قىزىلوردا وبلىسىنىڭ اكىمى قۋانىشبەك ىسقاقوۆ جاڭاقورعان اۋدانىنا جۇمىس ساپارىمەن بارىپ، اۋداننىڭ الەۋمەتتىك-ەكونوميكالىق دامۋىمەن تانىستى. بىرنەشە ەلدىمەكەننىڭ تۇرعىندارىمەن كەزدەسىپ، مەملەكەتتىك-جەكەمەنشىك ارىپتەستىك اياسىندا سالىنعان ەمدەۋ مەكەمەلەرىنىڭ اشىلۋ راسىمىنە قاتىستى.

الدىمەن ايماق باسشىسى «باتىس قىتاي – باتىس ەۆروپا» اۆتوجولىنىڭ بويىندا سالىنىپ جاتقان جولبويى قىزمەت كورسەتۋ كەشەنىنىڭ قۇرىلىسىمەن تانىستى. نىساندا 300 ورىندىق مەيرامحانا، 150 ورىندىق قوعامدىق تاماقتانۋ ورنى، موتەل، كەمپينگ، ساۋدا-ويىن-ساۋىق ايماعى، مەديتسينالىق جاردەم ورنى، اۆتوكولىكتەرگە تەحنيكالىق قىزمەت كورسەتۋ ستانتسياسى، جانار-جاعار ماي قۇيۋ بەكەتى، بولشەك ساۋدا جانە اۆتوكولىك جۋ ورنى قاراستىرىلعان.

سودان سوڭ «سكز-U» جشس كۇكىرت قىشقىلىن شىعارۋ زاۋىتىنا بارىپ، جۇمىسشىلارىمەن كەزدەستى. 2013 جىلى قۋاتتىلىعى 420 كۆت/ساعات كۇن ەلەكتر ستانتسياسى ىسكە قوسىلىپ، زاۋىتتى ەلەكتر قۋاتىمەن تولىقتاي قامتاماسىز ەتۋدە. كاسىپورىندا جىلىنا 500 مىڭ توننا، كۇنىنە 1,5 مىڭ توننا ءونىم شىعارىلادى، مۇندا 285 ادام جۇمىسپەن قامتىلعان.

وبلىس اكىمى جاڭاقورعان كەنتىندە  دەنە شىنىقتىرۋ-ساۋىقتىرۋ سپورت كەشەنىنە باردى. كەشەندە  كۇرەستىڭ بىرنەشە ءتۇرى، تاەكۆوندو، اۋىر اتلەتيكا، شاحمات تاعى باسقا 7 سەكتسياعا 300  جۋىق بالا قاتىسۋدا. بالالارمەن 7 جاتتىقتىرۋشى جۇمىس ىستەيدى.

جۇمىس ساپارى اياسىندا تابيعي ۋراندى جەراستى ۇڭعىلاپ شايۋ ءادىسى ارقىلى جىلىنا 1000 توننا ءونىم  وندىرەتىن، 500 ادامدى تۇراقتى جۇمىسپەن قامتىپ وتىرعان  «بايكەن-U» جشس  كاسىپورنىن ارالاپ كوردى.

سونىمەن قاتار، ايماق باسشىسى «جاڭارىق-كەلىنتوبە» باعىتىنداعى اۆتوجولدىڭ جاي-كۇيىمەن تانىستى.  ايتا كەتەيىك، جاڭاقورعان اۋدانىنداعى وبلىستىق ماڭىزى بار «سامارا-شىمكەنت-جاڭاقورعان-تۇگىسكەن-كەلىنتوبە» اۆتوموبيل جولىنىڭ 8,7 كم-دە جاڭارىق اۋىلدىق وكرۋگىنىڭ تۇسىندا ورنالاسقان اپاتتىق جاعدايداعى كوپىردى كۇردەلى جوندەۋ جۇمىستارىن جۇرگىزۋگە جوبالاۋ-سمەتالىق قۇجاتتاماسى ازىرلەنىپ، مەملەكەتتىك ساراپتامانىڭ وڭ قورىتىندىسى الىنعان.

قۋانىشبەك دوسمايىلۇلى وزگەنت ەلدىمەكەنىندەگى مەملەكەتتىك-جەكەمەنشىك ارىپتەستىك اياسىندا سالىنعان  دارىگەرلىك امبۋلاتوريانىڭ سالتاناتتى اشىلۋ راسىمىنە قاتىستى. نىسان دارىگەرلىك قابىلداۋ ءبولىمى، لابوراتوريا، ەگۋ بولمەسى، ايەلدەرگە كەڭەس بەرۋ، ەرلەردى قاراۋ بولمەسى قىزمەتتەرىمەن قامتىلعان.

"قانداي دا ءبىر ەلدىمەكەندە الەۋمەتتىك نىساننىڭ اشىلۋى تۇرعىندار ءۇشىن  مەرەكە ىسپەتتى. مەملەكەتتىك-جەكەمەنشىك ارىپتەستىك ارقىلى سالىنعان بۇل نىسان مەملەكەتتىڭ باستى قۇندىلىعى - حالىق دەنساۋلىعىن جاقسارتۋعا جاسالعان قامقورلىق. بۇگىنگى اشىلعان دارىگەرلىك امبۋلاتوريا سىزدەردىڭ يگىلىكتەرىڭىزگە قىزمەت جاسايدى. بۇل عيمارات بىرىنشىدەن تۇرعىنداردىڭ دەنساۋلىعىن جاقسارتۋعا ىقپال ەتسە، ەكىنشىدەن جەرگىلىكتى حالىقتىڭ بەلگىلى ءبىر بولىگىن جۇمىسپەن قامتيدى، سونداي-اق، ەكونوميكالىق احۋالعا اسەر ەتەدى. ەندى الداعى ۋاقىتتا جاڭاقورعان اۋدانى بويىنشا 6 امبۋلاتوريالىق ورتالىق سالىنادى دەپ جوسپارلانىپ وتىر",-دەدى ايماق باسشىسى.

ايتا كەتەيىك، بۇگىن اقۇيىك ەلدىمەكەنىندە دە مەملەكەتتىك-جەكەمەنشىك ارىپتەستىك بويىنشا بوي كوتەرگەن  دارىگەرلىك امبۋلاتوريانىڭ اشىلۋى ءراسىمى ءوتتى.

بۇدان ءارى ايماق باسشىسى وبلىستىق وليمپيادالار جانە قوسىمشا ءبىلىم بەرۋ ورتالىعىندا بولدى. قازىرگى تاڭدا ارىس قالاسىنان 150 بالا قىزىلوردا وبلىستىق ءبىلىم باسقارماسىنىڭ "وبلىستىق وليمپيادالار مەن قوسىمشا ءبىلىم بەرۋ ورتالىعىندا" تەگىن دەمالىپ جاتىر. بالالار ءۇشىن پسيحولوگيالىق ترەنينگتەر، تاۋعا ەكسكۋرسيالار، ءتۇرلى ۇيىرمەلەر ۇيىمداستىرىلۋدا.

وبلىس اكىمى «شالقيا-تسينك لتد» اق كاسىپورنىندا بولدى. مۇندا 450 جۋىق ادام جۇمىسپەن قامتىلعان. كەن بايىتۋ كومبيناتىنىڭ ونىمدەرىن گيدرومەتاللۋرگيالىق ادىسپەن وڭدەپ، مەتالدى مىرىش پەن قۇرامىندا قورعاسىن، مىس، كۇمىس جانە باسقا دا سيرەك كەزدەسەتىن مەتالدارى بار قورعاسىن كەگىن الۋ جوسپارلانۋدا. ول ءۇشىن كەن بايىتۋ كومبيناتىنىڭ جانىنان مەتاللۋرگيالىق زاۋىت سالىناتىن بولادى.

قۋانىشبەك دوسمايىلۇلى جايىلما ەلدىمەكەنىندە №195 مەكتەپ-ليتسەيىنە بارىپ، وندا اۋداننىڭ جاڭا وقۋ جىلىنا جانە جىلۋ بەرۋ ماۋسىمىنا دايىندىعى ماسەلەلەرى قارالدى. ايماق باسشىسى جاۋاپتى ماماندارعا دايىندىق جۇمىستارىنا ءمان بەرىپ، دەر كەزىندە ءتيىستى شارالاردى اتقارۋدى تاپسىردى.

جۇمىس ساپارى سىعاناق تاريحي قالاشىعىن رەستاۆراتسيالاۋ جۇمىستارىمەن تانىسۋمەن قورىتىندىلاندى. ەستەرىڭىزگە سالايىق، قالاشىققا ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ عالىمدارى 2003 جىلدان باستاپ ارحەولوگيالىق عىلىمي-زەرتتەۋ جۇمىستارىن جۇرگىزىلىپ كەلەدى. «مادەني مۇرا» باعدارلاماسى اياسىندا جۇرگىزىلگەن ارحەولوگيالىق قازبا جۇمىستارى ناتيجەسىندە قالانىڭ شىعىس قاقپاسىنىڭ الدىنان عالىم، يسلام ءدىنىنىڭ كورنەكتى وكىلى حيسساميدين (XIV ع) سالعىزعان مەشىت-مەدرەسەسى تابىلىپ، توپىراقتان تازارتىلىپ، قايتا قالپىنا كەلتىرۋ جۇمىستارى جۇرگىزىلگەن.

24-27 ماۋسىم ارالىعىندا قىزىلوردا وبلىسىنىڭ اكىمى قۋانىشبەك ىسقاقوۆ جۇمىس ساپارىمەن ارال، قازالى، قارماقشى جانە جالاعاش اۋداندارىندا بولسا، كەشە شيەلى اۋدانىنا بارىپ، وندىرىستىك جانە الەۋمەتتىك نىساندارىنىڭ جۇمىسىمەن تانىسىپ، جەرگىلىكتى تۇرعىندارمەن كەزدەسكەن بولاتىن.

Abai.kz