بارشامىز جاڭا جىل مەرەكەسىن اسىعا كۇتۋدەمىز. جەلتوقسان مەن قاڭتار ايلارى ءتۇرلى ينفەكتسيالار ءۇشىن ەڭ "جەمىستى" مەزگىل ەكەنى بەلگىلى.  وسى قىزىقتى كۇندەردى جاقسى كوڭىل-كۇيمەن قارسى الۋ ءۇشىن، قر دسم قوعامدىق دەنساۋلىق ساقتاۋ ۇلتتىق ورتالىعىنىڭ جۇقپالى اۋرۋلاردىڭ الدىن الۋ دەپارتامەنتىنىڭ مامانى نۇربالا باحتيارقىزى ۆيرۋستاردان قورعانۋ جولدارى تۋرالى كەڭەس بەرەدى.

«جەدەل رەسپيراتورلىق اۋرۋلار (جرا) — قوزدىرعىشتارى تىنىس الۋ جولدارى ارقىلى ادام اعزاسىنا وتەتىن جانە رەسپيراتورلىق تراكتىنىڭ شىرىشتى قابىعىنىڭ جاسۋشالارىندا كوبەيۋ ارقىلى، اۋرۋدىڭ نەگىزگى سيمپتوموكومپلەكسىن تۋدىرا وتىرىپ، ولاردى زاقىمدايدى (رەسپيراتورلىق تراكتتىڭ زاقىمدانۋ سيندرومى جانە جالپى جۇقپالى ۋلان ۋ). بەرىلىستىڭ نەگىزگى مەحانيزمى-اۋا-تامشى (اەروزولدى، از دارەجەدە اۋا-شاڭدى), سونىمەن قاتار كونتاكتىلى-تۇرمىستىق مەحانيزم (كونتاكتىلى ء—سۇيىسۋ كەزىندە، تۇرمىستىق — لاستانعان قول، زاتتار، سۋ ارقىلى) ءرول اتقارا الادى", - دەيدى مامان.

نۇربالا باقتيارقىزىنىڭ ايتۋىنشا، قازاقستاندا 2019 جىلدىڭ 11 ايىندا جەدەل رەسپيراتورلىق ۆيرۋستىق ينفەكتسيانىڭ (جرۆي) 483270 جاعدايى تىركەلگەن، بۇل كورسەتكىش 100 مىڭ ادامعا شاققاندا. 2644,22 وتكەن ەپيد ماۋسىمىنىڭ ۇقساس كەزەڭىمەن سالىستىرعاندا 11,64% - عا تومەن (2018 ج. اۋرۋ.كورس. 100 مىڭ حالىققا شاققاندا-2992,56).

جۇقپالى اۋرۋلاردىڭ الدىن الۋ دەپارتامەنتىنىڭ مامانى اتاپ وتكەندەي، (جرۆي) اۋرۋدىڭ كەز كەلگەن كەزەڭىندە اسقىنۋى مۇمكىن. اسقىنۋلار ۆيرۋستىق سيپاتتا بولۋى مۇمكىن، سونداي-اق باكتەريالىق ينفەكتسيانىڭ قوسىلۋى ناتيجەسىندە پايدا بولادى.جرۆي پنەۆمونيا، برونحيت، برونحيوليت اۋرالارىنا  اسقىنادى. جالپى اسقىنۋلارعا گايموريت، سينۋسيت، فرونتيت جاتادى. ءجيى ەستۋ اپپاراتىنىڭ قابىنۋى (ورتاشا وتيت), مي قابىعى (مەنينگيت، مەنينگوەنتسەفاليت), ءارتۇرلى نەۆريتتەر ء(جيى – بەت نەرۆىنىڭ نەۆريتى) پايدا بولادى.

دارىلىك زاتتار، نەگىزىنەن، بەلگىلى ءبىر سيمپتوماتيكانىڭ باسىمدىعىنا بايلانىستى تاعايىندالادى: ىستىقتى تۇسىرەتىن، قاقىرىق تۇسىرەتىن دارىلەر، اعزانى دەسەنسيبيليزاتسيالاۋعا ارنالعان انتيگيستاميندى پرەپاراتتار. قازىرگى ۋاقىتتا قۇرامىنا بارلىق وسى توپتاردىڭ بەلسەندى زاتتارى، سونداي-اق اعزانىڭ تابيعي قورعانىسىن ارتتىرۋعا ىقپال ەتەتىن س ءۆيتامينى كىرەتىن كەشەندى پرەپاراتتار بار.

نۇربالا باقتيارقىزى اۋرۋدىڭ الدىن الۋ ماقساتىندا وسى ەرەجەلەردى ۇستانۋعا كەڭەس بەرەدى:

*جرۆي-مەن اۋىراتىن ادامدارمەن قارىم-قاتىناس جاساماۋعا تىرىسۋ، قوعامدىق جەرلەردە ماسكا پايدالانۋ;

*قولدى سابىنمەن نەمەسە باكتەرياعا قارسى ەرىتىندىلەرمەن جۋ;

ء*بىر رەت قولدانىلاتىن مايلىقتاردى پايدالانا وتىرىپ، جوتەلۋ جانە تۇشكىرۋ كەزىندە مۇرىن مەن اۋزدى جابۋ;

*كوز، مۇرىن جانە اۋىزدى لاس قولمەن ۇستاماۋ;

*ادامدار كوپ جينالاتىن ورىندارعا بارۋدى شەكتەۋ;

*بولمەنىڭ اۋاسىن تازارتىپ وتىرۋ;

*سالاۋاتتى ءومىر سالتىن ۇستانۋ: تولىققاندى ۇيقى، تازا اۋا، بەلسەندى دەمالىس، دۇرىس تاماقتانۋ. 

ينفەكتسيالىق اۋرۋلاردىڭ الدىن الۋ دەپارتامەنتىنىڭ مامانى اۋرۋدىڭ العاشقى بەلگىلەرى پايدا بولعان كەزدە دەنى ساۋ ادامدارمەن قارىم-قاتىناستى شەكتەۋدى، جەكە كۇندەلىكتى گيگيەنا شارالارىن ۇستانىپ، ۋچاسكەلىك دارىگەردىڭ كومەگىنە جۇگىنۋگە كەڭەس بەرەدى. 

اۋىرىپ ەم ىزدەگەنشە، اۋىرمايتىن جول ىزدە!

Abai.kz