ عانا ەمەس، جۇيەنىڭ قۇربانى. ەگەر ءسوز قايتارسا، جۇمىسسىز قالادى. سەبەبى، ول رەجيسسەردىڭ بيلىكتە كرۋتوي دوستارى بار. جىلپىلداپ، جاعىنىپ سولاردى جاعالاپ جۇرەدى. ول ولاردىڭ ءتىلىن تابادى. "باس رولدەگى قىز جاساندى وينايدى" دەپ ەدىم، باسىم بəلەگە قالدى. سوزگە كەپ قالدىق.
***
قاتەمەن جازاتىن ءبىر ءجۋرناليستى بىلەم. "ول رەداكتورعا سوعىم əكەپ بەرەدى، سول ءۇشىن جۇمىستان شىعارمايدى" دەيتىن بىلەتىندەر. وتىرىك-شىنىن كىم ءبىلسىن؟ سول جۋرناليست كوتەرىلىپتى. تاڭعالاتىن نە بار؟ سولاردىڭ زامانى عوي. بۇل بيلىكتىڭ ماڭىندا قانشاما ساۋاتسىز ءجۇر ەمەس پە؟ سول ءجۋرناليستى ءبəرى قۇتتىقتاپ جاتىر. ولار دا ونىڭ ساۋاتسىز ەكەنىن بىلەدى. بىراق ەشكىم "سەن ول ورىنعا لايىق ەمەسسىڭ" دەپ ايتپايدى. ەش بولماسا، قارسىلىعىن قۇتتىقتاماي كورسەتپەيدى. سەبەبى، ولار بىرەۋدىڭ جاقسىلىعىن بولىسكەننەن بۇرىن ء"بىر كومەگى ءتيىپ قالار" دەپ ويلايدى، ۇمىتتەنەدى.
***
بيلىككە بارعان تانىستارىم بار. كورگەن جەردە سəلەمىمىز ءتۇزۋ. جارىپ بارا جاتقان ءبىلىمى، پوتەنتسيالى جوق. ەندى بۇل بيلىككە جانىپ تۇرعان جاستار ەمەس، ورتا دەڭگەيلى ادامدار كەرەك سەكىلدى. سولار كوپ وتپەي مۇرنىنا ەسەكقۇرت كىرىپ، ادام تانىماي قالادى. ويبوي، بايعۇستار اداممەن كەرگىپ سويلەسەدى عوي. ينتەللەكتىسى تومەن ولار حالىقتىڭ قامىن قايدان ويلاسىن؟ ولاردىڭ دەڭگەيى جوعارى بولسا، وزگەرىپ شىعا كەلمەس ەدى.
قازىر كوپ جەر جانىپ تۇرعان جاستاردى جۇمىسقا العىسى كەلمەيدى. قاۋىپتەنەدى. باعىنباي ما دەپ قورقادى. كەمشىلىگىمدى، قاتەلىگىمدى، ىشكەن-جەگەنىمدى اشا ما دەپ قورقادى. جۇيە جاعىمپاز ادامداردىڭ سانىن ارتتىردى. جاعىمپاز ادامداردىڭ وبرازىن جاسادى. وتاندىق ارنالاردا ءۇندىنىڭ تومەن سورتتى سەريالىن قاپتاتىپ، قازاقتىڭ ينتەللەكتىسىن ءولتىرۋ جۇمىسىمەن اينالىستى. قازاقتى قورقىتىپ-ۇركىتىپ، قۇلدىق سانا دەڭگەيىنە تۇسىرگىسى كەلدى.
***
ادام قۇندىلىعى... كەشىرىڭىز، ءبىزدىڭ قوعامدا ادام تىم قۇنسىزدانىپ كەتتى. ادامدا قۇن قالمادى. ونى اتىپ كەتۋگە، باسىپ كەتۋگە، جانشىپ كەتۋگە بولادى.
جۇيە باتپاققا باتقان. ساياسي ەليتانى تۇتاس وزگەرتپەي، ساياسي رەفورمالار جاساماي باتپاقتان شىعا المايدى-اۋ جəنە وزدەرى دە شىققىسى كەلمەيدى. سەبەبى، ۇيرەنگەن جەرلەرى، باتپاقتا جاتا بەرۋ وزدەرىنە ۇنايتىن سەكىلدى.
مەن ەۆوليۋتسيالىق جولمەن دامىعاندى قولدايمىن. بىراق بيلىك حالىقپەن ديالوگ جاساماسا، وندا رەۆوليۋتسيادان باسقا جول جوق. بيلىك قۇلدىراۋدىڭ سوڭعى شەگىنە جەتتى. رەۆوليۋتسيانى قالايىق، قالامايىق سوعان ءوزى كەلە جاتىرمىز.

اياگۇل مانتايدىڭ facebook پاراقشاسىنان

 Abai.kz