دۇيسەنبى, 16 قىركۇيەك 2019
1149 0 پىكىر 12 تامىز, 2019 ساعات 10:00

رەسەيدە سەنبىلىك شەرۋ كەزىندە 300-دەن استام ادام ۇستالعان

سەنبى، 10 تامىزدا ماسكەۋ، سانكت-پەتەربۋرگ، دونداعى روستوۆ، بريانسك قالالارىنداعى ءادىل سايلاۋدى تالاپ ەتكەن اكتسيا كەزىندە جالپى سانى 325 ادام ۇستالعان. "وۆد-ينفو" قۇقىق قورعاۋ پورتالىنىڭ دەرەگىنشە، ماسكەۋدە - 229, پەتەربۋرگتە - 81, دونداعى روستوۆتا - 13, بريانسكىدە ەكى ادام ۇستالعان.

ماسكەۋدە رۇقسات ەتىلگەن اكتسيا اكادەميك ساحاروۆ داڭعىلىندا ءوتتى. وعان "بەلىي سچەتچيك" دەرەگىنشە، شامامەن 60 مىڭ ادام قاتىسقان. ال رەسەي ءىىم ميتينگىگە 20 مىڭ ادام كەلگەنىن حابارلادى.

جينالعاندار تاۋەلسىز كانديداتتاردى قالالىق دۋما سايلاۋىنا وتكىزۋدى تالاپ ەتىپ، بۇعان قوسا 27 شىلدە كۇنگى اكتسيادان كەيىن قوزعالعان قىلمىستىق ءىستى جابۋ قاجەتتىگىن ايتتى. شىلدە ايىنىڭ سوڭعى سەنبىسىندە وتكەن اكتسيادان كەيىن رەسەيدىڭ تەرگەۋ كوميتەتى "جاپپاي تارتىپسىزدىك ۇيىمداستىرۋ" ءىسى بويىنشا ءىس قوزعاپ، 14 ادامعا ايىپ تاققان ەدى.

10 تامىز كۇنگى ميتينگىدەن كەيىن شەرۋشىلەردىڭ ءبىر بولىگى "كيتاي-گورود" مەترو ستانتسياسىنا باعىت العان. وندا پوليتسيا شەرۋشىلەردى ۇستاي باستاعان.

پەتەربۋرگتە دە ماسكەۋلىك شەرۋشىلەردى قولداعان رۇقسات ەتىلمەگەن اكتسيا ءوتتى. وعان قاتىسۋشىلار بيلىكتەن جيىن وتكىزۋگە رۇقسات سۇراۋدى قاجەت ەتپەيتىن ءبىر ادامدىق پيكەت وتكىزەتىنىن ايتقان.

بۇعان دەيىن ماسكەۋدەگى شەرۋشىلەردى قولداپ، قازاقستاندىق ەكى بەلسەندى نۇر-سۇلتان مەن الماتىدا اكتسيا وتكىزگەن.

ماسكەۋ قالالىق دۋما سايلاۋى 8 قىركۇيەكتە وتەدى.

Abai.kz

0 پىكىر