الدىمىزدا قارا سۋىق - كۇز كەلە جاتىر. مەننەن كومەك سۇراپ وتىرعان وتباسىندا
98 جاستاعى قارياسى مەن جاڭا تۋعان ءسابيى بار، ولاردىڭ جاعدايى كۇن سۋىتسا نە بولماق؟!
مەسسەندجەر ارقىلى ايگەرىم ەسىمدى ءسىڭىلىم بايلانىسقا شىقتى. ايتۋىنشا جارىلىستان اتا - اناسىنىڭ ءۇيى كۇرەپ تاستايتىنداي قيراعان. قۇرىلىس جۇرگىزۋى ءتيىس قۇرىلىسشىلار ءۇيدىڭ توبەسىن جاباتىن بولسا ءبارىبىر قۇلاپ قالاتىنىن ايتىپ، باس تارتىپ كەتىپ قالعان كورىنەدى. مەردىگەر كومپانيا دا قول ۇشىن بەرۋگە اسىعار ەمەس، ءتىپتى "قايدا بارساڭ وندا بار" دەپ، ءۇي يەسىنە سەس كورسەتكەن ەكەن.

مەملەكەتتەن، بۇكىل قازاقستاننىڭ ازاماتتارىنان ءبولىنىپ جاتقان قاراجات قايدا؟! الدە قۇرىلىسقا جاۋاپتى پىسىقايلار وسىنداي جولمەن "ۇنەمدەۋگە" كىرىستى مە؟! وبلىس اكىمى ايعا باتا جاساپ وتىر ما؟! قالپىنا كەلتىرۋ جۇمىستارىن جەدەل قولعا العاندارى قايدا؟! نەگە تۇرعىندار شاعىمدانىپ، شىرىلداپ جاتىر؟!

قۇرمەتتى پرەزيدەنت! ونسىز دا الاپات جارىلىس پەن دۇلەي قورقىنىشتى باسىنان وتكەرگەن حالىقتىڭ جان-جاراسىن ودان سايىن اۋىرتپاي، قالپىنا كەلتىرۋ جۇمىستارىن جەدەلدەتسىن دەپ تاپسىرما بەرۋىڭىزدى جانە قۇرىلىس جۇمىستارىنىڭ ساپالى اتقارىلۋىن تىكەلەي ءوز باقىلاۋىڭىزعا الۋىڭىزدى سۇرايمىز.

كەنجەگۇل تەرگەمباەۆانىڭ facebook پاراقشاسىنان

Abai.kz