قىزىلوردا وبلىسى، جالاعاش اۋدانىندا كۇن ەلەكتر ستانتسياسىنىڭ قۇرىلىسى باستالدى. كۇنى كەشە ءوڭىر باسشىسى قۋانىشبەك ىسقاقوۆ بىرقاتار ەلدىمەكەننىڭ تۇرعىندارىمەن كەزدەسىپ، الەۋمەتتىك جانە ونىدىرىستىك نىسانداردىڭ جۇمىسىمەن تانىستى.

جانە، وبلىستاعى "Nomad Solar" جشس سالاتىن كۇن ەلەكتر ستانتسياسىنىڭ قۇرىلىس جۇمىسىنا قاتىستى. اتالعان ستانتسيانىڭ قۋاتتىلىعى 30 كۆت تى قۇرايدى. بۇگىنگى تاڭدا اتالعان جوبانىڭ قۇرىلىسىنا 60 ادام تارتىلعان. ال، ستانتسيا پايدالانۋعا بەرىلگەننەن كەيىن ول جەردە 18 جاڭا جۇمىس ورنى  اشىلادى.

سونىمەن قاتار، قۋانىشبەك ىسقاقوۆ وركەن الەم" جشس ارنايى كيىم تىگۋ تسەحىنىڭ جۇمىسىمەن تانىسقان. اتالعان تسەح 2017 جىلى  "سەرپىن" اگرارلىق-يندۋستريالىق ايماعىندا اشىلعان. بۇگىندە بۇل كاسىپورىندا 24 ادامدى جۇمىسپەن قامتىپ وتىر. ودان سوڭ، وبلىس اكىمى اۋدان ورتالىعى جالاعاش كەنتىندەگى "تاعزىم الاڭىندا" بولدى.

سونداي-اق، ءوڭىر باسشىسى بايتابىن" جشس №5 بريگاداسىنىڭ ەگىس القابىندا بولدى. بۇقارباي باتىر اۋىلدىق وكرۋگىندە ورنالاسقان بۇل بريگادا كۇرىش وسىرۋمەن اينالىسادى. وتكەن جىلدىڭ قورىتىندىسى بويىنشا، شارۋاشىلىقتا گەكتارىنا 68 تسەنتنەر ءونىم جينالعان. سەرىكتەستىكتە بارلىعى 110 ادام جۇمىس ىستەيدى.

ودان ءارى قۋانىشبەك ىسقاقوۆ اققىر اۋىلدىق وكرۋگىندە ەلدىمەكەندى اباتتاندىرۋ بويىنشا جۇمىستارمەن تانىستى. اتاپ ايتساق،  اۋىلعا تارتىلعان اۋىزسۋ مەن ەلەكتر جەلىسىن جاڭعىرتۋ بويىنشا اتقارىلىپ جاتقان ىستەردى كوزىمەن كوردى.

سوسىن "سامارا-شىمكەنت-مادەنيەت-ماقپالكول-جاڭاتالاپ-اققىر" تاس جولىنىڭ بويىنداعى "وڭتۇستىك كوللەكتور" كوپىرىن قايتا جاڭعىرتۋ جۇمىستارى بويىنشا بىرقاتار شارالاردى كوزىمەن كوردى.

جانە، وبلىس اكىم ماقپالكول اۋىلدىق وكرۋگىندە بولىپ،  اۋماعى 6 گا  الما باعىن ارالاپ كوردى. باق 2018 جىلى وتىرعىزىلعان، ونىڭ جۇمىستارىمەن 4 ادام اينالىسادى.

سونىمەن قاتار قۋانىشبەك ىسقاقوۆ وڭىردەگى تاڭ اۋىلدىق وكرۋگىندە "تاڭ لتد" جشس مەملەكەتتىك -جەكەمەنشىك ارىپتەستىك  اياسىندا سالىنعان 100 ورىندىق سپورت كەشەنىن ارالاپ كوردى. وندا دزيۋدو جانە تاەكۆوندو سەكتسيالارى بار. بۇل جەردە 11 ادام جۇمىسپەن قامتىلعان.

سونداي-اق، ءوڭىر باسشىسى تاۋلىگىنە 100 توننا كۇرىش وڭدەيتىن "تاڭ لتد" جشس كۇرىش وڭدەۋ تسەحىندا بولدى.  ايتا كەتەيىك، وتكەن جىلدان باستاپ اۋىلدىق وكرۋگتە تاۋلىگىنە 1000 وراما كونسەرۆى وندىرەتىن "اگروليدەر تاڭ" جشس تسەحى ىسكە قوسىلعان بولاتىن.

ءوڭىر باسشىسى مادەنيەت اۋىلدىق وكرۋگىندە 2018 جىلى پايدالانۋعا بەرىلگەن الەۋمەتتىك نىسانداردا، سپورت كەشەنى، بالاباقشا جانە مادەنيەت ۇيىندە بولدى.

ودان سوڭ،  "ەڭبەك" اۋىلدىق وكرۋگىندە بولعان وبلىس باسشىسى "ەڭبەك جەر" جشس اۋىل تۇرعىندارىنىڭ يگىلىگى ءۇشىن سالىنعان 50 ورىندىق سپورت كەشەنى، مەشىت جانە شاشتاراز، شاعىن-ماركەت، 200 ورىندىق تويحانا جۇمىسىمەن تانىستى.جانە، 18 ادامدى جۇمىسپەن قامىپ وتىرعان اققۇم اۋىلدىق وكرۋگىندە 2018 جىلى سالىنعان "باقداۋلەت-57" جشس بورداقىلاۋ كەشەنىنىڭ جۇمىستارىمەن تانىستى.

ايتا كەتەيىك، سىر ءوڭىرىنىڭ باسشىسى  قۋانىشبەك ىسقاقوۆ 24-27 شىلدەدە جۇمىس ساپارىمەن ارال، قازالى، قارماقشى جانە جالاعاش اۋداندارىندا بولىپ، وڭىرلەردەگى جەرگىلىكتى تۇرعىندارمەن كەزدەستى.

الداعى ۋاقىتتا وبلىس اكىمىنىڭ جۇمىس ساپارى جاڭاقورعان جانە شيەلى اۋداندارىندا جالعاسادى.

Abai.kz