ءبارىمىز بىلەتىندەي، قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆ ۇنەمى قازاقستان حالقىنا ارناپ جولداۋ جولدايدى. سونىڭ ءبىرى وتكەن جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىندا ەلباسى قازاقستاندىقتاردىڭ ءال-اۋقاتىن ارتتىرۋ باستى ماقسات ەكەنىن ايتتى. 

ول جولداۋدا ەلباسى ۇكىمەتكە، ءار سالا باسشىلارىنا ازاماتتاردىڭ تۇرمىتىق دەڭگەيىن جوعارلاتۋ ءۇشىن جۇمىس ىستەۋگە كەرەك دەپ تاپسىرما بەرگەن بولاتىن. اتالعان جولداۋدىڭ ەكىنشى تاراۋى "قازاقستاندىقتاردىڭ تۇرمىس ساپاسىن ارتتىرۋ" بولاتىن. وسى بولىمدە مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەكتىگى ايتىلعان.

جولداۋداعى ەكىنشى تارماقتىڭ ەكىنشى بولىمىندە مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەك دەپ تاپسىرما بەرگەن ەدى ەلباسى. جولداۋدا "بىلىكتىلىك تالاپتارىن، وقىتۋ ءادىسىن، تاربيەشىلەردىڭ جانە بالاباقشاداعى باسقا دا قىزمەتكەرلەردىڭ ەڭبەگىنە اقى تولەۋ جۇيەسىن قايتا قاراۋ قاجەت" ەكەنى انىق كورسەتىلدى.

ەلباسى جولداۋىنا ساي ەلىمىزدىڭ تۇكپىر-تۇكپىرىندە مەكتەپتەر مەن وقۋشىلارعا جان-جاقتى بۇرىنعىدان دا مول كومەكتەر جاسالۋدا. سول باعىتتا اۋقىمدى جۇمىستار قولعا الىنىپ، جۇزەگە اسۋدا. ماسەلەن، بالاباقشا، مەكتەپ سالۋ، مەكتەپتەردىڭ تەحنيكالىق مۇمكىندىكتەرىن ارتتىرۋ دەگەن سەكىلدى يگى باستالمالاردىڭ كوبەيۋى ءبىلىم سالاسىنىڭ قارىشتاپ دامۋىنا مۇمكىندىك بەرىپ وتىر.

بۇدان بولەك، تۇڭعىش پرەزيدەنتتىك تىكەلەي تاپسىماسىمەن ەلىمىزدەگى تۇمىسى تومەن جانە از قامتىلعان وتباسىلاردىڭ بالالارىنىڭ ساپالى ءبىلىم اۋلى ءۇشىن جان-جاقتى جاعداي جاسالۋدا. كوپبالالى وتباسىلاردىڭ بالالارى ءبىلىم الۋ مۇمكىندىگىنەن قاعىلماس ءۇشىن مەملەكەتتىك ورگاندار قولعابىس جاساپ، مەملەكەتتىك دەڭگەيدە "مەكتەپكە جول" اكتسياسىن جۇرگىزۋدى.

«مەكتەپكە جول» اكتسياسى ەلىمىزدىڭ ءار وڭىرىندە ءوز جۇمىسىن جالعاستىرۋدا. ءبىز مىسال رەتىندە ءبىر-ەكى ايماقتا اتقارلىعان جۇمىستارمەن تانىستىرا كەتكەندى ءجون كوردىك.

«نۇر وتان» پارتياسىنىڭ تۇركىستان وبلىسى، سايرام اۋداندىق فيليالىنىڭ ۇيىمداستىرۋىمەن الەۋمەتتىك از قامتىلعان كوپبالالى وتباسىلارعا كومەك بەرۋ ماقساتىندا «مەكتەپكە جول» اكتسياسى وتكىزىلدى. اكتسيانىڭ ماقساتى – اۋداندىق پارتيا فيليالىنا كەلىپ ءوتىنىش بىلدىرگەن اتا-انالاردىڭ   بالالارىن جاڭا وقۋ جىلىنا دايىنداۋعا كومەك كورسەتۋ بولىپ وتىر.

اتالعان ءىس شاراعا «نۇر وتان» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ، سايرام اۋدانىنىڭ اكىمى باقتيار ماماەۆ، اۋداندىق ءماسليحات دەپۋتاتتارى جانە باق وكىلدەرى قاتىستى.

جينالىستا العاش بولىپ ءسوز العان «نۇر وتان» پارتياسى تۇركىستان وبلىستىق فيليالىنىڭ توراعاسىنىڭ ءبىرىنشى ورىنباسارى بەيسەن تاجىباەۆ سبارشا مەكتەپ وقۋشىلارىن جاڭا وقۋ جىلى باستالۋىمەن قۇتتىقتادى.

«نۇر وتان» پارتياسىنىڭ ءداستۇرلى تۇردە وتكىزەتىن «مەكتەپكە جول» رەسپۋبليكالىق اكتسياسى اياسىندا بۇل جولى دا الەۋمەتتىك از قامتىلعان وتباسىلارعا كومەك كورسەتىلدى. بيىلعى جىلعى اكتسيا سايرام اۋدانىنان باستالىپ وتىر. بارلىق ءبۇلدىرشىن مەكتەپكە تولىققاندى وقۋ جابدىقتارىمەن قامتىلماۋى ءبىزدىڭ ازاماتتىعىمىزعا ۇلكەن سىن. پارتيا اتىنان ۇيىمداستىرىلىپ جاتقان اكتسياعا  ماسليحات دەپۋتاتتارى، «Nur Otan» پارتياسى فراكتسياسىنىڭ مۇشەلەرى مەن پارتيالاس ارىپتەستەرىمىزدىڭ قوسقان ۇلەسى زور. جاس وسكىندەردىڭ مۇقتاجدىعىنا ەشقاشان جول بەرمەيمىز», دەدى بەيسەن تاجىباەۆ.

كەزەكتى اكتسيا اياسىندا «نۇر وتان» پارتياسى فيليالىنا بالالارىن مەكتەپكە دايىنداۋعا كومەك بەرۋىن سۇرانعان 24 وتباسى مۇشەلەرىنىڭ 50 وقۋشىسىنا مەكتەپكە قاجەتتى وقۋ-قۇرالدارىمەن جاساقتالعان سومكەلەر الىپ بەرىلدى. اتالعان ءىس شاراعا قاتىسقان سايرامدىقتار وتىنىشتەرىن قاراۋسىز قالدىرماي كومەك كورسەتكەن «نۇر وتان» پارتياسىنىڭ فيليالىنا العىستارىن جەتكىزدى.

ناقتىراق ايتقاندا، بۇگىنگى كۇنگە دەيىن اۋداندىق ءماسليحات دەپۋتاتتارى، پارتيا فراكتسياسىنىڭ مۇشەلەرى جانە پارتيالاستار تاراپىنان سەگىز ءجۇز قىرىق بەس وتباسىعا 4 ملن 152 مىڭ 400 تەڭگە كولەمىندە ماتەريالدىق كومەك (كيىم، وقۋ قۇرالدارى) كورسەتىلگەن بولاتىن

سونىمەن قاتار، سايرام اۋدانىنىڭ ورتالىعى اقسۋكەنت اۋىلىندا اتقارىلعان تاعى ءبىر يگى شارا، اۋداندا مۋزەي عيماراتىنىڭ قۇرلىسى اياقتالىپ، پايدالانۋعا بەرىلۋگە دايىن. قۇرىلىسى تولىق اياقتالعان    نىسان جاقىن ارادا تولىققاندى جابدىقتالىپ، حالىق يگىلىگىنە بەرىلەتىن بولادى. سونداي-اق، پارتيانىڭ باستاماسىمەن ورتالىق بالالار كىتاپحاناسىنداعى ءبىلىم ورتالىعى دا ءوز جۇمىسىن باستادى.

سايرام اۋدانى بويىنشا 2018 جىلى اۋداندىق ورتالىقتاندىرىلعان كىتاپحانالار جۇيەسىندەگى 5 كىتاپحانادا ءبىلىم ورتالىقتارى جۇمىسى ىسكە قوسىلعان. زاماناۋي ورتالىق كەلگەن ادامعا ءوزىنىڭ سۇيىكتى ىسىمەن اينالىسۋعا مۇمكىندىك بەرەدى. كىتاپحانادا جۇمىس ىستەۋ ءۇشىن بارلىق جاعدايلار جاسالعان: ىڭعايلى كرەسلو، ۇستەل، اقىسىز Wi-Fi, جەدەل ينتەرنەت، Skype ارقىلى سۇحباتتاسۋ، پرينتەر، سكانەر بار.

ەگەمەن ەلدىڭ ەرتەڭى ءۇشىن ءبىلىم جۇيەسىن دامىتىپ، جاستارىن جان-جاقتى ءبىلىمدى ۇراپ ەتىپ تاربيەلەۋ جولىندا زور قۇلشىنىستار جاسالۋدا. سول باعىتتا ەلباسىنىڭ بەرگەن ناقتى تاپسىرمالارى مەن جولداۋلارىندا ۇسىنعان جولدارىنا ساي جۇمىس ىستەلۋدە. بالاباقشادا، مەكتەپتە، جوعارى وقۋ ورىندارىندا بولسىن ساپالى ءبىلىم جاستارعا اۋاداي قاجەت. ء"بىلىمدى ۇرپاق - ەل ەرتەڭى" دەگەن ەلباسى ءسوزى بار.

"ءبىز گرانتتاردىڭ سانىن كوبەيتتىك، ەندى جاۋاپكەرشىلىكتىڭ كەزەڭى كەلدى. جوعارى وقۋ ورنىنىڭ تابىستىلىعىن باعالاۋدىڭ باستى كريتەريى – وقۋ بىتىرگەن ستۋدەنتتەردىڭ جۇمىسپەن قامتىلۋى، جالاقىسى جوعارى جۇمىسقا ورنالاسۋى. جوعارى وقۋ ورىندارىن ىرىلەندىرۋ ساياساتىن جۇرگىزۋ قاجەت. نارىقتا جوعارى ساپالى ءبىلىم بەرۋدى قامتاماسىز ەتەتىندەرى عانا قالۋعا ءتيىس. نازارباەۆ ۋنيۆەرسيتەتىنىڭ تاجىريبەسىنە سۇيەنىپ، ۇزدىك شەتەلدىك توپ-مەنەدجەرلەردى جۇمىسقا تارتۋ ارقىلى الەمنىڭ جەتەكشى ۋنيۆەرسيتەتتەرىمەن ارىپتەستىك ورناتۋ ماڭىزدى. قازىرگى ءبىلىم ينفراقۇرىلىمىنىڭ بازاسىندا نازارباەۆ ۋنيۆەرسيتەتىنىڭ ۇلگىسىمەن وڭىرلىك جاڭا جوعارى وقۋ ورنىن قۇرۋ قاجەت دەپ سانايمىن", - دەگەن ەدى نازارباەۆ.

Abai.kz