جۇما, 20 قاراشا 2026
داڭعىل 206 0 پىكىر 20 قاراشا, 2026 ساعات 11:46

تسيفرلىق مەديتسينا قانداي مۇمكىندىكتەرگە جول اشادى؟

سۋرەت: Freedom-نان الىندى.

شالعاي ەلدى مەكەندەردە مەديتسينالىق كومەكتىڭ قولجەتىمدىلىگى، اۋرۋلاردىڭ الدىن الۋ، مەديتسينالىق جابدىقتى وتاندىق ءوندىرۋدىڭ دامۋى جانە جاساندى ينتەللەكتتى ەنگىزۋ ماسەلەلەرىن 17 قاراشادا الماتىدا Freedom MedTech Talk اياسىندا تالقىلادى.

كەزدەسۋ بارىسىندا Freedom ەكوجۇيەسىنىڭ وكىلدەرى مەديتسينالىق باعىتتىڭ جۇمىس ناتيجەلەرى تۋرالى ايتىپ، جاڭا ونىمدەردى تانىستىردى جانە دەنساۋلىق ساقتاۋ سالاسىنداعى تسيفرلىق سەرۆيستەردى ودان ءارى دامىتۋ جوسپارلارىمەن ءبولىستى.

گەوگرافيالىق شەكاراسىز مەديتسينا

قازاقستان ءۇشىن وزەكتى ماسەلەلەردىڭ ءبىرى — مەديتسينا ماماندارىنىڭ قالالار مەن اۋىلدىق ەلدى مەكەندەر اراسىندا بىركەلكى بولىنبەۋى.

Freedom Lab باس ديرەكتورى، MED365 باسقارۋشى ديرەكتورى شىڭعىس قۇلاحمەتوۆتىڭ ايتۋىنشا، قالالاردا 10 مىڭ تۇرعىنعا 57 دارىگەر كەلسە، اۋىلدىق جەرلەردە بار بولعانى 17 دارىگەر كەلەدى.

بۇل ماسەلەنى شەشۋدىڭ ءبىر جولى — DigitalMed365 جوباسى. ءموبيلدى دياگنوستيكالىق كەشەندەر اۋىلداردىڭ وزىندە نەگىزگى تەكسەرۋلەردەن وتكىزۋگە، ناتيجەلەردى دارىگەرلەرگە جىبەرۋگە جانە تار مامانداردان قاشىقتان كەڭەس الۋعا مۇمكىندىك بەرەدى. قاراعاندى وبلىسىنداعى پيلوتتىق جوبا اياسىندا 2023 جىلدان 2025 جىلعا دەيىن 5,5 مىڭنان استام تۇرعىن تەكسەرىلدى.

«قالادا تەلەمەديتسينا مەديتسينالىق قىزمەت الۋدىڭ ءبىر نۇسقاسى بولسا، اۋىلدا ول جالعىز جول بولۋى مۇمكىن»، — دەدى شىڭعىس قۇلاحمەتوۆ.

وتاندىق ازىرلەمەلەر مەملەكەتتىك مىندەتتەردى شەشۋدە دە قولدانىلادى. ماسەلەن، «ە-مەدوسموتر» جۇيەسى اسكەرگە شاقىرىلۋشىلاردى مەديتسينالىق تەكسەرۋ ۋاقىتىن 20 مينۋتتان 5 مينۋتقا دەيىن قىسقارتتى. 2024 جىلدان بەرى 81 مىڭ تەكسەرۋ جۇرگىزىلدى، قازىر جوبا ەلىمىزدىڭ توعىز ءوڭىرىن قامتىپ وتىر.

قازاقستاندىق گەنوم: وتاندىق عىلىمنىڭ بولاشاعى

Freedom MedTech Talk-تا تانىستىرىلعان تاعى ءبىر باعىت — گەنەتيكالىق تەستىلەۋ. جاڭا سەرۆيستى ازىرلەۋگە ءبىر جارىم جىل كەتتى. وسى ۋاقىت ىشىندە ماماندار 200-دەن استام ىشكى تەست جۇرگىزىپ، 280 گەندەگى 403 نۇسقانى قامتيتىن گەنەتيكالىق پانەل قۇراستىردى.

الەمدىك گەنەتيكالىق بازالاردىڭ كوبى باسقا پوپۋلياتسيالاردىڭ دەرەكتەرى نەگىزىندە جاسالعان، ال قازاقستاندىقتار ولاردا ناشار ۇسىنىلعان. قازاقستاندىق رەفەرەنستىك گەنومدى قۇرۋ ءبىزدىڭ وڭىرگە ءتان اۋرۋلاردىڭ سەبەپتەرىن زەرتتەۋگە مۇمكىندىك بەرەدى. Freedom بۇل جۇمىسقا مەملەكەتپەن جانە عىلىمي ينستيتۋتتارمەن بىرلەسىپ ينۆەستيتسيا سالۋعا دايىن ەكەنىن ءبىلدىردى.

دەنساۋلىق — ءبىر قوسىمشادا

مەديتسينالىق باعىت Freedom SuperApp-تا دا بەلسەندى دامۋدا، ونىڭ كليەنتتەر سانى 7 ملن-نان استى. 2026 جىلعى ساۋىردە «مەنىڭ دەنساۋلىعىم» ءبولىمى ىسكە قوسىلعالى بەرى وندا 120 مىڭنان استام پروفيل قۇرىلدى.

قازىر پايدالانۋشىلارعا دارىگەرگە جازىلۋ، زەرتحانالىق زەرتتەۋلەر، دنق-تەستىلەۋ جانە ءدارى-دارمەككە تاپسىرىس بەرۋ قولجەتىمدى. جازىلۋ سەرۆيسىنە 202 جەكە كلينيكا قوسىلعان، قوسىمشادا 2 700 دارىگەر بار.

Freedom SuperApp CEO-سى، Freedom Bank باسقارۋشى ديرەكتورى ۆياچەسلاۆ كيمنىڭ ايتۋىنشا، كەلەشەكتە تسيفرلىق دەنساۋلىق پاسپورتىن، مەملەكەتتىك مەديتسينالىق قىزمەتتەردى بىرىكتىرۋ، تەلەمەديتسينانى دامىتۋ، جاساندى ينتەللەكت پەن جەكە دەنساۋلىق يندەكسىن (HealthScore) ەنگىزۋ جوسپارلانعان. قوسىمشانىڭ كەلەسى دامۋ باعىتتارى — «مەنىڭ كولىگىم» جانە «مەنىڭ ءۇيىم» بولىمدەرى.

Freedom Talk MedTech-تە تانىستىرىلعان شەشىمدەر دەنساۋلىق ساقتاۋ سالاسىندا بيزنەستىڭ، مەملەكەتتىڭ جانە عىلىمي قاۋىمداستىقتىڭ ءوزارا ىنتىماقتاستىق مۇمكىندىكتەرىن كورسەتەدى. بۇل جۇمىستىڭ ماڭىزدى ناتيجەسى ادامنىڭ تۇرعىلىقتى جەرىنە قاراماستان مەديتسينالىق كومەكتىڭ قولجەتىمدىلىگىن ارتتىرۋ، سونداي-اق قازاقستاندا پروفيلاكتيكالىق مەديتسينانى دامىتۋ بولۋى مۇمكىن.

Abai.kz

0 پىكىر