قازاق جەرىنەن قانداستارىمىز دا قاعىس قالماۋى كەرەك!
"بۇل باعىتتا، مەنىڭ ۇستانىمىم – بەكەم: جەردى يگەرە الاتىن ادام عانا ونىڭ يەسى بولۋعا لايىق", دەدى پرەزيدەنت قاسىم-جومارت توقاەۆ ۇلتتىق قوعامدىق سەنىم كەڭەسىنىڭ 2-وتىرىسىندا سويلەگەن سوزىندە.
پرەزيدەنت، سونداي-اق، "جەردى سوت ارقىلى الىپ قويۋدىڭ ءتيىمدى جانە جەدەل تەتىكتەرىن قاراستىرۋ ماڭىزدى" دەي كەلىپ، ء"تيىستى قۇقىقتىق اكتىلەردى جەدەل قابىلداپ، يگەرىلمەي، بوس جاتقان جەرلەردى ەكونوميكالىق اينالىمعا ەنگىزۋ شارالارىن قولعا الۋى ءتيىس", دەپ ۇكىمەتكە تاپسىرما بەردى.
مىنە، وسىلايشا، كوپتىڭ كوكەيىندە جۇرگەن نەگىزگى ماسەلەنىڭ ءبىرى ۇلتتىق كەڭەستىڭ تالقىسىنان ءوتىپ، ناقتىلى تاپسىرمالار بەرىلدى. بۇل دا ءوز كەزەگىندە كونسۋلتاتيۆتىك كەڭەس جۇمىسىنىڭ ءبىر ناتيجەسى دەۋگە ابدەن بولاتىن اقپارات.
مەنىڭ ۇلتتىق كەڭەس مۇشەسى رەتىندە بەرگەن ۇسىنىستارىمنىڭ بىرەۋى - وسى قر "جەر كودەكسىنە" بايلانىستى بولاتىن.
قر "جەر كودەكسىنىڭ" 37, 46, 100-باپتارىندا "ورالماندارعا" جەر ۋچاسكەلەرiن بەرۋ قاراستىرىلعان. اتالعان باپتارعا تولىقتىرۋ ەنگىزىپ، قازاقستان رەسپۋبليكاسىنىڭ ازاماتى بولىپ تابىلمايتىن ۇلتى قازاق ادامدارعا دا وزiندiك قوسالقى شارۋاشىلىق، باعباندىق جانە ساياجاي قۇرىلىسىن، شارۋا نەمەسە فەرمەر قوجالىعىن جانە اۋىل شارۋاشىلىعى ءوندiرiسiن جۇرگiزۋ ءۇشىن جەردىڭ پايدالانۋ قۇقىعىن بەرۋدى ۇسىنعان ەدىم.
اتالعان ۇسىنىستىڭ ماڭىزدىلىعى مەن پايداسى تۋرالى باق ارقىلى الدەنەشە مارتە جازىلدى، ايتىلدى...
بۇل ۇسىنىس تۋرالى پرەزيدەنت بىردەن شەشىم قابىلدامايتىنى بەلگىلى. ۇكىمەتتىڭ قاراۋىنا جىبەرىپ، اۋىل شارۋاشىلىعى مينيسترلىگىنىڭ دە قالاي قارايتىنىن ەسكەرەتىنىن دۇرىس ءتۇسىنۋىمىز كەرەك. بۇل جولعى وتىرىستا بۇل ماسەلە تۋرالى ايتىلماعانىنىڭ سەبەبى دە وسى.
ارينە، پرەزيدەنت ايتقانداي، جەر - كوكەيتەستى ماسەلەنىڭ ءبىرى. سولاي بولا تۇرا، "الەمدەگى بار قازاق - ءبىر قازاق!" ەكەنىن ەسكەرسەك، الىستاعى اعايىندى قازاق جەرىنەن قاعىس قالدىرۋعا بولمايدى. قايتا، باتىل، ءتيىمدى قادامدار جاساپ، ولاردىڭ دا الەۋەتى مەن تاجىريبەسىن پايدالانعانىمىز دۇرىس-اق. شەتەل قارجىسىن شەتتەگى قانداستارىمىز ارقىلى تارتۋ، وتاندىق ءونىمدى ۇلكەن بازارعا قانداستارىمىز ارقىلى شىعارۋ - شەتتەگى قازاقتى ساقتاپ قالۋدىڭ ەڭ ۇتىمدى جولىنىڭ ءبىرى بولاتىنىنا بەك سەنىمدىمىن! اللا قالاسا، ۇلتتىق قوعامدىق سەنىم كەڭەسىنىڭ كەلەسى وتىرىستارىندا بۇل ماسەلەگە قاتىستى دا تۇشىمدى جاۋاپ الامىز دەپ ويلايمىن.
;feature=share&fbclid=IwAR2__YB9HsoAO8R_YTLuPB5eC15VulaT6c3wZVousShGq6Ovz6gg8LdCHUAاۋىت مۇقيبەك،
قر پرەزيدەنتى جانىنداعى
ۇلتتىق قوعامدىق سەنىم كەڭەسىنىڭ مۇشەسى.
Abai.kz
