ءباسپاسوز بايانى. XI سپارتاكيادانى وتكىزۋ تۋرالى
بۇگىن الماتىداعى ورتالىق ستاديوندا «قازاتومونەركاسىپ» ۇلتتىق اتوم كومپانياسىنىڭ XI سپارتاكياداسى جالاۋىن كوتەرەدى. وتاندىق اتومشىلاردىڭ سپورت مەرەكەسىنە كەڭ بايتاق قازاقستاننىڭ ءتۇرلى ايماقتارىنان، اتاپ ايتقاندا قىزىلوردا، وڭتۇستىك قازاقستان، ماڭعىستاۋ، اقمولا، شىعىس قازاقستان جانە الماتى وبلىستارىنان كەلگەن ۋران سالاسىنىڭ 700-گە جۋىق قىزمەتكەرى قاتىسادى. ولار ۇلتتىق اتوم كومپانياسىنىڭ قۇرىلىمدىق بولىمشەلەرىنەن، بىرلەسكەن جانە ەنشىلەس كاسىپورىندارىنان قۇرالعان 22 كوماندا ساپىندا سايىسقا تۇسەدى.
سپورتتى سەرىك ەتكەن اتومشىلار الداعى 5 كۇن بويى ميني-فۋتبول، ۆولەيبول، ستول ءۇستى تەننيسى، بادمينتون، شاحمات جانە جەڭىل اتلەتيكا سياقتى سپورتتىڭ بۇقارالىق تۇرلەرىنەن ءوز ارالارىنداعى مىقتىلاردى انىقتايتىن بولادى. XI سپارتاكيادا 26 تامىز كۇنى سول توپجارعان جۇيرىكتەر مەن جەڭىمپازداردى ماراپاتتاۋ سالتاناتىمەن اياقتالادى.
بۇگىن الماتىداعى ورتالىق ستاديوندا «قازاتومونەركاسىپ» ۇلتتىق اتوم كومپانياسىنىڭ XI سپارتاكياداسى جالاۋىن كوتەرەدى. وتاندىق اتومشىلاردىڭ سپورت مەرەكەسىنە كەڭ بايتاق قازاقستاننىڭ ءتۇرلى ايماقتارىنان، اتاپ ايتقاندا قىزىلوردا، وڭتۇستىك قازاقستان، ماڭعىستاۋ، اقمولا، شىعىس قازاقستان جانە الماتى وبلىستارىنان كەلگەن ۋران سالاسىنىڭ 700-گە جۋىق قىزمەتكەرى قاتىسادى. ولار ۇلتتىق اتوم كومپانياسىنىڭ قۇرىلىمدىق بولىمشەلەرىنەن، بىرلەسكەن جانە ەنشىلەس كاسىپورىندارىنان قۇرالعان 22 كوماندا ساپىندا سايىسقا تۇسەدى.
سپورتتى سەرىك ەتكەن اتومشىلار الداعى 5 كۇن بويى ميني-فۋتبول، ۆولەيبول، ستول ءۇستى تەننيسى، بادمينتون، شاحمات جانە جەڭىل اتلەتيكا سياقتى سپورتتىڭ بۇقارالىق تۇرلەرىنەن ءوز ارالارىنداعى مىقتىلاردى انىقتايتىن بولادى. XI سپارتاكيادا 26 تامىز كۇنى سول توپجارعان جۇيرىكتەر مەن جەڭىمپازداردى ماراپاتتاۋ سالتاناتىمەن اياقتالادى.
سپارتاكيادا بۇگىندە 23 مىڭنان استام ادام ەڭبەك ەتەتىن «قازاتومونەركاسىپ» ۇاك» اق-نىڭ ماڭىزدى كورپوراتيۆتى ءىس-شاراسى رەتىندە جىل سايىن وتكىزىلىپ تۇرادى. سپورت سايىستارى قازاتومونەركاسىپ قىزمەتكەرلەرىنىڭ سالاۋاتتى دا بەلسەندى ءومىر سالتىن ۇستاناتىندىقتارىن كورسەتۋمەن قاتار، قوعامدا بۇقارالىق سپورت يدەيالارىن ناسيحاتتاۋداعى ۇلتتىق كومپانيانىڭ ۇلەسىن ەسەلەي تۇسەدى. سول سياقتى، سپارتاكيادا ورنالاسقان جەرى مەن اتقاراتىن قىزمەتىنە قاراماستان كاسىپورىن قىزمەتكەرلەرى اراسىنداعى ءوزارا دوستىق قارىم-قاتىناستى قالىپتاستىرۋعا جانە كورپوراتيۆتى مادەنيەتتى نىعايتۋعا قىزمەت ەتەتىن بولادى.
«قازاتومونەركاسىپ» ۇاك» اق - قازاقستاننىڭ ۋران جانە ونىڭ قوسىندىلارىن، سيرەك مەتالدار، اتوم ەلەكتر ستانسالارىنا ارنالعان يادرولىق وتىن، ارنايى قۇرال-جابدىقتار، تەحنولوگيالار جانە ەكىۇداي ماقساتتاعى ماتەريالدار ەكسپورتىمەن اينالىساتىن ۇلتتىق وپەراتور. كومپانيا قىزمەتىنىڭ باستى باعىتتارى گەولوگيالىق بارلاۋ، ۋران ءوندىرىسى، يادرولىق وتىن تسيكلى ونىمدەرىن ءوندىرۋ، رەاكتور جاساۋ، اەس قۇرىلىسى، كونسترۋكتسيالىق ماتەريالدار ءوندىرىسى، ەنەرگەتيكا، عىلىمي زەرتتەۋ، الەۋمەتتىك قامتۋ جانە ماماندار دايىنداۋ بولىپ تابىلادى. بۇگىنگى تاڭدا كومپانيادا 23 000-نان استام ادام ەڭبەك ەتەدى. قازاتومونەركاسىپ الەمنىڭ جەتەكشى ۋران ءوندىرۋشى كومپانيالارىنىڭ كوشىن باستاپ كەلەدى.
«قازاتومونەركاسىپ» ۇاك» اق
قوعاممەن بايلانىس ءبولىمى
+7 /727/ 244 62 54
