"نورمان فورماتى" بويىنشا وتەتىن سامميتكە دەيىن كەزدەسۋ جايلى ماسەلە قوزعالعان جوق. سەبەبى "نورمان تورتتىگى" بويىنشا عانا كەزدەسەمىز دەپ كەلىسكەنبىز. ال ەگەر كەزدەسەتىن بولساق، وندا ابىگەر بولىپ، دايىندالماعان كەزدەسۋگە جۇگىرۋدىڭ نە قاجەتى بار. مەنىڭشە، بۇعان ەشكىم دە مۇددەلى ەمەس: مەن دە، زەلەنسكي دە. ءبىز قانداي دا ءبىر ناتيجەگە قول جەتكىزۋىمىز كەرەك قوي" دەدى ۆلاديمير پۋتين.

12 قاراشادا قازاقستاننىڭ بۇرىنعى پرەزيدەنتى نۇرسۇلتان نازارباەۆ ۋكراينا پرەزيدەنتى ۆلاديمير زەلەنسكي مەن رەسەي پرەزيدەنتى ۆلاديمير پۋتين اراسىندا نۇر-سۇلتان قالاسىندا كەلىسسوز وتكىزۋدى ۇسىنعان بولاتىن. سول كۇنى "استانا كلۋب" فورۋمىندا سويلەگەن نازارباەۆ "ەگەر ولار (پۋتين مەن زەلەنسكي – رەد.) كەزدەسۋگە بەيتاراپ جەر ىزدەسە، قازاقستاندى ۇسىنامىن" دەگەن.

كرەمل نازارباەۆ ۇسىنىسىنا ىڭعاي بىلدىرمەدى، ال ۋكراينانىڭ سىرتقى ىستەر مينيسترلىگى كەزدەسۋ جايلى پۋتيننەن ۇسىنىس تۇسپەگەنىن ايتتى.

"نورمان تورتتىگى" ءسامميتى - ۋكراينانىڭ شىعىسىنداعى جانجالدى رەتتەۋ ءۇشىن 2014 جىلدان بەرى جۇمىس ىستەپ كەلە جاتقان ۋكراينا، رەسەي، فرانتسيا جانە گەرمانيا جەتەكشىلەرى مەن سىرتقى ىستەر مينيسترلىگىنىڭ كەزدەسۋ فورماتى.

رەسەي مەن ۋكراينا اراسى 2014 جىلى رەسەي قىرىم تۇبەگىن اننەكسيالاپ، ۋكراينانىڭ شىعىسىنداعى سەپاراتيستەرگە قولداۋ كورسەتكەننەن كەيىن ۋشىققان.

Abai.kz