ەرتىسباەۆتىڭ ابليازوۆپەن دەباتتان سوڭعى ماقالاسى ءسوز بوپ جاتىر ەكەن. ال مەنىڭ ەسىمە باسقا جايت ءتۇسىپ وتىر.

ەرمۇحاممەد قابيدەنۇلىنىڭ 2006-2008 جىلدار ارالىعىندا مادەنيەت جانە اقپارات ءمينيسترى بولعانىن بىلەسىزدەر. سول كەزەڭدە مينيسترلىككە قاراستى "قازاقستان" تەلەراديوكورپوراتسياسى ءبىر امەريكالىق كينوكومپانياعا "Left Behind" - "ارتتا قالعان" اتتى كوركەم فيلم تۇسىرۋگە تاپسىرىس بەرەدى. 1 ميلليون 111 مىڭ 111 دوللارعا! ۇلتتىق ارنانىڭ وكىلى رەتىندە چينگيز ەرمۋحامەدوۆيچ كابيدين دەگەن ادام الگى قاراجاتتى يگەرۋگە ات سالىسادى. گازەت دالەلگە تارتقان قۇجاتتا سولاي تۇر. كەلىسىم-شارتقا "قازاقستان" ترك-نىڭ سول كەزدەگى باسشىسى نۇرتىلەۋ يمانعاليۇلى قول قويادى. تەك شارتتا بۇل ءفيلمنىڭ نەندەي كوركەم ءونىم ەكەنى، قاشان ءتۇسىرىلىپ بىتەتىنى، قايتىمى، تۋىندىنىڭ بولاشاق تابىسى جايلى ءبىر اۋىز ءسوز جوق.

قىسقاسى، كەلىسىم-شارت بار، ورىندايتىن مەمكومپانيا باسشىسى بار، قاراجات اۋدارىلعان.

سوڭى نە بولدى دەيسىز عوي؟ ءدال تاپتىڭىز: فيلم دە جوق، اقشا دا جوق... ارينە، بۇل ءىستى مەنەن گورى سول قۇجاتقا قول قويىپ، ءبىر "ليمون" دوللار بيۋدجەت اقشاسىن شەتەل اسىرعان نۇرتىلەۋ يمانعاليۇلى، كەيىننەن ونىڭ ورنىنا كەپ بىلىقتى بايقاماي اشىپ قويىپ، قايتا جاۋىپ ۇلگەرگەن داۋرەن ءابدىحاميتوۆ، ودان سوڭعى باسشى جاناي وماروۆ، "ارنا مەديا" اتتى ارالىق كومپانيانى باسقارعان ادامدار... جانە قاراجاتتىڭ اقش قا وتۋىنە تىكەلەي قاتىستى چينگيز كابيدين جانە وسى جاس ازاماتقا نىسپىسى تىم ۇقساس ەرمۇحامەد مىرزا كوبىرەك بىلەدى دەپ سەنەم...

قاسىم امانجولدىڭ facebook پاراقشاسىنان

Abai.kz