بۇگىندە قوعامدىق ءتارتىپتى قاداعالاۋ مەن قىلمىستاردىڭ الدىن الۋ ماڭىزدى ماسەلە. وسى تۇرعىدا كۇنى كەشە قىزىلوردا وبلىسى اكىمدىگى جانىنداعى قۇقىقبۇزۋشىلىق پروفيلاكتيكاسى جونىندەگى ۆەدومستۆوارالىق كوميسسيا وتىرىسى ءوتتى.

وعان ءوڭىر باسشىسى قۋانىشبەك ىسقاقوۆ قاتىسىپ، وڭىردە اتقارىلىپ جاتقان ءىس-شارالارمەن تانىستى.

كۇن تارتىبىندە وبلىس كولەمىندە الاياقتىق قىلمىسىنىڭ الدىن الۋ شارالارى، قازاقستان رەسپۋبليكاسىنىڭ قۇقىقبۇزۋشىلىق پروفيلاكتيكاسىنىڭ 2017-2019 جىلدارعا ارنالعان كەشەندى جوسپارىنىڭ ورىندالۋى جانە قۇقىقبۇزۋشىلىق پروفيلاكتيكاسى جونىندەگى 2020-2022 جىلدارعا ارنالعان كەشەندى جوسپاردىڭ جوباسى ماسەلەلەرى قارالدى.

وبلىس كولەمىندە الاياقتىق قىلمىسىنىڭ الدىن الۋ شارالارى تۋرالى قىزىلوردا وبلىسىنىڭ پوليتسيا دەپارتامەنتى باستىعىنىڭ ورىنباسارى س.ح.شالحاروۆ باياندادى.

-2019 جىلدىڭ 8 ايىندا قىزىلوردا وبلىسى بويىنشا 568 الاياقتىق قىلمىستارى تىركەلگەن. پوليتسيا ورگاندارى قىزمەتكەرلەرىمەن جۇرگىزىلگەن جەدەل-ىزدەستىرۋ شارالارى ناتيجەسىندە اتالعان قىلمىستىڭ 80 پايىزى نەمەسە 322 اشىلىپ، قىلمىسكەرلەرگە قاتىستى ءتيىستى شارالار قولدانىلدى. اعىمداعى جىلدىڭ 8 ايىندا الاياقتىق جاساعانى ءۇشىن 195 ادام ۇستالىپ، 101 قاتىستى قىلمىستىق ءىس ايىپتاۋ قورىتىندىسىمەن سوتقا جولدانسا، 94 قاتىستى ەكى جاقتىڭ ىمىرالاسۋىنا بايلانىستى قىلمىستىق ءىس قىسقارتىلعان,-دەدى س.شالحاروۆ.

تىركەلگەن الاياقتىق قىلمىستارى: قارىزعا اقشا الىپ قايتارماعاندار - 61, نەسيە الۋعا كومەكتەسەمىن دەگەندەر - 28, كەزەكسىز جەر الىپ بەرەمىن دەگەندەر - 4, كەزەكتەن تىس پاتەر الىپ بەرەمىن - 60, ينتەرنەت جەلىسى نەمەسە ۇيالى تەلەفون ارقىلى سەنىمگە كىرىپ، ەسەپ شوتىنا اقشا سالدىرعاندار سانى -139. وسى قىلمىستاردى جاساعان كۇدىكتىلەردىڭ 133-ايەل، 62-ەر ازاماتتار.

الاياقتىق قىلمىسىنىڭ اشىلماي قالۋىنىڭ بىرنەشە سەبەپتەرى: ءبىرىنشى، جابىرلەنۋشىلەردىڭ كەش ارىزدانۋى. اعىمداعى جىلدىڭ 8 ايىندا الاياقتىق قىلمىسى بويىنشا 241 ازامات قۇزىرلى ورگاندارعا كەش ارىزدانعان. ياعني، 1 جىلدان اسا ۋاقىتتا - 68, 3 جىلدان اسا ۋاقىتتا - 35, 5 جىلدان كەيىن - 10.

ەكىنشىدەن، الەۋمەتتىك جەلى ارقىلى بەرىلگەن جارناماداعى زاتقا الدىن الا تولەم جاساۋدى نەمەسە ۇيالى تەلەفون ارقىلى باسقا قالادا جۇرگەن بالاسىن نەمەسە باۋىرىن قىلمىستىق جاۋاپكەرشىلىكتەن بوساتۋ ءۇشىن دەپ اقشا سۇراعاندارعا الدانىپ، بەيتانىس ادامنىڭ شوتىنا اقشا اۋدارادى (كيۆي كوشەلەك، ولح جارناماسى جانە ت.ب.).

ۇشىنشىدەن، كاسىپكەرلەردىڭ، جەكە تۇلعالاردىڭ اراسىندا ەكى جاقپەن جاسالعان كەلىسىمشارتتىڭ نەگىزىندە ساتىلعان زاتتىڭ قاراجاتى ۋاقىتىلى قايتارىلماي، قۇزىرلى ورگاندارعا الاياقتىق جايىندا ارىزدانادى.
قازاقستان رەسپۋبليكاسىنىڭ قۇقىقبۇزۋشىلىق پروفيلاكتيكاسىنىڭ 2017-2019 جىلدارعا ارنالعان كەشەندى جوسپارىنىڭ ورىندالۋى تۋرالى وبلىس اكىمى اپپاراتى باسشىسىنىڭ ورىنباسارى س.ە. شوتاەۆ باياندادى.

«قازاقستان رەسپۋبليكاسىنىڭ ۇكىمەتى جانىنداعى قۇقىقبۇزۋشىلىق پروفيلاكتيكاسى جونىندەگى ۆەدومستۆوارالىق كوميسسيانىڭ 27.04.2017 ج. № 23-6/07-575 حاتتاماسىنىڭ 2.1-تارماعىنا سايكەس «قر قۇقىقبۇزۋشىلىق پروفيلاكتيكاسىنىڭ 2017-2019 جىلدارعا ارنالعان كەشەندى جوسپارىنىڭ» نەگىزىندە، جوسپاردىڭ ىسكە اسىرىلۋىن قامتاماسىز ەتۋ ءۇشىن وسىعان ۇقساس قىزىلوردا وبلىسىنداعى قۇقىق بۇزۋشىلىقتار پروفيلاكتيكاسىنىڭ 2017 - 2019 جىلدارعا ارنالعان كەشەندى جوسپارى قىزىلوردا وبلىسى اكىمىنىڭ 12.06.2017 ج. № 13-11/3740 قۇجاتىمەن بەكىتىلدى. قىزىلوردا وبلىسى اكىمىنىڭ اپپاراتىمەن كەشەندى جوسپاردىڭ ورىندالۋى باقىلاۋعا الىنعان جانە وعان تۇراقتى مونيتورينگ جۇرگىزىلۋدە»،-دەدى س.شوتاەۆ.

قۇقىقبۇزۋشىلىق پروفيلاكتيكاسى جونىندەگى 2020-2022 جىلدارعا ارنالعان كەشەندى جوسپاردىڭ جوباسى تۋرالى قىزىلوردا وبلىسىنىڭ پوليتسيا دەپارتامەنتى باستىعىنىڭ ءبىرىنشى ورىنباسارى ش.ە.اميتوۆ باياندادى.
قر پرەزيدەنتىنىڭ № 27 جارلىعىمەن بەكىتىلگەن «قازاقستان رەسپۋبليكاسى پرەزيدەنتىنىڭ «يگىلىك بارشاعا! ساباقتاستىق. ادىلدىك. ورلەۋ» سايلاۋالدى باعدارلاماسىن جانە «بىرگە» جالپىۇلتتىق اكتسياسى بارىسىندا الىنعان ۇسىنىستاردى ىسكە اسىرۋ جونىندەگى ءىس-قيمىل جوسپارىنىڭ 8-تارماعىنا جانە قر ۇكىمەتى جانىنداعى قۇقىقبۇزۋشىلىق پروفيلاكتيكاسى جونىندەگى ۆەدومستۆوارالىق كوميسسيا وتىرىسىنىڭ 01.08.2019 ج. № 23-3/07-760 حاتتاماسىنا سايكەس «قۇقىقبۇزۋشىلىق پروفيلاكتيكاسى جونىندەگى 2020-2022 جىلدارعا ارنالعان كەشەندى جوسپاردىڭ جوباسى» ازىرلەنگەن.

كەشەندى جوسپاردى ازىرلەۋ جانە ىسكە اسىرۋ قاجەتتىلىگى قۇقىقبۇزۋشىلىقتىڭ الدىن الۋ، مۇلدەم توزبەۋشىلىك قاعيداتىن قالىپتاستىرۋ، بۇلتارتپاۋ شاراسىنا كەشەندى جانە جۇيەلى تۇردە كەلۋ باعىتىندا تۋىنداعان.

Abai.kz