تارازداعى 12 جاستاعى مەكتەپ وقۋشىسى زارداپ شەككەن وقىس وقيعاعا بايلانىستى قىزمەتىنەن بوساتىلعان تاراز قالاسىنىڭ ەكس-اكىمى قايرات دوساەۆ جامبىل وبلىسى ەڭبەك ينسپەكتسياسى باسقارماسىنىڭ باسشىسى بولىپ تاعايىندالدى.

-جامبىل وبلىسىنىڭ اكىمىنە تارازداعى 12 جاستاعى مەكتەپ وقۋشىسى زارداپ شەككەن وقىس وقيعاعا بايلانىستى جانە جۇمىسىندا جۇيەلى كەمشىلىكتەر جىبەرگەنى ءۇشىن تاراز قالاسىنىڭ اكىمىن قىزمەتىنەن بوساتۋدى تاپسىردىم. وبلىس اكىمىنە ەسكەرتۋ جاسادىم, - دەپ جازدى پرەزيدەنت تۆيتتەردەگى جازباسىندا.

ايتا كەتەيىك، توقاەۆتىڭ تاپسىرماسىنان كەيىن تاراز قالاسىنىڭ اكىمى قايرات دوساەۆ قىزمەتىنەن بوساتىلىپ، ونىڭ ورنىنا جامبىل وبلىسى اكىمىنىڭ وكىمىمەن تاراز قالاسىنىڭ اكىمى بولىپ ايتقازى قارابالاەۆ تاعايىندالعان بولاتىن.

ال، 20-جەلتوقسان كۇنى توقاەۆتىڭ تاپسىرماسىمەن قىزمەتىنەن كەتكەن قايرات دوساەۆ جامبىل وبلىسى ەڭبەك ينسپەكتسياسى باسقارماسىنىڭ باسشىسى بولىپ تاعايىندالدى.

قايرات دوساەۆ 1965 جىلى دۇنيەگە كەلگەن. جوعارى ءبىلىمى بار.

1987 جىلى قازاق اۋىل شارۋاشىلىعى ينستيتۋتىن ينجەنەر-مەحانيك، 2007 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن ەكونوميست ماماندىقتارى بويىنشا تامامداعان.

ەڭبەك جولىن 1987 جىلى «كازسەلحوزمەحانيزاتسيا» عىلىمي-وندىرىستىك بىرلەستىگىنىڭ ينجەنەرى قىزمەتىنەن باستاعان.

1994-1996 جىلدارى «التىن ديىرمەن» اق ينجەنەرى، «دەشت» جشس ديرەكتورى بولىپ جۇمىس ىستەگەن.

1998-2001 جىلدارى قازاقستاننىڭ توتەنشە جاعدايلار اگەنتتىگى توراعاسىنىڭ كومەكشىسى، 2001-2007 جىلدارى الماتى وبلىسى اكىمىنىڭ كومەكشىسى، تالدىقورعان قالاسى اكىمىنىڭ ورىنباسارى، قاراتال اۋدانىنىڭ اكىمى، الماتى وبلىسىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ باسقارماسىنىڭ باسشىسى، تاريفتەر جونىندەگى باسقارما باسشىسى، قازاقستان توتەنشە جاعدايلار ءمينيسترىنىڭ كەڭەسشىسى قىزمەتتەرىن اتقارعان.

2007-2011 جىلدارى كوممەرتسيالىق ۇيىمداردا ەڭبەك ەتتى.

2011-2014 جىلدارى «قازسپورتينۆەست» اق ۆيتسە-پرەزيدەنتى قىزمەتىن اتقارعان.

2014-2017 جىلدار ارالىعىندا قورداي اۋدانى اكىمى قىزمەتىندە بولدى.

2017-2019 جىلدارى شۋ اۋدانى اكىمى بولدى.

2019 جىلدىڭ 24 ساۋىرىنەن باستاپ 21 قاراشاعا دەيىن تاراز قالاسىنىڭ اكىمى بولدى.

Abai.kz