قازاقستاندا ەلباسى نۇرسۇلتان نازارباەۆتىڭ باستاماسىمەن قۇرىلعان قازاقستان حالقى اسسامبلەياسى ۇيىمى بار. بۇگىندە اتالعان ۇيىم ءار وڭىردە جۇمىس ىستەپ كەلەدى. ال، بۇگىن قىزىلوردادا «دوستىق ۇيىندە» وبلىستىق اسسامبلەيانىڭ ءححىى سەسسياسى ءوتتى.

وندا قازاقستان حالقى وبلىستىق اسسامبلەيا حاتشىلىعىنىڭ اتقارعان جۇمىستارى مەن الداعى جوسپارى، سونداي-اق، ايماقتىڭ الەۋمەتتىك-ەكونوميكالىق دامۋى تۋرالى ايتىلدى.

ءساۋىر ايىندا تۇڭعىش پرەزيدەنت-ەلباسى، قازاقستان حالقى اسسامبلەياسىنىڭ توراعاسى نۇرسۇلتان ءابىشۇلى نازارباەۆتىڭ توراعالىعىمەن «تاتۋلىق پەن كەلىسىم فورمۋلاسى: بىرلىك جانە جاڭعىرۋ» كۇن تارتىبىمەن قازاقستان حالقى اسسامبلەياسىنىڭ ءXXVIى سەسسياسى وتكەن ەدى.

«سەسسيا جۇمىسى بارىسىندا ەلباسى «قۇبىلمالى الەمدە ءبىر عانا ماڭگى ءارى كەشەندى قۇندىلىق بار. ول – قوعامنىڭ بىرلىگى مەن ۇلتارالىق كەلىسىم» ەكەنىن ايتتى. سونداي-اق، قازاقستان قوعامىنداعى تۇراقتىلىقتى ساقتاۋ ءۇشىن بارلىق تەتىكتەردىڭ قالىپتى ءارى ءتيىمدى جۇمىسىن قامتاماسىز ەتۋدى تاپسىرعان بولاتىن. قازىرگى تاڭدا سىر وڭىرىندە ەلباسىنىڭ تاپسىرمالارى جۇزەگە اسىپ، تولىمدى ىستەر اتقارىلىپ جاتىر»،-دەدى ايماق باسشىسى سەسيانىڭ اشىلۋ سالتاناتىندا.

ەستەرىڭىزگە سالايىق، «قىزىلوردا وبلىسىن الەۋمەتتىك-ەكونوميكالىق دامىتۋدىڭ 2019-2022 جىلدارعا ارنالىپ ازىرلەنگەن كەشەندى جوسپارى» اعىمداعى جىلدىڭ 28 مامىر كۇنى ۇكىمەت ماجىلىسىنە ۇسىنىلىپ، جان-جاقتى تالقىلانىپ، بەكىتىلدى.
كەشەندى جوسپاردىڭ نەگىزگى باعىتتارى ونەركاسىپ، «بايقوڭىر» كەشەنىندە ارنايى ەكونوميكالىق ايماق قۇرۋ، اگروونەركاسىپتىك كەشەن، كاسىپكەرلىكتى دامىتۋ، تۇرعىن ءۇي-كوممۋنالدىق شارۋاشىلىعى، ەكولوگيا، سۋ شارۋاشىلىعىنىڭ احۋالى، الەۋمەتتىك سالا مەن قىزىلوردا قالاسىنىڭ باس جوسپارىن قامتيدى.

«كەشەندى جوسپاردى ىسكە اسىرۋ ناتيجەسىندە جالپى وڭىرلىك ءونىم كولەمى 2 ترلن 62 ملرد تەڭگەگە دەيىن ۇلعايتىلاتىن بولادى. سونىمەن بىرگە، الدىمىزدا مەملەكەت باسشىسىنىڭ ايقىنداپ بەرگەن ەل قاجەتىنە باعىتتالعان، ەل مۇددەسىنە قىزمەت ەتەتىن 10 تارماقتان تۇراتىن مەجەلى مىندەت بار»،-دەپ اتاپ ءوتتى وبلىس اكىمى.
ەكونوميكاعا تارتىلعان ينۆەستيتسيا، قۇرىلىس، تۇرعىن ءۇيدى پايدالانۋعا بەرۋ كولەمى بويىنشا جانە اۋىل شارۋاشىلىعىندا دا ءوسىم قامتاماسىز ەتىلدى. وبلىستىڭ ەكونوميكالىق دامۋىنداعى وسىمگە قول جەتكىزۋ ءۇشىن ايماق ەكونوميكاسىن يندۋستريالاندىرۋ ارقىلى ءارتاراپتاندىرۋ ستراتەگياسى جۇزەگە اسىرىلۋدا.

وسى رەتتە "قاراپايىم زاتتار ەكونوميكاسى" باعدارلاماسى اياسىندا جالپى قۇنى 12,6 ملرد. تەڭگە بولاتىن 124 جوبانى جۇزەگە اسىرۋ بويىنشا جۇمىستار اتقارىلىپ جاتقانىن اتاپ وتكەن ءجون.
سونداي-اق، سىر وڭىرىندە 2018 جىلى جاپپاي كاسىپكەرلىكتى دامىتۋدىڭ ۇشجىلدىعى جاريالاندى. وسىلايشا، شاعىن جانە ورتا بيزنەستى دامىتۋ قولعا الىندى.
تەك، سوڭعى التى جىلدا تۇرعىن ءۇيدى پايدالانۋعا بەرۋ كولەمى 2,5 ەسەگە ارتىپ وتىر. وسى ۋاقىت ارالىعىندا قىزىلوردا قالاسىنىڭ وزىندە جاڭا 10 مولتەك اۋدان، 5 تۇرعىن ءۇي كەشەنى، 361 تۇرعىن ءۇي پايدالانۋعا بەرىلىپ، 8 مىڭعا جۋىق ادام باسپانالى بولدى.

ونىڭ ىشىندە، «بالامەكەن» جوباسى شەڭبەرىندە «بولات وتەمۇراتوۆ قورى» ەسەبىنەن اعىمداعى جىلى 100 ءۇي پايدالانۋعا بەرىلدى. بۇل جۇمىستارعا قور ەسەبىنەن 450 ملن.تەڭگە ءبولىندى.
سونىمەن قاتار، سىرداريانىڭ سول جاعالاۋىندا ساۋلەتى مەن داۋلەتى كەلىسكەن جاڭا قالا بوي تۇزەپ كەلەدى.
قازاقستان حالقى اسسامبلەياسى بۇگىن دە قوعامدىق كەلىسىم مەن ۇلتتىق بىرلىكتىڭ ۇيىتقىسىنا اينالدى. اسسامبلەيا قۇرىلعان كۇنىنەن باستاپ 24 جىلدان استام ۋاقىت بويى تاريح، مادەنيەت جانە ءتىل ورتاقتىعىن دامىتۋدا قىزمەت ەتىپ كەلەدى.

وبلىستىق قازاقستان حالقى اسسامبلەياسىنىڭ باستاماسىمەن ءارتۇرلى فورماتتاعى 96 ءىس-شارا وتكىزىلگەن. ماسەلەن، اسسامبلەيانىڭ باستاماسىمەن وڭىردە "قازاقتانۋ" رەسپۋبليكالىق مادەني-اعارتۋشىلىق جوباسى ۇيىمداستىرىلدى. ايتا كەتۋ كەرەك، بۇل جوبا قىزىلوردا وبلىسىنان باستاۋ الدى.
سونداي-اق، اسسامبلەياسىنىڭ قولداۋىمەن بايقوڭىر قالاسى اكىمشىلىگىنىڭ ۇيىمداستىرۋىمەن "حالىقتار دوستىعى" ۇلتتىق مادەني فەستيۆالى ءوتتى.

قازاقستان حالقى وبلىستىق اسسامبلەيا حاتشىلىعى ءوز قىزمەتىن بىرنەشە باعىتتا جۇزەگە اسىرۋدا. اتاپ ايتقاندا، وبلىستىق ەتنومادەني جانە اۋداندىق ەتنو بىرلەستىكتەر، قوعامدىق كەلىسىم جانە انالار كەڭەستەرى، جاستار قاناتى جانە اسسامبلەيا جانىنداعى دەپۋتاتتىق توپ، "قازاقستان حالقى اسسامبلەياسى" كافەدراسى جانە عىلىمي-ساراپتامالىق توپ، قايىرىمدىلىق، مەدياتسيا.
قىزىلوردا وبلىسىندا XXI سەسسيادا بەرىلگەن تاپسىرمالارعا سايكەس اۋدان ورتالىقتارىندا مەتسەناتتاردى تارتۋ بويىنشا جۇمىستار جۇرگىزىلۋدە. جىل باسىنان بەرى مەتسەناتتاردىڭ قولداۋىمەن 798 قايىرىمدىلىق ءىس-شارا ۇيىمداستىرىلىپ، 24 794 ادامعا 270 ملن.809 مىڭ تەڭگەگە كومەك كورسەتىلدى.

وڭىردە وبلىستىق، 2 قالالىق، 7 اۋداندىق جانە 155 كەنتتىك جانە اۋىلدىق قوعامدىق كەلىسىم كەڭەسى جۇمىس ىستەيدى. ولار اسسامبلەيا وتىرىستارىندا جەرگىلىكتى حالىقتى تولعاندىراتىن وزەكتى ماسەلەلەردى قاراستىرا وتىرىپ، قوعامدىق باقىلاۋ قىزمەتتەرىن ورىندايدى.

«وبلىستىق قازاقستان حالقى اسسامبلەياسىنىڭ حاتشىلىعى مەن وبلىس اكىمى اپپاراتىنىڭ "قوعامدىق كەلىسىم" كوممۋنالدىق مەملەكەتتىك مەكەمەسى ەتنومادەني بىرلەستىكتەرگە ۇيىمداستىرۋشىلىق جانە ادىستەمەلىك كومەك كورسەتىپ، تۇراقتى قولداۋ كورسەتۋى قاجەت. ءوز تاراپىنان وبلىس اكىمدىگى وبلىستىق قازاقستان حالقى اسسامبلەياسىنىڭ، دوستىق ءۇيىنىڭ ماتەريالدىق-تەحنيكالىق بازاسىن نىعايتۋعا، قوعامدا بەيبىتشىلىك پەن كەلىسىمدى قامتاماسىز ەتۋگە باعىتتالعان ءىس-شارالار مەن جوبالاردى وتكىزۋگە قارجى بولۋگە ءتيىستى قولداۋ كورسەتەتىن بولادى. سونداي-اق، 2020 جىلى قازاقستان حالقى اسسامبلەياسى ءوزىنىڭ 25 جىلدىعىن اتاپ وتەدى. وسى مەرەيتويعا وراي ايماقتىڭ باستى سىيلىعى يگى ىستەرىمىز بەن جەتىستىكتەرىمىز بولۋى كەرەك»،-دەدى ايماق باسشىسى قۋانىشبەك ىسقاقوۆ.

سەسسيا بارىسىندا وبلىس اكىمى اپپاراتى جانىنداعى «قوعامدىق كەلىسىم» كمم ديرەكتورىنىڭ ورىنباسارى اسىلبەك تەڭەلۇلىن 70 جاس مەرەيتويىنا وراي ايماق باسشىسى قۇتتىقتاپ، «قۇرمەت گراموتاسىن» تابىستادى. سونىمەن قاتار، ەتنومادەني بىرلەستىكتەردىڭ جانە وبلىستىق اسسامبلەيا جانىنداعى «جاڭعىرۋ جولى» جاستار قوزعالىسىنىڭ بەلسەندىلەرى وبلىس اكىمىنىڭ العىس حاتىمەن ماراپاتتالدى.

وبلىستىق اسسامبلەيانىڭ ءححىى سەسسياسىنىڭ قورىتىندىسىمەن وبلىس اكىمى وڭىرلىك «رۋحاني جاڭعىرۋ» ورتالىعى مەن قورقىت اتا اتىنداعى قىزىلوردا مەملەكەتتىك ۋنيۆەرسيتەتى وبلىستىق قازاقستان حالقى اسسامبلەياسىمەن بىرلەسە وتىرىپ قازاق مادەنيەتىن، تاريحىن، فيلوسوفياسىن، قازاق ەلىنىڭ قۇندىلىقتارىن ناسيحاتتاۋعا باعىتتالعان «قازاقتانۋ» مادەني-اعارتۋ جوباسىن ءارى قاراي جالعاستىرۋدى، قىزىلوردا قالاسى جانە اۋدان اكىمدەرى ەتنوباعىتتاعى قوعامدىق بىرلەستىكتەر مەن قوعامدىق كەلىسىم كەڭەستەرىن قولداۋ ماقساتىندا مەملەكەتتىك الەۋمەتتىك تاپسىرىس ارقىلى قارجىلاندىرۋدى تاپسىردى.

Abai.kz