قازاقستان قىلمىستىق-اتقارۋ جۇيەسى كوميتەتى باسشىسىنىڭ ءبىرىنشى ورىنباسارى تەڭىزجان جانىبەكوۆتىڭ ازاتتىققا ايتۋىنشا، قىزمەتتىك تەكسەرۋدەن سوڭ تۇرمەنىڭ جەتى قىزمەتكەرى قىزمەتىنەن بوساتىلعان.
"مەكەمە باسشىسى مەن ونىڭ ەكى ورىنباسارى قىزمەتىنەن كەتتى. بۇعان قوسا، وبلىستىق قىلمىستىق اتقارۋ جۇيەسى دەپارتامەنتىنىڭ باسشىلىعى تارتىپتىك جاۋاپقا تارتىلدى" دەدى جانىبەكوۆ.
ۆيدەو 25 شىلدە كۇنى YouTube جەلىسىندە جاريالانعان. ۆيدەودا تۇرمە قىزمەتكەرى مەن سوتتالعاندار فورماcىن كيگەن بىرنەشە ادامنىڭ ءبىر ازاماتتى ۇرىپ جاتقانى كورىنەدى. توليس تاحون ەسىمدى قولدانۋشى بولىسكەن ۆيدەو سيپاتتاماسىندا "سوتتالعان ازامات تۇرمە اكىمشىلىگىنىڭ زاڭسىز ارەكەتىنە شاعىنىپ پروكۋرورعا شاعىم تۇسىرگەن. اكىمشىلىكتىڭ وعان نە ىستەگەنىن قاراڭدار" دەپ جازىلعان.
جانىبەكوۆتىڭ سوزىنشە، قىزمەتىنەن كەتكەندەردىڭ ۇستىنەن قىلمىستىق ءىس قوزعاۋ ماسەلەسىن الماتى وبلىستىق پروكۋراتۋراسى شەشەدى. "قازىر بۇل ءىستى وبلىستىق پروكۋراتۋرا تەرگەۋگە كىرىسكەن. [زارەچنىي تۇرمەسىندەگى قيناۋ ۆيدەوسى تاراعان سوڭ قۇرىلعان] كوميسسيا باسقا سوتتالعاندار ازاپتالعان 40-قا جۋىق ۆيدەونى انىقتاپ، تەكسەرگەن" دەدى جانىبەكوۆ. بىراق كوميتەت وكىلى وقيعا ناقتى قاي كولونيالاردا بولعانىن، وعان قاتىستى قانداي شارالار قولدانىلعانىن ايتقان جوق.
Abai.kz
