بۇگىن قازاقستان پرەزيدەنتى قاسىم-جومارت توقاەۆ ءبىرلى-جارىم اۋىس-ءتۇيىس جاسادى. اۋەلى ەلشى ەرمۇحامەت ەرتىسباەۆتى (قازاقستاننىڭ بەلارۋستەگى توتەنشە جانە وكىلەتتى ەلشىسى) قىزمەتىنەن الىپ، ونىڭ ورنىنا سەناتور اسقار بەيسەنباەۆتى تاعايىندادى.

ونان سوڭ، سەناتورلار بىرعانىم ءايتىموۆا مەن اسقار بەيسەنباەۆتىڭ ورىنا نۇرتورە ءجۇسىپ پەن اسقار شاكىروۆتى تاعايىنداعان. اۋىس-ءتۇيىس مۇنىمەن اياقتالعان جوق. ءايتىموۆا مەن بەيسەنباەۆتىڭ سوڭىن الا سەرگەي گروموۆ، ۆلاديمير كيمدەر كەتتى سەناتورلىقتان.

سونىمەن، پرەزيدەنت پارمەنىمەن بولعان ازدى-كەم اۋىس-تۇيىستە كىمدەرگە قانداي قىزمەت بۇيىردى؟ جاڭا تاعايىندالعان سەناتورلار كىمدەر؟ بىلە جۇرىڭىزدەر:

سەناتورلار:

بىرعانىم سارىقىزى ءايتىموۆا،

اسقار اسانۇلى بەيسەنباەۆ،

سەرگەي نيكولاەۆيچ گروموۆتىڭ،

گەورگي ۆلاديميروۆيچ كيمنىڭ،

دۋلات راشيتۇلى قوسداۋلەتوۆتىڭ،

راشيد تولەۋتايۇلى تۇسىپبەكوۆتىڭ وكىلەتتىكتەرى توقتاتىلدى.

ولاردىڭ ورىنا:

نۇرتورە بايتىلەسۇلى ءجۇسىپ،

اسقار ورازالىۇلى شاكىروۆ،

مۇحتار ابرارۇلى قۇل-مۇحاممەد،

اندرەي يۆانوۆيچ لۋكين،

داريعا نۇرسۇلتانقىزى نازارباەۆا،

ءلاززات جاڭىلىسقىزى سۇلەيمەن،

دانا ومىربايقىزى نۇرجىگىتوۆا،

قاناتبەك بەيسەنبەكۇلى سافينوۆ سەنات دەپۋتاتى بولىپ تاعايىندالدى.

ايتا كەتەيىك، جاڭا تاعايىندالعان سەناتورلاردىڭ اراسىندا مۇحتار قۇل-مۇحاممەد، داريعا نازارباەۆالار دا بار ەكەن. داريعا نازارباەۆا ەكس-سپيكەر قاسىم-جومارت توقاەۆتىڭ پرەزيدەنتتىككە سايلانۋىنان سوڭ، سەناتورلار اراسىندا داۋىس بەرۋ ارقىلى سپيكەرلىككە تاڭدالعان ەدى. ال مۇحتار ابرارۇلى بۇعان دەيىن دە سەناتتا بولعان.

Abai.kz