«حالىق كاپيتاليزمى»: «اق جول» پارتياسى جەكەشەلەندىرىلگەن نىسانداردىڭ مەنشىك ۇلەسىن ەڭبەك ۇجىمدارىنا بەرۋدى تالاپ ەتۋدە – بۇل تۋرالى ءماجىلىستىڭ پلەنارلىق وتىرىسىندا قر پرەمەر-ءمينيسترى اسقار مامينگە جولداعان ساۋالىندا ازات پەرۋاشەۆ ايتتى.

ول «اق جول» پارتياسىنىڭ ارقاشان نارىقتىق رەفورما مەن مەملەكەتتىك نىسانداردى جەكەشەلەندىرۋ ارقىلى ەكونوميكاداعى مەملەكەتتىڭ ۇلەسىن ازايتۋعا جاقتاسىپ كەلە جاتقانىن اتاپ ءوتتى.

الايدا، جەرگىلىكتى جەرلەردەگى نارىقتىق جەكەشەلەندىرۋدىڭ (ياعني ينۆەستورلاردىڭ اقشاسىنا نىسانداردى ساتۋ) ءبىر توپ ادامنىڭ مۇددەسىنە كەتىپ جاتقانىن كورىنەدى. اسىرەسە جاڭا قوجايىنداردىڭ نىسانداردى كەيىنگى تولەم شارتىمەن ساتىپ الۋى، سول ارقىلى مەملەكەتتىك تولەمدى مەملەكەت اقشاسىمەن جۇرگىزۋى بەلەڭ العان.

««اق جول» فراكتسياسى وسى سالاداعى جەمقورلىقتىڭ الدىن الۋ ءۇشىن 2014 جىلدان بەرى 5 دەپۋتاتتىق ساۋال جولداعان بولاتىن. ەندى وسىنداي جاعداي قايتا ورىن الىپ وتىر، ماسەلە الماتى قالاسىنداعى بالالار ءتىس ەمحاناسى جونىندە.

باسپاسوزدەن بەلگىلى بولعانداي نىسان جوعارىدا اتالعان ادىسپەن، ياعني ءبولىپ تولەۋ ارقىلى جۇزەگە اسىرىلعان. كلينيكاعا بيۋدجەتتەن جىلىنا 260 ملن تگ ءتۇسىپ تۇرسا، جەكەشەلەندىرۋگە دەيىن كلينيكانىڭ شوتىندا 170 ملن تگ بولعان.

ال، تەندەر جەڭىمپازىنىڭ العاشقى جانە كەپىلدىك سوماسى 92 ملن تگ. ياعني بۇل سوما وبەكتىنىڭ شوتىنداعى قاراجاتتان ەكى ەسە از دەگەن ءسوز! بۇدان كەيىنگى دە تولەمدەر «ينۆەسستورسىماقتىڭ» ەمەس، كلينيكانىڭ بيۋدجەتىنەن تولەنەتىنى ءسوزسىز عوي.

قالا جۇرتشىلىعىنىڭ نارازىلىعىنا قاراماستان، سوت جەكەشەلەندىرۋ ەرەجەلەرىنە سايكەس نىساندى ساتتى. ياعني، باستى ماسەلە وسى ەرەجەلەردىڭ وزىندە دەگەن ءسوز، سەبەبى مۇنداي «جەكەشەلەندىرۋ» مىسالدارىن «اق جول» پارتياسى 2014, 2017, 2018 جىلدارى دا كەلتىرگەن»، - دەدى پارتيا جەتەكشىسى ا.پەرۋاشەۆ.

وسىعان بايلانىستى، «اق جول» پارتياسى كەلەسى شەشىمدەردى  ۇسىنعان.

الماتىداعى بالالار ءتىس ەمحاناسىن جەكەشەلەندىرۋ ءىسىن زاڭ شەڭبەرىندە عانا ەمەس، مەملەكەتتىك قىزمەت ەتيكا تالاپتارىنا دا تەكسەرۋدى;

ەڭبەك ۇجىمدارىنىڭ مۇددەسىن قورعاي وتىرىپ، جەكەشەلەندىرۋ تالاپتارىنا وزگەرىس ەنگىزۋ مۇمكىندىگىن زەرتتەۋدى.

اتالمىش شەشىمدەر، ياعني «حالىق كاپيتاليزمى» مىڭداعان ازاماتتارعا ەڭبەكاقى بەرىپ قانا قويماي، جۇمىس ورىندارىنان ديۆيدەند الىپ، ونى باسقارۋعا اتسالىسۋعا جاردەمدەسىپ، جۇمىسشى حالىقتىڭ ءال-اۋقاتىن جاقسارتاتىنى ءسوزسىز.

Abai.kz