دۇيسەنبى, 14 قازان 2019
46 - ءسوز 1940 4 پىكىر 3 قىركۇيەك, 2019 ساعات 15:54

پرەزيدەنت جولداۋى تۋرالى

بىردەن ەسكەرتەيىن، جولداۋ كوڭىلىمنەن شىقپاسا دا، نەگاتيۆكە سالىنبايمىن. سىرتتاي ءوز رەاكتسيامدى وبەكتيۆتى تۇردە ايتۋعا تىرىسايىن. سونىمەن.
مەنىڭ ويىمشا، جولداۋدا ەرەكشە اتاپ وتۋگە تۇراتىن جانە ساياسي تەزيستەرگە قاتىستى بەس ماسەلە بار:

1. الەمدىك تاجىريبە كورسەتىپ وتىرعانداي، بۇزىپ-جارعىش ساياسي ليبەراليزاتسيا تۇراقسىزدىققا اكەپ سوعادى. سوندىقتان ءبىز ساياسي رەفورمالاردى العا اتتانداۋمەن ەمەس، ويلاستىرىپ وتىرىپ جۇرگىزەمىز.
بۇعان كەلىسەرمىن. بىراق بۇل ونسىز دا جوعالتىپ العان قانشاما ۋاقىتىمىزدى تاعى دا وتكىزۋ بولماسا يگى ەدى.

2. «ءبىزدىڭ ءپرينتسيپىمىز – ساياسي مودەرنيزاتسياسىز ەكونوميكالىق رەفورمالاردى جۇرگىزۋ مۇمكىن ەمەس»، – دەدى پرەزيدەنت.
مىنە، بۇعان 100% كەلىسەمىن! ءتىپتى 100500%!

3. «زاڭدا بەلگىلەنگەن تارتىپكە ساي، ولارعا (ميتينگ) وتكىزۋگە رۇقسات بەرۋ، ول ءۇشىن ارنايى ورىن بەلگىلەۋ. الايدا، ول قالا سىرتىندا بولماۋى كەرەك»، – دەدى.

تۇتاستاي العاندا، ىلگەرىلەۋ بايقالادى. بىراق، مەنىڭشە، ميتينگىلەر ەسكەرتۋشى سيپاتتا ءوتۋى كەرەك. سونداي-اق، ميتينگىنى ۇيىمداستىرۋشىلار ءوز قاۋىپسىزدىگى ءۇشىن الاڭدايتىن بولسا، ونى حابارلاۋى ءتيىس.

4. "پوليتسيانىڭ مەملەكەتتىڭ كۇش قۇرالى رەتىندەگى بەينەسى بىرتىندەپ كەلمەسكە كەتەدى. ول ازاماتتاردىڭ قاۋىپسىزدىگىن قامتاماسىز ەتۋ ءۇشىن قىزمەت كورسەتەتىن ورگانعا اينالادى».
مىنە، تاعى دا 100500% كەلىسەمىن!
مەن تەك «بىرتىندەپ» دەگەن ءسوزدىڭ كۇنتىزبەگە قويىلعانىن جانە ناقتى مەرزىمىن ەستىگىم كەلەدى.

5. «الداعى ءماجىلىس پەن ءماسليحات سايلاۋى ەلىمىزدەگى كوپپارتيالى جۇيەنىڭ ودان ءارى دامۋىنا سەپ بولۋى كەرەك».
نە بۇل؟ جاڭا پارتيانى تىركەۋدى جەڭىلدەتۋ جونىندەگى ۋادەسى مە، الدە تەك سايلاۋ سەپ بولۋعا «ءتيىس» دەگەن تىلەگى عانا ما؟
ءوز باسىم بۇل ءسوزدى تۇسىنبەدىم.

جالپى، وسىلار. قالعانىنىڭ ءبارى ءومىرىمىزدىڭ جاعىمسىز ساتتەرىنە بايلانىستى حالىقتىڭ الەۋمەتتىك جەلىلەردەگى رەاكتسياسىنا بەرگەن جاۋابى جانە ماسەلەلەردى اقشامەن تولتىرۋ عانا. دەسە دە، مۇنىڭ ءوزى جامان ەمەس.
بۇل دەگەنىڭىز، ەڭ بولماعاندا، بيلىكتىڭ الەۋمەتتىك جەلىلەردەگى نارازىلىقتاردى ەستي باستاعانىن كورسەتەدى.

مارعۇلان سەيسەمبايدىڭ facebook پاراقشاسىنان

Abai.kz

4 پىكىر