جۇما, 29 ناۋرىز 2024
2297 0 پىكىر 9 جەلتوقسان, 2019 ساعات 11:09

فرانتسيادا پوليتسيا نارازىلاردى تاراتۋ ءۇشىن كوزدەن جاس اعىزاتىن گاز شاشتى

فرانتسۋز پوليتسياسى زەينەتاقى رەفورماسىنا قارسىلىق تانىتقان نارازىلاردى تاراتۋ ءۇشىن كوزدەن جاس اعىزاتىن گاز شاشتى.

Reuters اگەنتتىگىنىڭ حابارلاۋىنشا، پاريج بەن نانت قالالارىندا پوليتسيا مەن نارازىلار اراسىندا قاقتىعىس بولعان. مۇندا "ماكرون جاڭىلدى" جانە "زەينەتاقىعا تيىسپەڭدەر!" دەگەن جازۋى بار پلاكات ۇستاعان مىڭداعان ادام كوشەگە شىققان. پاريجدە نارازىلار جۇك كولىگىن اۋدارىپ، ورتەگەننەن كەيىن پوليتسيا گاز شاشقان.

5 جەلتوقساندا فرانتسيادا جالپىحالىقتىق ەرەۋىل باستالدى. وعان مۇعالىمدەر، اۆياديسپەتچەرلەر، دارىگەرلەر، پوليتسەيلەر مەن سوت قىزمەتكەرلەرى قوسىلدى. پاريجدە قوعامدىق كولىك قىزمەتكەرلەرى نارازىلىققا شىققاندىقتان مەترونىڭ 11 ستانتسياسى جۇمىس ىستەمەيدى، دۇكەن، بانكتەر مەن مەيرامحانالار جابىلعان.

زەينەتاقى رەفورماسىن جۇزەگە اسىرۋ - پرەزيدەنت ەممانۋەل ماكروننىڭ سايلاۋ الدىندا بەرگەن ۋادەلەرىنىڭ ءبىرى. رەفورما بويىنشا، زەينەتاقىنى ەسەپتەۋ ءپرينيتسيپى وزگەرۋى ءتيىس - فرانتسيا ازاماتتارىنىڭ 62 جاستا زەينەتكە شىعۋ قۇقىعى بار، بىراق زەينەتاقىنى تولىق الۋ ءۇشىن 64 جاسقا دەيىن جۇمىس ىستەۋگە تۋرا كەلەدى. ۇكىمەت رەفورما جۇرگىزۋدى 2020 جىلى اياقتاۋعا ۋادە بەرگەن.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564