جۇما, 19 شىلدە 2024
3601 0 پىكىر 31 شىلدە, 2019 ساعات 11:19

سىربويىلىق ديقاندار كۇزگى جيىن-تەرىنگە دايىن

قازىرگى تاڭدا قىزىلوردا وبلىسىندا مال شارۋاشىلىعىنىڭ ءورىسى كەڭەيىپ، قارقىندى دامۋدا. وسىعان وراي بيىل وڭىردە مال ازىعىندىق داقىلدار ەگىلەتىن القاپتار كولەمى 6 مىڭ گەكتارعا ۇلعايىپ، 62,7 مىڭ گەكتارعا جەتتى،- دەپ حابارلايدى اباي-اقپارات.

وبلىستاعى شارۋاشىلىقتار جوڭىشقا داقىلىنىڭ 1-ورىمىنان بارلىعى 87,1 مىڭ توننا ءونىم جيناپ ۇلگەرگەن. سونىمەن قاتار 120 گەكتار تۇيەجوڭىشقا القابى تۇگەل ورىلىپ، 156 توننا ءشوپ دايىندالعان. ورتا ءونىم گەكتارىنا 13 تسەنتەردەن اينالدى. بۇگىنگى كۇنى ەسكى جوڭىشقانىڭ 2-ورىمى باستالىپ، 1433 گەكتاردان 4,5 مىڭ توننا ءونىم جينالدى. اۋدانداردا مال ازىعىن دايىنداۋ جۇمىستارى قارقىندى جۇرگىزىلىپ جاتىر. ال 169,5 مىڭ توننا تابيعي ءشوپ دايىندالدى.

ايتالىق، جالاعاش اۋدانىنداعى «بايتابىن» جشس جوڭىشقانىڭ العاشقى ورىمىنان ءۇش مىڭ توننادان استام ءشوپ جيناپ العان ەدى. مال ازىعىنىڭ ءبىر بولىگى شارۋاشىلىق قاجەتىنە جاراتسا، قالعانىن ساتىلىمعا شىعارعان. سول سەكىلدى وسى اۋدانداعى ءىرى شارۋاشىلىقتاردىڭ ءبىرى «تاڭ لتد» جشس جانە «ەرالى» شق جوڭىشقانىڭ ەكىنشى ورىمىن باستاپ كەتتى. شارۋاشىلىق باسشىلارى «بيىل ءشوپ ءتۇسىمى مول» دەيدى.

ايتا كەتەيىك، وبلىس بويىنشا ەگىلگەن 3777 گەكتار كۇزدىك بيدايدىڭ 3752 گەكتارى جينالىپ، 9553 توننا ءونىم الىندى. ورتا ءونىم گەكتارىنا 25,5 تسەنتنەردى (2018 جىلى 19,5 تس/گا) قۇراسا، ەگىلگەن 4221 گەكتاردىڭ جارىمىنان استامى ورىلىپ، 2789 توننا ءونىم الىنعان. ورتا ءونىم 11 تسەنتنەردەن كەلۋدە. سونىمەن قاتار، 728 گەكتار سۇرلەمدىك جۇگەرىگە، 531 گەكتار ءداندى جۇگەرىگە ءۇس-تەپ قورەكتەندىرۋ جۇمىستارى جۇرگىزىلدى.

بيىل سىربويىلىق شارۋاشىلىق قۇرىلىمدارىنا «قازاگروقارجى» اق ارقىلى 3 ملرد تەڭگەگە ليزينگتىك جولمەن 70 تەحنيكا الۋ جوسپارلانىپ، قازىر 74 دانا تەحنيكا ساتىپ الىندى. ايتالىق، «بايتابىن» جشس وسىنداي جولمەن ەكى Claas Lexion كومباينى مەن «ماك دون» جاتكاسىنا قول جەتكىزدى.

الداعى ەگىن جيناۋ جانە دالا جۇمىستارىنا وبلىستا 1636 تراكتور، 806 كومباين، 460 جاتكا، 323 اۆتوماشينا جانە 766 تراكتور قاتىسادى دەپ جوسپارلانۋدا.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1281
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2013
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2070