رەسەي ليدەرى ەگەر قاجەت بولعان جاعدايدا كومەگىن قابىل الامىن دەپ، ترامپقا العىسىن جەتكىزگەن. پۋتين بۇل ۇسىنىستى ەكى ەل قارىم-قاتىناسىنا تۇسكەن سىزاتتىڭ قالپىنا كەلۋ باستاماسى دەپ اتاعان.

امەريكالىق تاراپ ەكى ەل پرەزيدەنتىنىڭ تەلەفون اڭگىمەلەرى جونىندە ازىرگە پىكىر بىلدىرمەدى.

سارسەنبى كۇنى پۋتين قورعانىس مينيسترلىگىنە سىبىردەگى ورمان ءورتىن سوندىرۋگە تاپسىرما بەرگەن.

بىرنەشە كۇن بۇرىن كراسنويارسك ولكەسىنىڭ گۋبەرناتورى الەكساندر ۋسس بيلىك نە سەبەپتەن سىبىردەگى ورمان ءورتىن سوندىرمەي وتىرعانىن تۇسىندىرگەن. "بۇل تابيعي قۇبىلىس، ونىمەن كۇرەسۋ مۇمكىن ەمەس، تىپتەن بۇل زيان", – دەپ مالىمدەگەن شەنەۋنىك.

كراسنويارسك، يركۋتسك وبلىستارى، بۋرياتيا مەن ياكۋتياداعى ورماندار ورتەنىپ جاتىر. "سيبير.رەالي" اقپاراتى بويىنشا، ءۇش ميلليون گەكتار ورمان ورتەنگەن. ءورتتىڭ ءتۇتىنى پوۆولجيا مەن قازاقستانعا دا جەتتى.

باتىس اقپارات قۇرالى رەسەيدەگى بۇل توتەنشە وقيعانى ادام ايتقىسىز جاعداي دەپ باعالايدى.

Abai.kz