رەداكتسيادان: 20 جەلتوقسان نۇر-سۇلتان قالاسىندا قر پرەزيدەنتى جانىنان قۇرىلعان ۇلتتىق قوعامدىق سەنىم كەڭەسىنىڭ ەكىنشى وتىرىسى وتكەن ەدى. سول جينالىستا مەملەكەت باسشىسى قاسىم-جومارت توقاەۆ پارلامەنتتىك وپپوزيتسيا ينستيتۋتى قاجەت ەكەنىن ايتقان. ءارى ۇكىمەتكە ءتيىستى ۇسىنىستار مەن زاڭ جوباسىن ازىرلەپ، پارلامەنتكە ەنگىزۋدى تاپسىرعان بولاتىن.

مەملەكەت باسشىسى ءوز سوزىندە پارلامەنتتىك وپپوزيتسيا مارتەبەسىن قالىپتاستىرىپ، باسقا پارتيا وكىلدەرى پارلامەنتتەگى كەيبىر كوميتەتتەردىڭ توراعاسى لاۋازىمىن يەلەنە الاتىنداي جاعداي جاساۋ كەرەك ەكەنىن ايتقان ەدى. پرەزيدەنتتىڭ ايتۋىنشا، بۇل قادام بيلىكتىڭ زاڭ شىعارۋ تارماعىنداعى بالامالى قىزمەتىنىڭ جۇيەلى جۇمىسىن قامتاماسىز ەتۋگە مۇمكىندىك بەرەدى.

پرەزيدەنتتىڭ وسى تاپسىرماسىنا ساي، «اق جول» دەموكراتيالىق پارتياسى پارلامەنتتىك وپپوزيتسيا تۋرالى زاڭ جوباسىن ۇسىنىپتى. بۇگىن رەداكتسيامىزعا اتالمىش اۋانداعى اقپار-حات كەلىپ ءتۇستى. تالقىلايىق...

پرەزيدەنت ق.توقاەۆتىڭ پارلامەنتتىك وپپوزيتسيا مارتەبەسىن قالىپتاستىرۋ تۋرالى تاپسىرماسىنا سايكەس، «اق جول» دەموكراتيالىق پارتياسى 2013 جىلى ازىرلەنىپ، ەۋروپاداعى قاۋىپسىزدىك جانە ىنتىماقتاستىق ۇيىمى تاراپىنان جوعارى باعالانعان پارلامەنتتىك وپپوزيتسيا تۋرالى زاڭ جوباسىن جەتىلدىرىپ، الداعى اپتالاردا ۇسىنادى.

زاڭ جوباسى حالىقارالىق وزىق تاجىريبەلەر نەگىزىندە جانە وتاندىق پارلامەنتتىك تاجىريبەنى ەسكەرە وتىرىپ ازىرلەندى. سونىمەن قاتار ەۋروپاداعى قاۋىپسىزدىك جانە ىنتىماقتاستىق ۇيىمىنىڭ دەموكراتيا جانە ادام قۇقىقتارى بيۋروسىنىڭ 2013 جىلى 28 ناۋرىزداعى № 120/03/2012 رەسمي پىكىرىندە جوعارى باعالاندى.

2013-2014 جىلدارى زاڭ جوباسىن ىسكە اسىرۋ مۇمكىن بولمادى. الايدا اتالمىش زاڭ جوباسى كۇنى بۇگىنگە دەيىن «اق جول» پارتياسىنىڭ كۇن تارتىبىنەن تۇسپەي، پارتيانىڭ رەسمي سايتىندا جاريالاندى.

فراكتسيا توراعاسى ازات پەرۋاشەۆ 2019 جىلى 15 تامىزدا «ۆرەميا» گازەتىنە بەرگەن «پەرەمەنى نۋجنى ي داجە نەيزبەجنى» اتتى سۇحباتىندا پارتيانىڭ وسى زاڭ جوباسىن جىلجىتۋدى جالعاستىرۋ نيەتى تۋرالى ايتقان بولاتىن.

«اق جول» پارتياسى پرەزيدەنت ك.توقاەۆتىڭ پارلامەنتتىك وپپوزيتسيا مارتەبەسىن ورناتۋ تۋرالى تاپسىرماسى ماسەلەنى پراكتيكالىق تۇرعىدان شەشۋگە قۇقىقتىق نەگىز جاسادى دەپ سەنەدى.

وسىعان بايلانىستى «اق جول» دەموكراتيالىق پارتياسى زاڭ جوباسىن قازىرگى كۇننىڭ شىندىعى مەن مەملەكەت باسشىسىنىڭ جاقىنداعى نۇسقاۋلارىنا قاراي جاڭارتۋدى باستادى. سودان كەيىن زاڭ جوباسى پارلامەنتتىك زاڭنامالىق باستامانىڭ بولىگى رەتىندە ۇكىمەتكە جىبەرىلەدى.

اتاپ ايتقاندا، 5 قاڭتاردا «اق جول» پارتياسى دەپۋتاتتارىنىڭ ەلدىڭ ءار ءتۇرلى ايماقتارىنداعى سايلاۋشىلارمەن كەزدەسۋلەرىندە قۇجاتتى تالقىلاۋ بولادى.

سونىمەن قاتار، زاڭ جوباسى بويىنشا ۇسىنىستار مەن ەسكەرتۋلەردى dpk.akzhol.kz@mail.ru ەلەكتروندى پوشتاسىنا جىبەرۋگە بولادى.

2013 جىلى ازىرلەنە باستاعان قۇجاتتى جاڭارتۋ بويىنشا جۇمىستى پارتيا توراعاسى ازات پەرۋاشەۆ باسقارادى.

قۇجات تۋرالى قىسقاشا اقپارات: زاڭ جوباسىندا پارلامەنتتە پارلامەنتتىك كوپشىلىككە اشىق قارسىلىق بىلدىرەتىن (ونىڭ ىشىندە زاڭ جوبالارىنا داۋىس بەرۋ) جانە قازىرگى ۇكىمەت قۇرامىنا كىرمەيتىن ساياسي پارتيالار تۋرالى «پارلامەنتتىك وپپوزيتسيا» انىقتاماسى ەنگىزىلگەن.

پارلامەنتتىك وپپوزيتسيانىڭ مىنانداي قۇقىقتارىن انىقتاۋ:

- ءوز دەپۋتاتتارىنىڭ اراسىنان ءماجىلىس توراعاسىنىڭ ورىنباسارلارىن جانە كوميتەتتەر توراعالارىن ۇسىناادى. سونداي-اق وپپوزيتسيا ءۇشىن رەسپۋبليكالىق بيۋدجەتتىڭ اتقارىلۋىن باقىلاۋ كوميتەتى توراعاسىنىڭ لاۋازىمىن بەكىتەدى;

- سىبايلاس جەمقورلىققا، زاڭ بۇزۋشىلىقتارعا، تەحنولوگيالىق اپاتتارعا جانە باسقا دا ماڭىزدى وقيعالارعا قاتىستى پارلامەنتتىك تىڭداۋلار مەن تەرگەۋلەردى باستاۋعا;

- ۇكىمەتتىك زاڭدارعا بالاما زاڭ جوبالارىن ەنگىزۋ;

- پارلامەنتتىك وپپوزيتسيا وكىلىنىڭ پارلامەنت وتىرىستارىندا ءسوز سويلەۋى;

- حابارلاما تۇرىندە ميتينگىلەر، دەمونستراتسيالار مەن شەرۋلەر وتكىزۋگە;

- بۇقارالىق اقپارات قۇرالدارىنىڭ تەڭ جاريالانۋى (ونىڭ ىشىندە مەملەكەتتىك اقپاراتتىق تاپسىرىس) جانە بيلىكتىڭ پارتياسىمەن تەڭ بيۋدجەتتىك قارجىلاندىرۋ سىندى باسقا قۇقىقتارىن انىقتاۋ ۇسىنىلادى.  

جوبا وپپوزيتسيا دەپۋتاتتارىنىڭ ءوز وكىلەتتىكتەرىن كەدەرگىسىز جۇزەگە اسىرۋىنا جانە پارلامەنتتىك يممۋنيتەتتەن جانە مانداتتان ايىرىلۋدان تەك ءوز فراكتسيالارىنىڭ كەلىسىمىمەن عانا قورعاۋعا كەپىلدىك بەرەدى.

سونداي-اق، قۇجاتتا پارلامەنتتىك وپپوزيتسيانىڭ «پارلامەنت جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىندا بەلگىلەنگەن نورمالاردى ساقتاۋ مىندەتتەرى قاراستىرىلعان. قۇجات تۋرالى قوسىمشا اقپاراتتى جوعارىداعى سىلتەمەدەن بىلۋگە ​​بولادى.

«اق جول» دەموكراتيالىق پارتياسى بۇل زاڭ قابىلدانعان جاعدايدا رەسپۋبليكانى ودان ءارى دەموكراتيالاندىرادى جانە تۇڭعىش پرەزيدەنت نۇرسۇلتان نازارباەۆ بەكىتكەن «100 ناقتى قادام» ۇلت جوسپارىندا قاراستىرىلعانداي ۇكىمەت قوعام الدىندا ەسەپ بەرەدى دەپ سانايدى.

Abai.kz