كوك بايراعىمىزعا دا تاۋەلسىزدىك بەرۋىڭىزدى سۇرايمىن!
قر پرەزيدەنتى ق.توقاەۆ!
ۇلتتىق كەڭەس مۇشەسى رەتىندە وزىڭىزدەن سۇرايمىن!
جاستارىمىزدىڭ قانىمەن كەلگەن 16 جەلتوقسان تاۋەلسىزدىك كۇنىنە وراي، ءبىزدىڭ كوك بايراعىمىزعا تاۋەلسىزدىك بەرۋىڭىزدى سۇرايمىن!
قر ازاماتشاسى رەتىندە كوك بايراعىمدى، ءوز ەلىمدە ەركىن الىپ جۇرگىم كەلەدى!
ەلىمىزدە بولاشاق ۇرپاقتى پاتريوت قىلىپ تاربيەلەگىمىز كەلسە، ەڭ ءبىرىنشى كوك بايراعىمىزدى ءسۇيىپ قۇرمەتتەۋدى ۇيرەتۋ كەرەك!
كوك بايراعىمىزدى ەرەجەگە ساي ۇستاپ ءجۇر; بايراقتى دۇرىس ىلمەگەسىن دەگەن ەرەجە زاڭداردى الىپ تاستاۋىڭىزدى. ءۇيدىڭ قابىرعاسىنا، بالكونىنا ىلسە ايىپ پۇل سالىپ، قۋدالاۋدى توقتاتۋىڭىزدى سۇرايمىن.
تاۋەلسىزدىك العانىمىزعا وتىز جىل بولدى. بولاشاق ۇرپاققا ەلدى ءسۇيۋدى رامىزدەردەن باستاپ ۇيرەتۋىمىز كەرەك! ءبىز ءبىر-بىرىمىزبەن الىسىپ، "وپپوزيتسيا بيلىك "- دەپ جۇرگەندە، بىزدەن كەيىن ءوسىپ كەلە جاتقان ۇرپاق ءوز ەلىنىڭ رامىزدەرىن بىلمەي ءوسىپ كەلەدى. وتاندى ءسۇيۋدى، وتانعا قىزمەت ەتۋدى ۇيرەتۋ ءبارىمىزدىڭ پارىزىمىز!
كوك جالاۋىمىز ەشقاشان جەرگە تۇسپەسىن، ءاربىر قازاقتىڭ قۇشاعىندا بولسىن!
ءاربىر قازاقستاندىقتىڭ ۇيىندە كوك بايراعىمىز ءىلىنىپ تۇرسا دۇرىس بولار ەدى.
ەلىمنىڭ كوك بايراعىن ءۇيىمنىڭ ءبىر بۇرىشىنا ىلگەنىم ءۇشىن، وتانىمدى سۇيەتىنىمدى كورسەتكەنىم ءۇشىن ايىپ پۇل تولەگىم كەلمەيدى!
قۇرمەتتى پرەزيدەنت!
زاڭعا وزگەرتۋلەر ەنگىزۋىڭىزدى سۇرايمىن!
ايگۇل ورىنبەك,
قر پرەزيدەنت جانىنان قۇرىلعان ۇلتتىق كەڭەس مۇشەسى.
(فەيسبۋك پاراقشاسىنان.)
Abai.kz
