2019-2020 وقۋ جىلىندا  293 مەكتەپتە 162 684 وقۋشى ءبىلىم الۋدا. وقۋشىلار كونتينگەنتى 2018 جىلمەن سالىستىرعاندا 9000 وقۋشىعا كوبەيگەن.  ونىڭ ىشىندە، 1-سىنىپقا بارعان وقۋشىلار سانى 1500 ارتتى.

وبلىس اكىمدىگىنىڭ اپپاراتتىق ماجىلىسىندە جاڭا وقۋ جىلىنداعى مەكتەپتەردەگى وقۋ بارىسى تۋرالى وبلىستىق ءبىلىم باسقارماسىنىڭ  باسشىسى مايرا مەلدەبەكوۆا باياندادى.

«مەكتەپكە جول» اكتسيا اياسىندا الەۋمەتتىك كومەكتى قاجەت ەتەتىن 22 مىڭ بالاعا 332 ملن. تگ. قارجىعا كومەك كورسەتىلدى. مىندەتتى وقۋ قورى ەسەبىنەن 25 مىڭ وقۋشى ءبىر مەزگىل ىستىق تاماقپەن قامتىلدى. جالپى الەۋمەتتىك جاعدايىنا جانە باسقا دا سەبەپتەر بويىنشا مەكتەپكە بارماي وتىرعان بالالار تىركەلگەن جوق. بارلىق وقۋشىلار مەكتەپتەرگە تولىق ورنالاستى. وقۋ پروتسەسى  1-2 اۋىسىمدا جۇرگىزىلۋدە»،-دەدى م.مەلدەبەكوۆا.

ايتا كەتەيىك، الداعى 3 جىلدا  وقۋشىلار كونتينگەنتىنىڭ ءوسۋى كۇتىلۋدە. 2020 جىلى-171 200 (8440 وقۋشىعا), 2021 جىلى-177 044 ( 5900 وقۋشىعا), 2020 جىلى-183 500 (6400 وقۋشىعا).

بيىلعى وقۋ جىلىنان باستاپ قالاداعى №4, 12, 187, 217, 278 مەكتەپتەرگە IT-ليتسەي  ستاتۋسى بەرىلىپ، ينفورماتيكا جانە روبوتوتەحنيكا پاندەرىن تەرەڭدەتىپ وقىتۋدى باستادى.

قىزىلورداداعى №2 «مۇراگەر»، №3, 101, 261, 264, 268 مەكتەپتەردە وقۋشىلاردىڭ تىعىزدىعى  جوعارى،  باستاۋىش سىنىپتاردا ورتاشا 30-35 وقۋشىدان سىنىپ كومپلەكتىلەرى جاساقتالعان.

جاڭارتىلعان ءبىلىم بەرۋ مازمۇنىنا كوشكەن 4, 9, 10 سىنىپ وقۋشىلارى  وقۋلىقتارمەن تولىق قامتاماسىز ەتىلگەن.

كۇردەلى جوندەۋ بويىنشا قارماقشى، جالاعاش اۋداندارىنداعى  3 مەكتەپتىڭ وقۋ عيماراتىنىڭ ىشكى جۇمىستارى اياقتالىپ، 1 كىركۇيەك كۇنى ساباقتارى باستالدى. قوسىمشا عيماراتتىڭ جوندەۋ جۇمىستارى كەستەگە سايكەس جۇرگىزىلۋدە، قازان ايىندا تولىق اياقتالادى. وقۋشىلاردىڭ قاۋىپسىزدىگى تولىق قامتاماسىز ەتىلدى.   ارال اۋدانى، سەكسەۋىل كەنتىندەگى №231 ورتا مەكتەپتىڭ 100 ورىندىق قوسىمشا قۇرىلىسى پايدالانۋعا بەرىلدى.

سونىمەن قاتار، قىزىلوردا قالاسىنداعى №198, 261 مەكتەپتەردىڭ 350 ورىنعا ارنالعان قوسىمشا قۇرىلىستارى قازان ايىندا پايدالانۋعا بەرىلەدى.

«جاڭا وقۋ جىلىندا 1450 وقۋشىعا ارنالعان 3 جەكە مەكتەپ اشۋ جوسپارلانىپ، ونىڭ ەكەۋى قىركۇيەك ايىندا جۇمىسىن باستادى، ءبىرى قاراشا ايىندا اشىلادى. جالپى  مەكتەپتەردەگى وقۋ-تاربيە پروتسەسىنىڭ قالىپتى جۇرگىزىلۋ وبلىستىق ءبىلىم باسقارماسىنىڭ باقىلاۋىنا الىنعان»،-دەپ اتاپ ءوتتى م.مەلدەبەكوۆا.

Abai.kz