مەملەكەتتەردىڭ ءار-ءتۇرلى فورماسى بولادى. سولاردىڭ ىشىندە زايىرلى جانە كلەريكالدى مەملەكەتتەر.

كلەريكالدى مەملەكەت دەگەنىمىز ەل باسقارۋ فورماسىندا بەلگىلى ءبىر ءدىننىڭ كوشباسشىلىق ەتۋى. ادەتتە، ونداي ەلدەردىڭ كونستيتۋتسياسىندا ءدىننىڭ باسقارۋ كۇشى ناقتى ايقىندالادى. كلەريكالدى مەملەكەتتەر قاتارىنا ۆاتيكان، ساۋد ارابياسى، يران ءتارىزدى مەملەكەتتەردى قوسۋعا بولادى. بۇل ەلدەردە ءدىن وكىلدەرى مەملەكەت باسقارۋعا ارالاسىپ، ەلدىڭ قوعامدىق- ساياسي بولمىسىن انىقتاپ وتىرادى.

ال، قازاقستان زايىرلى مەملەكەت. ءدىن مەملەكەتتەن كونستيتۋتسياعا سايكەس بولىنگەن. كونستيتۋتسيانىڭ 1-بابىنا سايكەس قازاقستان زايىرلى مەملەكەت.
مەملەكەتتىك ورگاندار ءوزىنىڭ قىزمەتىن ءىس-جۇزىنە اسىرعاندا، وسى باپتى باسشىلىققا الۋى مىندەت.

وسى ماسەلەنى مەملەكەت جانە قوعام ارقاشان ءجىتى باقىلاپ وتىرۋى قاجەت. زاڭنان تىس ادام، توپ، قوعامداستىق بولماۋى كەرەك.

قانداي دا بولماسىن ءدىني اعىمدار مەملەكەتتىڭ جۇمىسىنا ارالاسۋعا قۇقى جوق. زاڭدى قولداناتىن ورگاندار ءۇشىن بۇل اكسيوما.

ەرلان سايروۆتىڭ جازباسى

Abai.kz