جۇما, 29 ناۋرىز 2024
2352 0 پىكىر 17 قازان, 2019 ساعات 10:30

مەملەكەت باسشىسى كورەيا رەسپۋبليكاسىنىڭ سىرتقى ىستەر ءمينيسترىن قابىلدادى

مەملەكەت باسشىسى كورەيا رەسپۋبليكاسىنىڭ سىرتقى ىستەر ءمينيسترى كان گيون حۆانى قابىلدادى.

قازاقستان پرەزيدەنتى قاسىم-جومارت توقاەۆ نۇر-سۇلتان قالاسىندا ءوتىپ جاتقان «ورتالىق ازيا – كورەيا رەسپۋبليكاسى» فورۋمىنىڭ 12-وتىرىسىنا قاتىسۋعا كەلگەن كورەيا رەسپۋبليكاسىنىڭ سىرتقى ىستەر ءمينيسترى كان گيون حۆانى قابىلدادى.

تاراپتار ەكىجاقتى ستراتەگيالىق سەرىكتەستىكتىڭ قازىرگى احۋالى مەن پەرسپەكتيۆاسى، سونداي-اق، جوعارى دەڭگەيدە جاسالعان ۋاعدالاستىقتاردىڭ جۇزەگە اسىرىلۋ بارىسى جايىندا پىكىر الماستى.

مەملەكەت باسشىسى قازاقستان مەن وڭتۇستىك كورەيا اراسىنداعى ساۋدا-ينۆەستيتسيالىق جانە تەحنولوگيالىق قارىم-قاتىناستاردىڭ، سونىمەن قاتار، مادەني-گۋمانيتارلىق بايلانىستاردىڭ قارقىنى جوعارى ەكەنىن اتاپ ءوتتى.

– پرەزيدەنت مۋن چجە ءيننىڭ ءساۋىر ايىنداعى ساپارى وتە جەمىستى بولدى. ساپار بارىسىندا قول قويىلعان «سامال جەل» باعدارلاماسى ەكى ەل اراسىنداعى ىنتىماقتاستىقتىڭ دامۋىنا تىڭ سەرپىن بەرەدى دەپ سانايمىز. ءبىز ەكونوميكا جانە بيزنەس سالالارى بويىنشا ىقپالداستىقتى ودان ءارى ارتتىرا بەرۋگە نيەتتىمىز،– دەدى قاسىم-جومارت توقاەۆ.

ءوز كەزەگىندە وڭتۇستىك كورەيالىق ديپلومات ءوز ەلىنىڭ پرەزيدەنتى مۋن چجە ءيننىڭ سالەمىن جەتكىزىپ، قازاقستانمەن سەرىكتەستىكتى ەكىجاقتى، سونداي-اق، وڭىرلىك نەگىزدە دە ءارى قاراي دامىتۋعا دايىن ەكەندەرىن راستادى.

– كەلەسى جىلى ءبىزدىڭ ەلىمىزگە جاسايتىن ساپارىڭىزدى اسىعا كۇتەمىز. ءبىزدىڭ پرەزيدەنتىمىزدىڭ قازاقستانعا جاساعان ساپارىنىڭ ناتيجەسى وتە جەمىستى بولدى. وسى ساپار اياسىندا قول جەتكىزىلگەن ۋاعدالاستىقتار ءوزارا ىقپالداستىقتى ودان ءارى نىعايتۋدىڭ ناقتى باعىتتارىن ايقىندادى. ونى ەكى مەملەكەتتىڭ ءتيىستى ورگاندارى ءساتتى ىسكە اسىرىپ جاتىر. بارلىق ماسەلە ءوز جولىمەن دامۋدا. ءسىزدىڭ وڭتۇستىك كورەياعا جاسايتىن ساپارىڭىز ىنتىماقتاستىعىمىزدىڭ جاڭا كوكجيەكتەرىن اشادى دەپ سەنەمىز جانە ول ءۇشىن بارلىق كۇش-جىگەرىمىزدى جۇمسايمىز،– دەدى كان گيون حۆا.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607