• اقىلدى ادام جالعىزدىققا قۇمار ەمەس، ول تەك اقىماقتاردىڭ ىردۋ-دىردۋىنان بويىن اۋلاق سالۋعا ۇمتىلادى.

• جاستىق شاقپەن ولشەسەڭ – ءومىر ماڭگىلىككە سوزىلاتىن كەلەشەك، قارتتىقپەن ولشەسەڭ – زىمىراپ وتە شىققان وتكەن شاق.

• حايۋانعا قاتىگەزدىك كورسەتكەن جان ادامعا مەيىرىم كورسەتە الماس.

• ءبىر عانا ءتۋابىتتى قاتەلىك بار – ءبىز باقىتتى بولۋ ءۇشىن جارالعانبىز دەگەن سەنىم.

• «مەن مۇنى وزگەرتە المايمىن، ەندەشە بۇدان ساباق الۋىم كەرەك» دەگەندى ىشتەي ءجيى قايتالاپ ۇيرەنگەن ابزال.

• اينالاڭداعى ناداندىقپەن كۇرەسە المايسىڭ. بىراق تەككە الاڭ بولماڭىز، سازعا تۇسكەن تاس تەز باتىپ كەتەدى.

• ايەلسىز كۇنىڭ: باسىندا – قورعانسىز، ورتاسىندا – راحاتسىز، سوڭىندا – جۇبانىشسىز بولماق.

• ورتاڭقول سانا ۋاقىتتى قالاي ولتىرسەك دەپ ۋايىمدايدى. دارىندى ادام ۋاقىتتى قالاي جەتكىزسەك دەپ الاڭدايدى.

• ليحتەنبەرگ: «باس پەن كىتاپ سوعىلسا، ىلعي كىتاپتىڭ عانا دىبىسى شىعا ما؟» دەگەندى قالاي عانا بايقاعان...

• كىم جالعىزدىقتى جاقسى كورمەسە، سول ەركىندىكتى سۇيمەيدى. ويتكەنى، تەك جالعىزدىقتا ەركىن بولۋعا بولادى.

• ادام باقىتتى بولۋى ءۇشىن قالتاسىنداعى بايلىعى ەمەس، بويىنداعى قاسيەتى ماڭىزدىراق.

• ءار ادامدى تىڭداۋعا بولادى. بىراق اربىرىمەن سويلەسۋ مىندەت ەمەس.

• بايلىق تۇزدى سۋ سياقتى. ىشكەن سايىن شولدەي تۇسەسىڭ. اتاق تا سونداي.

• كەيدە ءبىر جەردى ساعىنعان سياقتى بولاسىڭ. ال، شىن مانىندە سول جەردە وتكىزگەن جاستىق شاعىڭدى ساعىناسىڭ. وسىلاي ۋاقىت كەڭىستىك بەتپەردەسىن كيىپ الدايدى...

• اۋزىن قۋ شوپپەن سۇرتەتىن جارىمەس ماقتانۋعا دىم تاپپاعاندىقتاندا قاي ۇلتتىڭ ۇلى ەكەنىن ايتىپ ماقتانادى.

• وزگەنىڭ ابىرويى مەن جەتىستىگىن ەركىن ءارى لايىقتى باعالاۋ ءۇشىن ءوزىڭنىڭ دە ارلى بولۋىڭ شارت.

• ادامدار تاعدىر دەپ اتايتىن قۇبىلىس شىن مانىندە وزدەرى جاساعان اقىماقتىقتىڭ جيىنتىعى عانا.

• دانانىڭ ءسوزى جاي ادامنىڭ سۇزگىسىنە شىداس بەرمەيدى.
• ءار بالا بەلگىلى ءبىر دەڭگەيدە دانا، ءار دانا بەلگىلى ءبىر دەڭگەيدە بالا.

• دۇشپانىڭ بىلمەۋگە ءتيىستىنى دوسىڭا ايتپا.

• ادامزات بالاسىنىڭ دامۋىن تەجەپ كەلە جاتقان بىردەن ءبىر سەبەپ، ادامدار اقىلدىلاردى ەمەس، ايعايشىلاردى كوبىرەك تىڭدايدى.

• الەم – بەيداۋا دەرتكە شالدىققانداردىڭ اۋرۋحاناسى.

(ارتۋر شوپەنگاۋەردىڭ قاناتتى سوزدەرىن اۋدارعان شىنار ءابىلدا)

شىنار ءابىلدانىڭ facebook پاراقشاسىنان

Abai.kz