سىر وڭىرىنە جۇمىس ساپارىمەن بارعان «Nur Otan» پارتياسى دەپۋتاتتىق فراكتسياسىنىڭ مۇشەلەرى، ءماجىلىس دەپۋتاتتارى ابزال ەراليەۆ، بالايىم كەسەباەۆا، ءبايدىلدا جىلقىشيەۆ تاراس حيتۋوۆ «بالامەكەن» جوباسى اياسىندا سالىنعان تۇرعىن ۇيلەر قۇرىلىسىمەن تانىستىپ، تۇرعىندارمەن جۇزدەستى.

وسىدان بىرەر اي بۇرىن، «بايتەرەك» شاعىن اۋدانىندا تۇرمىسى تومەن كوپبالالى وتباسىلار ءۇشىن 150 باسپانانىڭ قۇرىلىسى باستالعان بولاتىن.

بۇگىندە قوس پاتەرلى  100 وتباسىنا ارنالعان 50 ءۇيدىڭ قۇرىلىسى اياقتالىپ، تۇرعىندار قونىستانعان. جاڭا مەكەننىڭ العاشقى قونىستانۋشىلارى – كوپبالالى وتباسىلار. سولاردىڭ ءبىرى 7 بالانىڭ اناسى ىزىمكۇل تۇرسانوۆا. ول وتباسىندا بولعان حالىق قالاۋلىلارىنا وسىنداي قامقورلىق كورسەتىپ وتىرعان ەلباسىنا العىسىن جەتكىزۋدى ءوتىندى.

- بۇعان دەيىن پاتەر جالداپ قينالىپ جۇرگەنبىز.  «بالامەكەن» جوبانىڭ ارقاسىندا مىنە باسپانالى بولىپ وتىرمىز. كوشىپ كەلگەنىمىزگە ءبىر اي بولدى. مۇندا جارىق، سۋ، گاز، جول، تەلەفون بايلانىسى بارلىق جاعداي جاسالعان. ەلباسىنا، وبلىس باسشىلىعىنا وسىنداي قامقورلىق كورسەتىپ جاتقانىنا العىس ايتامىن، – دەدى ىزىمكۇل تۇرسانوۆا.

ەلباسىنىڭ حالىقتى الەۋمەتتىك قولداۋ باعىتىنداعى تاپسىرماسىنىڭ ناتيجەلى جۇزەگە اسىرىلۋىنا كوز جەتكىزگەن ءماجىلىس دەپۋتاتتارى دا جوبا اياسىنداعى جۇمىستارعا وڭ باعاسىن بەردى.

- بىزدەر جۇمىس ساپارىمەن بارلىق وڭىرلەردە بولىپ ءجۇرمىز. الايدا كوپ بالالى انالار ءۇشىن جاسالعان مىنداي يگىلىكتى جوبانى تەك سىر وڭىرىنەن كورىپ وتىرمىز،- دەدى ءماجىلىس دەپۋتاتى بالايىم كەسەباەۆا.

ايتا كەتۋ كەرەك، تۇرعىن ءۇي قۇرىلىسىن دامىتۋ ماقساتىندا سوڭعى 6 جىل ىشىندە قىزىلوردا قالاسىنىڭ وزىندە 15 شاعىن اۋدان پايدا بولعان. جاڭا اۋدانداردىڭ قۇرىلىسى دا ءجۇرىپ جاتىر. 2019 جىلدىڭ سوڭىنا قاراي قىزىلوردانىڭ سول جاعالاۋىندا 2 628 پاتەرلىك 13 كوپقاباتتى تۇرعىن ءۇي سالىنىپ، وعان 13 مىڭ ادامدى قونىستاندىرۋ كوزدەلىپ وتىر. ەلباسىنىڭ 2018 جىلدىڭ قاڭتارىنداعى جولداۋىنا وراي، بولاشاقتا ءبىر ادامدى 30 شارشى مەتر باسپانامەن قامتاماسىز ەتۋ ماسەلەلەرى دە جوسپاردا بار، – دەدى حالىق قالاۋلىلارىمەن بىرگە بولعان «Nur Otan» پارتياسى قىزىلوردا قالالىق فيليالى توراعاسىنىڭ ءبىرىنشى ورىنباسارى ءشارىپ ءابدىراحمانوۆ.

Abai.kz