قىزىلوردادا كۇزگى ەگىن جيناۋعا دايىندىق ماسەلەلەرى تالقىلاندى.

وبلىس اكىمدىگىنىڭ اپپارات ماجىلىسىندە وبلىستىق اۋىل شارۋاشىلىعى باسقارماسى باسشىسىنىڭ م.ا. سەيىلبەك نۇرىمبەتوۆ كۇزگى ەگىن جيناۋعا دايىندىق بارىسى تۋرالى باياندادى.

"اعىمداعى جىلى وبلىس بويىنشا 183,9 مىڭ گا اۋىل شارۋاشىلىعى داقىلدارى اگروتەحنيكالىق شارالارىن ساقتاي وتىرىپ، وڭتايلى مەرزىمىندە ورنالاستى. ونىڭ ىشىندە ءداندi داقىلدار 96,9 مىڭ گا، مايلى داقىلدار 7 مىڭ گا، مال ازىقتىق داقىلدار 62,7 مىڭ گا، كارتوپ، كوكونiس، باقشا 17,2 مىڭ گا. نەگىزگى داقىل كۇرiشتىڭ كولەمى 87,3 مىڭ گا. اۋىل شارۋاشىلىعى داقىلدارى وتكەن جىلمەن سالىستىرعاندا 6,6 مىڭ گا ارتىق ەگىلىپ وتىر»،-دەپ حابارلادى س.نۇرىمبەتوۆ.

بۇگىنگى كۇنى 69,0 مىڭ گا كۇرىش گەربيتسيدتەرمەن، 66,9 مىڭ گا تىڭايتقىشتارمەن وڭدەلدى. سونىمەن قاتار، 1,3 مىڭ گا القاپتا ءداندى داقىلداردى جيناۋ جۇمىستارى تولىق اياقتالدى.

وبلىس بويىنشا ەگىلگەن 3,8 مىڭ گا كۇزدىك بيداي داقىلى تولىعىمەن جينالىپ، 9,7 مىڭ توننا ءونىم الىنسا، (ورتا ءونىم گەكتارىنا 25,6 تسن), جينالعان  527 گا جازدىق ارپادان بارلىعى 440,4 تن ءونىم (ورتا ءونىم گەكتارىنا 8,4 تسن) جانە 58 گا سۇلىدان 40,6 تن ءونىم الىندى (ورتا ءونىم گەكتارىنا 7,0 تسن).

ايماقتىڭ اۋىل شارۋاشىلىعى قۇرىلىمدارى كۇزگى ەگىن جيناۋ جۇمىستارىنا دايىندىقتى باستاپ كەتتى. وبلىستا العاشقى ەگىنگە وراق سالۋ جۇمىستارى جەكەلەگەن شارۋاشىلىقتاردا 20 تامىزدان كەيىن، ال وبلىس بويىنشا 1 قىركۇيەكتەن باستاۋ جوسپارلانىپ وتىر.

Abai.kz