جۇما, 20 قىركۇيەك 2019
1138 1 پىكىر 10 قىركۇيەك, 2019 ساعات 15:51

سولتۇستىك كورەيا ماۋسىم ايىنان بەرى سەگىزىنشى زىمىران سىناعىن وتكىزدى

10 قىركۇيەكتە Cولتۇستىك كورەيا جاپون تەڭىزىنە قاراتا ەكى زىمىران ۇشىردى دەپ حابارلادى وڭتۇستىك كورەيا اسكەريلەرى. پحەنيان يادرولىق باعدارلاماسىنىڭ بولاشاعى تۋرالى اقش-پەن كەلىسسوزدەردى جالعاستىرماق نيەتى بارىن بىلدىرگەن سوڭ ىلە-شالا زىمىران ۇشىرعان.

سولتۇستىك كورەيا زىمىراندارىنىڭ قاي اۋماققا تۇسكەنى تۋرالى ازىرگە اقپارات جوق.

جاپونيا قورعانىس مينيسترلىگى ەل اۋماعىنا سولتۇستىك كورەيا ۇشىرعان زىمىراندار تۇسكەنى تۋرالى مالىمەت جوعىن، قازىرگى كەزدە ۇلتتىق قاۋىپسىزدىگىنە توتەنشە قاۋىپ ءتونىپ تۇرماعانىن حابارلادى.

اقش پرەزيدەنتى دونالد ترامپ پەن سولتۇستىك كورەيا باسشىسى كيم چەن ىن وڭتۇستىك كورەيا مەن سولتۇستىك كورەيا اراسىنداعى شەكارادا كەزدەسكەننەن كەيىن پحەنيان وسىمەن سەگىزىنشى مارتە زىمىران سىناعىن وتكىزدى.

"امەريكا داۋىسى" راديوسى اقش اكىمشىلىگىنىڭ جوعارى لاۋازىمدى وكىلىنىڭ ء"بىز سولتۇستىك كورەيانىڭ زىمىران ۇشىرعانىنان حاباردارمىز. ءبىز جاعدايدى باقىلاپ، ايماقتاعى وداقتاستارىمىزبەن كەڭەسىپ وتىرمىز" دەگەن ءسوزىن كەلتىرگەن.

سەۋل پحەنياندى بالليستيكالىق زىمىران ۇشىرۋدى توقتاتۋعا شاقىرىپ كەلەدى. وڭتۇستىك كورەيا بيلىگى زىمىران سىناعى كورەي تۇبەگىندەگى شيەلەنىستى ازايتۋعا سەپتەسە المايدى دەپ سانايدى. پحەنيان زىمىران ۇشىرۋدى كورشى ەلگە اقش-پەن اسكەري سالاداعى ىنتىماقتاستىعى ءۇشىن جاسالعان ەسكەرتۋ دەپ اتاعان.

Abai.kz

1 پىكىر