مەكەمتاس مىرزاحمەتۇلى، فيلولوگيا عىلىمدارىنىڭ دوكتورى، پروفەسسور:

كەزىندە پاتشا ۇكىمەتى ءبىزدى جاۋلاپ العاندا يسلام ءدىنىن جاقتىرماي، ونىڭ ورنىنا حريستيان ءدىنىن ەنگىزۋ ءۇشىن ەڭ ءبىرىنشى سوققىنى سوپىلارعا بەرگەن بولاتىن. ماسەلەن، پاتشالى رەسەي قوجا احمەت ياساۋي ەسكەرتكىشىن تاس- تالقانىن شىعارعىسى كەلدى. سونداي-اق، كەڭەس ۇكىمەتى ورناعاننان كەيىن بولشەۆيكتەر ءبىزدى دىننەن ايىرۋ ءۇشىن ەڭ ءبىرىنشى سوپىلارعا قارسى بولدى.

ال، قازىر ۋاحابيستەر كەلىپ سوپىلاردى اياقتان شالىپ، ولاردى جەردەن الىپ، جەرگە سالىپ جاتىر. وسى رەتتە «ۇشەۋى نەگە سوپىلارعا وشتەسىپ الدى؟» دەگەن زاڭدى سۇراق تۋادى. سەبەبى، ءبىزدىڭ حالقىمىزدىڭ وي-ساناسى مەن سالت-ءداستۇرى سوپىلىق ىلىممەن قالىپتاسقان. ەگەر سول جولدان قازاقتى تايدىراتىن بولسا، ۋاحابيستەر ءبىزدى مۇرنىمىزدان جەتەكتەپ قايدا بولسا، سوندا الىپ كەتە بەرەتىن بولادى.

ەلىمىزدە ۋاحابيزم يدەولوگياسىن تاراتۋعا سوپىلار توسقاۋىل بولىپ وتىر. سوندىقتان دا، اسىرەدىنشىلدەر سوپىلاردى ءيتتىڭ ەتىنەن جەك كورەدى. مەنىڭ ويىمشا بىزگە ەڭ قاۋىپتىسى سوپىلار ەمەس ۋاحابيستەر بولىپ وتىر. ويتكەنى، ولار جىلىمىر قۇرت سياقتى قانىمىزعا كىرىپ، جايلاپ بارادى.

شىن مانىسىندە، قۇدايدى كۇنىگە ەسكە الىپ، قۇلشىلىق قىلۋ سوپىلاردىڭ جولى. ال، ۋاحابيستەر زىكىر جاساعان ادامدى كورمەگەننەن كەيىن ونى جابايى ەتىپ كورسەتىپ وتىر. الايدا، ءبىز سوپىلىق جولدان تايماۋىمىز كەرەك.

عابيت مالىبەكتىڭ facebook پاراقشاسىنان

Abai.kz