بەيسەنبى, 20 اقپان 2020
46 - ءسوز 1951 2 پىكىر 22 قاڭتار, 2020 ساعات 13:33

شىندىقتىڭ جانازاسى...

(بۇگiنگi ساتيرا)

قازاقستاندا شىندىق قايتىس بولدى. قاشان؟ كەشە اتىپ كەتتi... جانازاعا جاعىمپازدار مينيسترi, نامىسسىزدار مينيسترi, وتiرiك مينيسترi, مافيا مينيسترi, تاققۇمارلار مەن باققۇمارلار، ءارتiس-دەپۋتاتتار، كلاندار مەن جىلاندار كەلدi.

حالىق كوپ جينالدى.

– شىندىقسىز قالاي ەل بولامىز؟ —دەپ وتiرiك مينيسترi قورسىلداپ جىلادى...

– تالاي سوراقىنى حالىقتان جاسىرىپ ەدiك، سونىڭ ءبارiن شىندىق جارياعا جار سالىپ ءجۇرۋشi ەدi, ەندi قايتتiك؟ — دەپ جاعىمپازدار مينيسترi وتiرiك مينيسترiن جاعىمپازدانا قۇشاقتاپ، سۇق ساۋساعىمەن تiلiن جالاپ-جالاپ الىپ، كوزiنiڭ اينالاسىن سۋلاپ قويدى...

– حوش، شىندىق اعا!

– توپىراعىڭ تورقا بولسىن!

مولدا شىندىقتىڭ جانازاسىن شىعارا باستادى. ءنوپiر حالىقتىڭ الدىنا شىققان وتiرiك مينيسترi, جاعىمپازدار مينيسترi, مافيا مينيسترi مەن نامىسسىزدار مينيسترi قازداي تiزiلiپ، ءبارi پورتفەلدەرiن قولتىقتارىنا قىسىپ الىپ، شiرەنiپ تۇرا قالىستى. باستارىن تومەن سالبىراتىپ تۇرۋدىڭ ورنىنا، قاسقايىپ، شالقايىپ كەتتi... تاپ بiر ەشۋاقىتتا ولمەيتiندەي... مولدا شىندىقتىڭ جانازاسىن شىعارىپ جاتىر، انە ەكi قولىن قۇلاقتارىنا اپاردى. و، توبا، مافيا مينيسترi پيستولەتiن شىعارىپ، سونىسىمەن قۇلاعىن قاسىدى. وتiرiك مينيسترi الدەكiمگە ۇيالى تەلەفونىمەن وتiرiك اقپارات بەرiپ جاتتى...
بiر كەزدە مولدا باسىن وڭ جاققا، سونان كەيiن سول جاققا قيسايتىپ ەدi, الگiلەردiڭ مويىندارى بۇرىلماي قالدى. شىندىققا بۇرىلمايتىن مويىندار عوي...

– ۋا، ەلiمiزدiڭ قايماقتارى مەن جايماقتارى! — دەدi مولدا جانازاعا جيىلعان ەلگە قاراپ، – شىندىق قانداي ادام ەدi?

– موششنىي ادام ەدi! — دەدi شالا قازاق بiرەۋ.

– ايتقانى “توچنىي” ەدi! — دەدi الىستاۋ تۇرىپ، اۋزىن باسا قويعان جالتاق دەگەن اقساقال.

– وتiرiك ايتپاڭدار! — دەپ قالدى وتiرiك مينيسترi گالستۋگىن قوزعاپ قويىپ.

– ءيا، ءيا، جاقسى ادام!

– قىلدا نەسi بار دەسەيشi, iشi پىسىپ، قارا قىلدى قاق جارىپ وتىرۋشى ەدi, جارىق­تىق...

– ايتاتىنى “اققا قۇداي جاق”...

– تالاي ساياسي قىلمىستاردىڭ بەتiن اشىپ، كوپ ەڭبەك ەتتi حالىققا...

– بiز ءبارiمiز ماسكا كيiپ العانبىز عوي، سول ماسكامىزدى جۇلىپ الىپ...

مولدا تاماعىن كەنەدi:

– شىندىقتىڭ سiزدەرگە قارىزى بار ما ەدi? بار بولسا، ايتىڭىزدار. ءوزi جوق بولسا دا، مۇندا حالىق بار. كوپ بولىپ...

مينيسترلەر جامىراپ كەتتi:

– ماعان 2 ميلليون تەڭگە قارىز!

– ماعان 12 ميلليون ەۋرو قارىز!

– ماعان 370 ميل­ليون تەڭگە قارىز...

بiر كەزدە تابىتتا جاتقان شىندىق باسىن كوتەردi. ولiكتi تiرiلتەتiن وتiرiككە جانى شىداماسا كەرەك. ول ەشكiمگە قارىز ەمەس ەدi.

سول-اق ەكەن، الگiندە عانا شىرت تۇكiرiپ، شiرەنiپ تۇرعاندار تىم-تىراقاي قاشتى...

قۇرال سەيىتحانۇلىنىڭ الەۋمەتتىك جەلىدەگى جازباسىنان

Abai.kz

2 پىكىر