ەۋرازيالىق ەكونوميكالىق وداق (ەاەو) قۇرامىنداعى ەلدەرءدىڭ جالپى سىرتقى قارىزى ءبىر جىل ىشىندە 8,2% تومەندەدى دەپ حابارلايدى LS سايتى.

2019 جىلدىڭ 1 ساۋىرىندەگى جاعداي بويىنشا وداقتىڭ جالپى سىرتقى قارىزى 684,5 ميلليارد دوللاردان اسقان. ال 2018 جىلعى 1 ساۋىردە بۇل كورسەتكىش 745,4 ميلليارد دوللار بولعان. بۇل مالىمەتتەردى ەۋرازيالىق ەكونوميكالىق كوميسسيا دا راستاپتى.

رەسەي فەدەراتسياسى ءوزىنىڭ سىرتقى قارىزىن ءبىر جىل ىشىندە 9,9%-عا دەيىن ازايتقان. قازىرگى ۋاقتاعى رەسەيدىڭ سىرتقى قارىزى 468,8 ميلليارد دوللار ەكەن.

ال، قازاقستاننىڭ سىرتقى قارىزى 5,4% -عا تومەندەپ، 157,6 ملرد دوللارعا جەتكەن. ونىڭ 100,8 ملرد دوللارى فيرمالار اراسىنداعى نەسيە.

سونداي-اق، بەلارۋسسيادا سىرتقى قارىزدىڭ تومەندەۋى بايقالادى. ياعني بەلورۋسيانىڭ سىرتقى قارىزى ءبىر جىل ىشىندە 2,5% -عا تومەندەپ، 2019 جىلدىڭ 1 ساۋىرىندە 38,7 ملرد دوللاردى قۇراعان.

ال، قىرعىزستاننىڭ قارىزى ءبىر جىلدا 4% ارتىپ، 8,3 ميللياردقا جەتكەن. ارمەنيانىڭ قارىزى 2,6%  ءوسىپ، 11,1 ميلليارد دوللار بولعان.

LS سايتى بۇعان دەيىن قازاقستان مەن ەاەو ەلدەرىنىڭ 2019 جىلعى 1 قاڭتاردا سىرتقى قارىزى تۋرالى ينفوگرافيكانى جاريالاعان بولاتىن. ونداعى مالىمەت بويىنشا، قازاقستاننىڭ وسىعان دەيىن ءباا، گەرمانيا جانە وڭتۇستىك كورەيا الدىنداعى قارىزى ارتقاندىعى تۋرالى جازىلعان.

Abai.kz