"اقش-تىڭ ۇلتتىق قاۋىپسىزدىگىن قورعاۋىمىز كەرەك. پرەزيدەنتتىڭ باسقا مەملەكەت باسشىلارىمەن اڭگىمەسىندە، اسىرەسە ترامپ "سايلاۋ كامپانياسى كەزىندە پايداسى تيەر" دەپ ويلاعان ۆلاديمير پۋتينمەن سويلەسكەندە ۇلتتىق قاۋىپسىزدىگىمىزگە قاتەر ءتوندىردى مە، جوق پا - انىقتاۋىمىز قاجەت" دەدى شيفف.
ادام ءشيففتىڭ كوميتەتى قازىر ارناۋلى قىزمەت وكىلىنىڭ شاعىمىن قاراپ جاتىر. شاعىمدا شىلدەدەگى تەلەفون اڭگىمەسى كەزىندە ترامپتىڭ ۋكراينا پرەزيدەنتى ۆلاديمير زەلەنسكيدەن بۇرىنعى ۆيتسە-پرەزيدەنت دجو بايدەن مەن ونىڭ ۇلى حانتەر بايدەننىڭ ۇستىنەن ءىس قوزعاۋدى سۇراعانى ايتىلادى. ترامپ بايدەننىڭ جەمقورلىققا قاتىسى بولۋى مۇمكىن ەكەنىن ايتقان.
تەلەفون اڭگىمەسىنىڭ مازمۇنى بەلگىلى بولعان سوڭ كونگرەستىڭ وكىلدەر پالاتاسى "ترامپ وكىلەتىن اسىرا پايدالاندى" دەپ ايىپتاپ، پرەزيدەنتكە يمپيچمەنت جاريالاۋ بويىنشا زەرتتەۋ باستادى. ترامپ بارلىق ايىپتاۋدى نەگىزسىز دەپ سانايدى. ۋكراينا پرەزيدەنتى زەلەنسكي دە "ترامپ قىسىم جاسادى" دەگەن بولجامدى جوققا شىعارادى.
رەسەيدىڭ سىرتقى ىستەر ءمينيسترى سەرگەي لاۆروۆ 27 قىركۇيەكتە "ترامپتىڭ پۋتينمەن اڭگىمەسىن جاريالاۋى ورىنسىز بولار ەدى" دەپ مالىمدەدى. رەسەي سىرتقى ىستەر مينيسترلىگىنىڭ وكىلى ماريا زاحاروۆا "ترامپ پەن زەلەنسكي اڭگىمەسىنەن سوڭ ۆاشينگتونعا حابارلاسىپ، كەلىسسوز جۇرگىزۋ قاۋىپتى بولىپ كەتتى" دەدى.
بۇعان دەيىن امەريكالىق باسىلىمدار اقش بيلىگى پرەزيدەنت دونالد ترامپتىڭ پۋتينمەن، ساۋد ارابياسىنىڭ تاق مۇراگەرى مۋحاممەد بين سالمانمەن اڭگىمەسىن جازۋعا شەكتەۋ قويىپ كەلگەنىن حابارلاعان.
Abai.kz
