سەنات وتىرىسىندا «پەداگوگ مارتەبەسى تۋرالى» زاڭ جوباسىن تانىستىرعان ءبىلىم جانە عىلىم ءمينيسترى اسحات ايماعامبەتوۆ قۇجات ەلىمىزدىڭ ەلباسى ن.نازارباەۆتىڭ قازاقستان حالقىنا جولداۋىن ىسكە اسىرۋ اياسىندا ازىرلەنگەنىن جانە پەداگوگتەردىڭ قۇقىقتارىن كەڭەيتۋگە، ولاردى وزدەرىنە ءتان ەمەس قىزمەتتەن بوساتۋعا، جۇكتەمەنى ازايتۋعا، مۇعالىم ماماندىعىنا قويىلاتىن تالاپتاردى كۇشەيتۋگە باعىتتالعانىن، جۇمىس ىستەيتىن مۇعالىمدەردى ماتەريالدىق تۇرعىدا ىنتالاندىرۋ تەتىكتەرىن، سونداي-اق جاستاردى پەداگوگ ماماندىعىنا تارتۋ ماسەلەلەرىن كوزدەلىپ وتىرعانىن اتاپ ءوتتى.

قۇجاتتا جۇمىس بەرۋشىنىڭ ەلىمىزدىڭ ەڭبەك زاڭناماسىنا سايكەس پەداگوگكە كاسىبي قىزمەتىن جۇزەگە اسىرۋ ءۇشىن جاعدايدى قامتاماسىز ەتۋ جونىندەگى ەرەجەلەر بەكىتىلەدى.

بۇل رەتتە، پەداگوگكە ەلىمىز زاڭدارىندا كوزدەلگەن جاعدايلاردى قوسپاعاندا، كاسىپتىك مىندەتتەرمەن بايلانىستى ەمەس جۇمىس تۇرلەرىنە تارتۋعا; ودان ءبىلىم بەرۋ سالاسىنداعى زاڭنامادا كوزدەلمەگەن ەسەپتىلىكتى نە اقپاراتتى تالاپ ەتۋگە; زاڭداردا كوزدەلمەگەن تەكسەرۋلەردى جۇرگىزۋگە; وعان تاۋارلار مەن كورسەتىلەتىن قىزمەتتەردى ساتىپ الۋ جونىندەگى مىندەت جۇكتەۋگە; مەملەكەتتىك ورتا ءبىلىم بەرۋ ۇيىمدارىنىڭ پەداگوگتارىن ولاردىڭ كاسىبي قىزمەتىن جۇزەگە اسىرۋ كەزىندە مەملەكەتتىك ەمەس ۇيىمداردىڭ شارالارىن وتكىزۋگە تارتۋعا تىيىم سالۋ ارقىلى تۇسەتىن جۇكتەمەنى قىسقارتۋ جونىندەگى نورمالار ناقتى بەلگىلەنگەن.

زاڭ جوباسىنىڭ ەرەجەلەرىمەن پەداگوگتارعا الەۋمەتتىك كەپىلدىكتەر، ونىڭ ىشىندە: ۇزاقتىعى 56 كۇنتىزبەلىك كۇن تولەنەتىن جىل سايىنعى ەڭبەك دەمالىسى; پەداگوگتاردىڭ بالالارىنا مەكتەپكە دەيىنگى ۇيىمداردا تۇرعىلىقتى جەرى بويىنشا جەرگىلىكتى اتقارۋشى ورگانداردىڭ ءبىرىنشى كەزەكتە ورىن بەرەتىنى بەلگىلەنگەن.

سەناتور باقىتجان جۇماعۇلوۆ پەداگوگ ماماندىعىنىڭ ارتىقشىلىقتارى تۋرالى شىنايى، قىزىقتى ماقالالار مەن فيلمدەردىڭ جەتىسپەۋشىلىگىنە ءبىلىم ءمينيسترىنىڭ نازارىن اۋداردى. «پەداگوگ ماماندىعىن ناسيحاتتاۋ بويىنشا جۇيەلى جۇمىس جۇرگىزۋ قاجەت.  پەداگوگتارعا ارنالعان بۇقارالىق اقپارات قۇرالدارىنىڭ جۇمىسىن قايتا جالعاستىرۋ كەرەك. ول ءۇشىن بۇگىندە قانداي جۇمىستار، ونىڭ ىشىندە قانداي زاڭنامالىق تەتىكتەر قاجەت ەكەنىن ويلاستىرۋ كەرەك»، - دەدى سەناتور. ب.جۇماعۇلوۆ سونداي-اق جوسپارلانعان جاڭالىقتار، ءبىلىم بەرۋ جۇيەسىنە ەنگىزىلەتىن جاڭا ادىستەر بويىنشا قوعامدىق تالقىلاۋ جۇرگىزۋ قاجەت دەپ سانايدى.

سەناتورلار جان-جاقتى تالقىلاۋدان كەيىن پەداگوگ مارتەبەسى تۋرالى زاڭدى جانە وعان ىلەسپە قۇجاتتى قابىلدادى.

سەنات وتىرىسىندا زاڭناماعا قازاقستان رەسپۋبليكاسىنىڭ اكىمشىلىك-اۋماقتىق قۇرىلىسى، مەملەكەتتىك باسقارۋ جۇيەسىن، بيۋدجەتارالىق قاتىناستاردى جەتىلدىرۋ، كرەديتتەۋ جانە ءبىلىم بەرۋ ماسەلەلەرى بويىنشا تۇزەتۋلەر ەكى وقىلىمدا قارالىپ، قابىلداندى.

تۇزەتۋلەردى تانىستىرعان ۇلتتىق ەكونوميكا ءمينيسترى رۋسلان دالەنوۆتىڭ ايتۋىنشا، زاڭ جوباسى قازاقستان رەسپۋبليكاسى پرەزيدەنتى جارلىقتارىنىڭ جەكەلەگەن تاپسىرمالارىن ىسكە اسىرۋعا جانە:

- استانا قالاسىن نۇر-سۇلتان قالاسى دەپ قايتا اتاۋ تۋرالى;

- فيسكالدىق ورتالىقسىزداندىرۋ اياسىندا شاعىن جانە ورتا بيزنەستەن تۇسەتىن كورپوراتيۆتىك تابىس سالىعىنىڭ تۇسىمدەرىن جەرگىلىكتى بيۋدجەتتەرگە بەرۋگە;

- قازاقستان رەسپۋبليكاسىنىڭ مەملەكەتتىك كۇزەت قىزمەتى مەن قازاقستان رەسپۋبليكاسى «سىربار» سىرتقى بارلاۋ قىزمەتىندەگى قايتا ۇيىمداستىرۋعا;

- 90 كۇن وتكەننەن كەيىن مەرزىمى وتكەن كەپىلسىز تۇتىنۋشىلىق قارىزدار بويىنشا قىزمەت كورسەتكەنى ءۇشىن ەكىنشى دەڭگەيدەگى بانكتەر مەن ميكروقارجى ۇيىمدارىنا تۇراقسىزدىق ايىبىن (ايىپپۇل، ءوسىمپۇل), كوميسسيالار مەن وزگە دە تولەمدەردى ەسەپتەۋگە جانە تالاپ ەتۋگە تىيىم سالۋدى بەلگىلەۋگە;

- رەسپۋبليكالىق ماڭىزى بار قالالار مەن استانانىڭ قۇزىرەتىن كەڭەيتۋگە;

- ءبىلىم بەرۋ مەكەمەلەرىن باسقارۋ جانە بيۋدجەتتىك اكىمشىلەندىرۋ مىندەتتەرىن اۋداندىق دەڭگەيدەن وبلىستىق دەڭگەيگە قايتا ءبولۋ ماسەلەلەرىن شەشۋگە ارنالىپ ازىرلەنگەنىن حاباردار ەتتى.

«سونداي-اق، «قازاقستان رەسپۋبليكاسىنداعى مەملەكەتتىك قىزمەت تۋرالى» زاڭعا وزگەرىستەر ەنگىزۋ ۇسىنىلىپ وتىر، وعان سايكەس جاستاردىڭ كادرلىق رەزەرۆىنە الىنعان ادامدار «ا» جانە «ب» كورپۋسىنىڭ مەملەكەتتىك اكىمشىلىك لاۋازىمدارىنا ءتيىستى ىرىكتەۋسىز يە بولا الادى»، - دەپ اتاپ ءوتتى سەناتور سەرگەي پلوتنيكوۆ.

سەناتتىڭ ءباسپاسوز قىزمەتى

Abai.kz